Pagsupak sa Third-Party sa Intelektwal nga Pagpanag-iya

Mga Detalye sa Palisiya
Mga Kasinatian sa User

Mga detalye sa palisiya

BAG-OHA ANG LOG
Policy Rationale
Seryoso para sa Meta ang mga katungod sa intelektwal nga panag-iya ug debotado ni sa pagprotektar niini nga mga katungod samtang nagpasiugda sa pagpahayag, creativity, ug paghimog bag-ong butang sa usa ka lugar nga gibase sa pagsalig sa komunidad.
Tungod ani, ipatuman namo ang palisiya batok sa pag-post og content nga supak sa mga katungod sa intelektwal nga panag-iya asa ubang tawo, apil ang copyright, trademark, o uban pang legal nga katungod. Among i-publish ang impormasyon bahin sa mga report sa intelektwal nga pagpanag-iya nga nadawat namo sa among Report sa Transparency sa Intelektwal nga Pagpanag-iya.
Aron ireport ang content nga para nimo nakayatak sa imong mga katungod sa intelektwal nga panag-iya, bisitaha ang among Sentro sa Tabang sa Intelektwal nga Pagpanag-iya, bisitaha ang among pahina sa Proteksiyon sa Negosyo, o konsideraha ang pag-apply para ma-acess ang Proteksiyon sa mga Katungod sa Brand.
Inigkadawat og report gikan sa mga naay katungod o usa ka awtorisadong representante, tangtangon o limitahan namo ang content nga naay:
  • Paglapas sa copyright.
  • Paglapas sa trademark.
  • Pagbaligya o promosyon sa pekeng mga produkto
  • Bakak nga koneksiyon sa (mga) brand
  • Uban pang paglapas o pagsupak sa mga katungod sa intelektwal nga panag-iya o uban pang mga katungod sa pagpanag-iya
Tangtangon pod namo ang content nga:
  • Naay mga sinyales nga namaligya o gi-promote sa content ang mga pekeng branded nga mga produkto
  • Naay mga link ngadto sa mga website nga wala sa platform aron mabaligya o ma-promote ang gidudahang pekeng mga produkto
  • Nagbaligya o nag-promote og gidudahang pekeng mga produkto nga medyo parehas o parehas kaayo sa content nga kanhi nang gireport nga peke niadtong naay katungod
  • Nag-share, nag-promote, o nagpasayon sa gidudahang pagsupak sa copyright
Tangtangon namo ang mga accounts nga:
  • Balikbalik nga misupak niini nga palisiya.
Tugotan namo ang content nga giawtorisahan niadtong naay mga katungod ug nagsunod sa mga prinsipyo sa patas nga paggamit
Mga kasinatian sa user
Tan-awa ang pipila ka pananglitan kon unsay ipasabot sa pagpatuman ngadto sa mga tawo diha sa Facebook, parehas sa: kon unsay ipasabot sa pagreport sa usa ka butang nga para nimo dili angayng naa sa Facebook, nga maingnan nga nasupak nimo ang atong mga Tamdanan sa Komunidad ug sa pagpakitag warning screen tungod sa usa ka espesipikong content.
Hinumdomi: Padayon ming nag-uswag, mao nga basin dili na updated ang imong makita dinhi kon itandi sa gigamit namo karon.
KASINATIAN SA USER
Pagreport
KASINATIAN SA USER
Komunikasyon human sa pagreport
KASINATIAN SA USER
Kasinatian sa pagtangtang
KASINATIAN SA USER
Warning screen
Pagpatuman
Parehas ra mig palisiya sa tibuok kalibotan, para sa tanang naa sa Facebook.
Team sa pagrebyo
Ang among team sa tibuok kalibotan nga naay kapin sa 15,000 ka tigrebyo nga kada adlawng naningkamot nga magpabiling luwas ang Facebook.
Pagpakiglambigit sa Stakeholder
Ang mga eksperto sa gawas, mga iskolar, mga NGO ug tighimog mga palisiya motabang sa pagpahibalo sa Mga Tamdanan sa Komunidad sa Facebook.
Pangayog tabang bahin sa Pagsupak sa Third-Party sa Intelektwal nga Pagpanag-iya
HIbaloi kon unsay imong mahimo kon naa kay makita sa Facebook nga supak sa among mga Tamdanan sa Komunidad.
Bisitaha ang among Sentro sa Tabang