Dili Matinud-anong Pamatasan

Mga Detalye sa Palisiya
Mga Kasinatian sa User

Mga detalye sa palisiya

BAG-OHA ANG LOG
Policy Rationale
Ang Dili Matinud-anon nga Pamatasan nagtumong sa lainlaing pagpangilad, nga gihimo sa peke nga mga asset nga gikontrol sa usa lang ka tawo, aron ilaron ang Meta o ang among komunidad o aron malikayan ang pagpatuman ilawom sa mga Tamdanan sa Komunidad.
Dihang ang mga hulga sa kontra mogamit nag sayop nga mga pagkatawo aron mohimog komplikadong mga klase sa Dili Matinud-anon nga Pamatasan, mohimo na sila sa among gitawag og Coordinated Inauthentic Behavior (CIB).
Magamit kini nga mga aksyon sa pagpatuman ug mga tamdanan bisan unsa pa ang content o ideolohiya ug gidisenyo sa paghimog usa ka dapit diin ang mga tawo makasalig sa mga tawo ug komunidad diin naa silay interaksyon.
Dihang among ilhon kini nga mga network, among tangtangon ang tanang peke nga account, Pahina, Grupo, o uban pang asset sa Meta nga direktang apil sa operasyon. Sa mga kaso diin kining mga tawhana naghimo, nagdumala, nag-co-opt, nag-target, o nagkontrol og mga Pahina, Grupo o mga komunidad nga nagrepresentar sa tinuod nga mga entidad nga dili apil sa supak nga pamatasan, mohimo tingali mig mga tikang arong tangtangon ang misupak nga mga indibidwal pero tugotan ang walay apil nga mga tawo ug komunidad nga magpabilin sa among mga serbisyo.
Kon posible, ipaambit namo ang among nahibaloan bahin sa mga grupo sa tawo nga naghimog CIB diha sa among Tinuig nga Report sa mga Hulga sa Kapeligrohan, nga makita dinhi. Wala gipakita niini nga mga report ang tanang kaso sa pagpatuman ilawom sa palisiya sa Dili Matinud-anon nga Pamatasan, pero motabang ni nga masabtan sa among komunidad sa nagakausab nga mga hulga nga among giatubang.
Dili namo tugotan ang:
Paghimo, paggamit, o pag-angko nsa paggamit sa Dili Tinuod nga mga Asset sa Meta (Mga Account, Page, Grupo, ug uban pa) aron:
  • Ilaron ang Meta o among mga user bahin sa tumong, o gigikanan sa usa ka audience o sa entidad nga girepresentahan niini
  • Aron Likayan ang pagpatuman ilalom sa mga Tamdanan sa Komunidad.
  • Sayop nga paggamit sa mga sistema sa pagreport sa Meta aron mang-harass, manghadlok o pahilomon ang uban.
Para sa mosunod nga mga Tamdanan sa Komunidad, kinahanglan namo ang dugang impormasyon ug/o konteksto para sa pagpatuman:
Dili namo tugotan ang:
  • Mga entidad nga makiglambigit, o mangangkon nga nakiglambigit sa Giplanong Dili Matinud-anong Pamatasan nga gihulagway ingon nga grabe ka komplikadong klase sa Dili Matinud-anong Pamatasan diin importante ang sayop nga pagkatawo sa operasyon ug ang mga operator mogamit og supak nga mga paagi aron malikayan nga masakpan o aron mahimo ning morag tinuod; ug
  • Mga entidad nga makiglambigit, o mangangkon nga nakiglambigit sa Foreign Interference, nga giila ingong Dili Matinud-anong Pamatasan diin ang mga network operators wala sa usa ra ka nasod ingong audience sa mga operation target.
  • Mga gobyerno nga nagpatuman og mga pag-block sa social media aron gamiton ang ilang opisyal nga mga departamento, ahensiya, ug mga emabahada aron dili makagamit og puwersa o bayolenteng mga hitabo sa konteksto sa usa ka pag-atake batok sa teritoryal nga integridad sa ubang istado nga supak sa Article 2(4) sa UN charter.
Mga kasinatian sa user
Tan-awa ang pipila ka pananglitan kon unsay ipasabot sa pagpatuman ngadto sa mga tawo diha sa Facebook, parehas sa: kon unsay ipasabot sa pagreport sa usa ka butang nga para nimo dili angayng naa sa Facebook, nga maingnan nga nasupak nimo ang atong mga Tamdanan sa Komunidad ug sa pagpakitag warning screen tungod sa usa ka espesipikong content.
Hinumdomi: Padayon ming nag-uswag, mao nga basin dili na updated ang imong makita dinhi kon itandi sa gigamit namo karon.
KASINATIAN SA USER
Pagreport
KASINATIAN SA USER
Komunikasyon human sa pagreport
KASINATIAN SA USER
Kasinatian sa pagtangtang
KASINATIAN SA USER
Warning screen
Pagpatuman
Parehas ra mig palisiya sa tibuok kalibotan, para sa tanang naa sa Facebook.
Team sa pagrebyo
Ang among team sa tibuok kalibotan nga naay kapin sa 15,000 ka tigrebyo nga kada adlawng naningkamot nga magpabiling luwas ang Facebook.
Pagpakiglambigit sa Stakeholder
Ang mga eksperto sa gawas, mga iskolar, mga NGO ug tighimog mga palisiya motabang sa pagpahibalo sa Mga Tamdanan sa Komunidad sa Facebook.
Pangayog tabang para sa dili matinud-anong pamatasan
HIbaloi kon unsay imong mahimo kon naa kay makita sa Facebook nga supak sa among mga Tamdanan sa Komunidad.
Bisitaha ang among Sentro sa Tabang