Sa pagpaningkamot nga mapugngan ug malikayan ang kadaot, tangtangon namo ang content nga nagpahigayon o nag-organisar og pagpahimulos sa mga tawo, apil ang human trafficking. Para namo, ang kahulogan sa human trafficking mao ang negosyo diin kuhaan og kagawasan ang usa ka tawo aron makaganansiya. Mao ni ang pagpahimulos sa mga tawo aron pugson sila sa komersyal nga pagpakigsekso, pagtrabaho, o uban pang aktibidad nga dili nila gusto. Nagdepende ni sa pagpangilad, pagpamugos, ug pagpanghadlok, ug pagpakaulaw sa mga tawo pinaagi sa pagkuha sa ilang kagawasan samtang nakakuwarta o nakapahimulos niini ang uban.
Komplikado ang human trafficking ug kaylap ni sa tibuok kalibotan; makaapektar ni kang bisan kinsa bisag unsa pay ilang edad, kahimtang sa kinabuhi, etnisidad, gender, o bisag asa pa sila. Lainlain nig klase, ug ang bisan unsang situwasyon sa trafficking naglakip sa daghang yugto sa pag-uswag. Kay kini nga pag-abuso naglakip man og pagpamugos, dili makahatag og pagtugot ang mga biktima.
Bisag nag-amping ta nga dili sagolon ang human trafficking ug smuggling, usahay konektado ni ug dungan nga mahitabo. Gihulagway sa United Nations ang human smuggling ingon nga ang pagpalit o pagtabang aron mapasayon ang ilegal sa pagsulod ngadto sa usa ka estado patabok sa internasyonal nga mga border. Bisag walay pagpamugos nga nahitabo, posible gihapon nga resulta ni sa pagpahimulos sa usa huyang nga indibidwal nga gustong mobiya sa nasod nga ilang gigikanan, sagad sa pagpamasin nga moarang-arang ang kahimtang sa kinabuhi. Ang human smuggling maoy usa ka krimen batok sa estado, nga gibase sa ilegal nga pagtabok sa border sa mga tawo, ug ang human trafficking maoy usa ka krimen batok sa usa ka tawo, nga gibase sa pagpahimulos.
Gawas sa content nga nagsaway, naghatag og katibuk-ang impormasyon, o pagbalita sa mga isyu sa human trafficking o human smuggling, tugotan namo ang content nga nangayo o nagpaambit og impormasyon bahin sa personal nga safety ug pagtabok sa border, nangitag kadangpan o kon unsaon pagbiya sa usa ka nasod.
Ayawg i-post ang:
Content, aktibidad o mga interaksyon nga nag-recruit, nag-organisar o nagpahimulos sa mga tawo pinaagi sa bisan hain sa mosunod nga klase sa human trafficking:
Sex trafficking (bisan unsang komersyal nga seksuwal nga aktibidad nga naay ginagmay o bisan unsang sekssuwal nga aktibidad sa usa ka adulto nga naay pagpamugos, pagpangilad, o pagpresyur)
Pagbaligyag mga bata o ilegal nga pagsagop
Ilegal nga pagbutang sa mga bata sa orphanage ug pagbiyahe aron moboluntaryo sa maong mga orphanage
Pinugos nga pagpaminyo (apil ang kaminyoon sa bata)
Pagpahimulos sa trabahante (apil ang pagpatrabaho tungod sa utang)
Pag-ulipon diha sa panimalay
Non-regenerative organ trafficking, walay labot sa pagkuha, pag-donate, o pag-transplant sa organ sa konteksto sa donasyon sa organ nga dili pinugos
Pinugos nga kriminal nga aktibidad (pananglitan, pinugos nga pagpakilimos, pinugos nga drug trafficking)
Pagpang-recruit og batang mga sundalo
Content diin ang usa ka third party mang-recruit, magpasayon o makabenepisyo gikan sa (makakuwarta o uban pa) komesyal nga seksuwal nga aktibidad
Content nga nagtanyag sa paghatag o pagpasayon sa human smuggling
Content nga nangayog mga serbisyo sa human smuggling
Tugotan namo ang content nga dili sakop niini nga palisiya kon gi-post sa konteksto sa pagsaway, pagtudlo, paghatag og impormasyon, o pagbalita.
Ilawom sa among mga Palisya sa Pagpahimulos sa Tawo, pwede pong konsiderahon sa among mga tigrebyo ang daghang ilhanan aron mailhan ug mabuhatan og aksyon ang misupak nga mga account.
- Tangtangon tingali namo ang mga account base sa ilang mga interaksyon sa laing nakalapas nga mga account, nangita sa o mga interaksyon nga naay nakalapas nga content, o pagka-miyembro sa mga komunidad (pananglitan, Mga Grupo) nga among gitangtang tungod sa paglapas sa among mga palisiya.
Para sa mosunod nga mga Tamdanan sa Komunidad, kinahanglan namo ang dugang impormasyon ug/o konteksto para sa pagpatuman sa: