Binuhatan nga Resulta sa Pagdumot

Mga Detalye sa Palisiya
Mga Kasinatian sa User
Data

Mga detalye sa palisiya

BAG-OHA ANG LOG
Policy Rationale
Nagtuo mi nga ang mga tawo mas gawasnong mosulti sa ilang opinyon ug mas makig-amigo kon dili sila mobating gidumtan tungod sa kon kinsa sila. Kanay rason kon nganong dili namo tugotan sa Facebook, Instagram, o Threads ang binuhatan nga resulta sa pagdumot.
Para namo, ang kahulogan sa binuhatan nga resulta sa pagdumot mao ang direktang mga pag-atake sa mga tawo — dili mga konsepto o institusyon — tungod sa among gitawag og protetadong mga kinaiyahan (protected characteristics, PC): rasa, etnikong kagikan, nasod nga gigikanan, pagkabaldado, relihiyon, istado sa kinabuhi, seksuwal nga oryentasyon, gender, seksuwalidad, ug seryosong sakit. Dugang pa, giisip namo ang edad ingong protektadong kinaiyahan dihang hisgotan ni dungan sa uban pang protektadong kinaiyahan. Panalipdan pod namo ang mga refugee, nagtrabaho sa laing nasod, imigrante, ug nangitag nasod nga kadangpan gikan sa grabeng mga pag-atake (Tier 1 sa ubos), pero tugotan namo ang mga komento ug pagsaway sa mga palisiya sa imigrasyon. Sa susama, magtagana mig pipila ka proteksiyon para sa dili protektadong mga kinaiyahan, parehas sa trabaho, dihang hisgotan ni dungan sa uban pang protektadong kinaiyahan. Usahay, base sa lokal nga mga kahimtang, konsiderahon namo ang espesipikong mga pulong o prase ingong komon nga gigamit nga mga kapuli para sa protektadong kinaiyahan.
Tangtangon namo ang mga pulong nga makapamenos sa pagkatawo, mga pasangil sa seryosong pagka-imoral o pagkakriminal, ug makainsulto nga mga pulong. Tangtangon pod namo ang makadaot nga sayop nga mga panglantaw, nga para namo usa ka pagkumpara nga makapawala sa pagkatawo nga gigamit na sa una aron atakehon, hadlokon, o pakitaag deskriminasyon ang usa ka partikular nga grupo, ug nga sagad konektado sa offline nga kasamok. Ug tangtangon pod namo ang seryosong mga panginsulto, pahayag sa pagtamay o kawalay pag-uyon, pagpamalikas, ug panawagan para sa diskriminasyon dihang atakehon ang mga tawo nga naay protektadong mga kinaiyahan. Among bahinon sa duha ka klase ang gigrabehon niini nga sinultihan, nga gihulagway sa ubos.
Among giila nga mag-share usahay ang mga tawo og content nga naay mga panginsulto o pahayag sa ubang tawo aron sawayon ang pahayag o ireport ni. Sa ubang mga kaso, puwedeng gamiton ang pahayag, apil ang mga panginsulto, nga dili supak sa among mga tamdanan sa pagtumong sa kaugalingon o aron awhagon ang uban. Tugotan namo ni nga pahayag kon klaro ang intensiyon sa nagpahayag niini. Kon dili klaro ang intensiyon, posibleng tangtangon namo ang content.
Usahay mogamit ang mga tawo og pinulongan nga eksklusibo sa gender dihang maghisgot og access sa mga dapit nga sagad naay limitasyon sa gender, sama sa access sa mga CR, partikular nga mga eskuwelahan, partikular nga mga papel sa militar, tigpatuman sa balaod, o pagtudlo, ug mga grupo para sa panglawas o mga support group. Sa ubang higayon, manawagan silag diskriminasyon o mogamit og panginsulto sa konteksto bahin sa paghisgot og politikal o relihiyosong mga topiko, sama sa dihang maghisgot bahin sa mga katungod sa transgender, imigrasyon, o homoseksuwalidad. Ug, usahay balikason sa mga tawo ang usa ka gender maylabot sa konteksto sa panagbulag sa relasyon. Gidisenyo ang among mga palisiya nga tugotan ang ingon niini nga mga klase sa sinultihan.
Ayawg i-post ang:
Tier 1
Content nga nag-target sa usa ka tawo o grupo sa mga tawo (gawas sa mga grupo nga gihulagway nga naghimog bayolente o seksuwal nga mga krimen o nagrepresentar sa halos katunga sa usa ka grupo) tungod sa gihisgotan nang protektadong (mga) kinaiyahan o immigration status kini man gisulat o makita nga naay:
  • Makainsulto nga sinultihan nga nagtandi o nagsultig negatibong mga ideya bahin sa mga hayop, pathogen, o uban pang linalang nga mas ubos sa tawo, apil ang:
    • Mga insekto (apil ang, pero dili limitado sa: mga uk-ok, dulon)
    • Mga hayop nga giisip sa katibuk-an o sa espesipiko ingong ubos (apil ang, pero dili limitado sa: Itom nga mga tawo ug mga aliwas o mga hayop nga morag aliwas; Mga Hudiyo ug mga ilaga; Mga Muslim ug mga baboy; Mga Mexican ug mga ulod)
    • Mga bacteria, virus, o mikrobyo
    • Pagtandi sa mga linalang nga mas ubos sa tawo (apil ang, pero dili limitado sa: mga hangol, yawa, mangtas nga mananap)
  • Mga alegasyon sa grabeng imoralidad ug kriminalidad:
    • Mga seksuwal nga tig-abuso ug mga pedophile (apil ang, pero dili limitado sa: Mga Muslim nga nakigsekso sa mga kanding o baboy)
    • Bayolenteng mga kriminal (apil ang, pero dili limitado sa: mga terorista, tigpamatay)
  • Panawagan ug panghinaot para sa mosunod nga kadaot (ang grabe o espesipikong mga hulga ug panawagan para sa pagkabayolente gihisgotan ilalom sa among palisiya sa Pisikal nga Pag-atake ug Pagpanghagit):
    • Pagbaton og sakit
    • Pagsinatig natural nga kalamidad
    • Pagpasakit sa kaugalingon o pagpakamatay
    • Kamatayon nga walay naghimo o pamaagi
    • Aksidente o uban pang pisikal nga kadaot nga walay naghimo o hinimo sa labawng makakagahom
  • Makadaot nga mga stereotype nga dugay nang konektado sa pagpanghadlok o pagkabayolente, sama sa Blackface; Dili pagdawat sa holocaust; nangangkon nga kontrolado sa mga Hudiyo ang mga institusyon sa pinansiyal, politikal, o mga media; paghisgot sa mga Dalit ingong ubos kaayo nga mga trabahante; ug pagtandi sa Itom nga mga tawo ngadto sa mga gamit sa uma.
  • Pagyagayaga sa konsepto, mga hitabo o biktima sa mga krimen sa pagdumot bisag walay makitang tawo diha sa usa ka hulagway.
  • Pagyagayaga sa mga tawo tungod sa pagbaton o pagkasinatig sakit.
  • Content nga naghulagway o negatibong nag-target sa mga tawo nga gamit ang makainsultong mga pulong. Ang makainsultong mga pulong gihulagway ingong mga pulong nga naghatag og palibot nga naay diskriminasyon ug pagpanghadlok sa mga tawo base sa protektadong kinaiyahan, sagad tungod kay kining mga pulonga konektado sa historikal nga diskriminasyon, pagdaogdaog, ug pagkabayolente.
Tier 2
Content nga nag-target sa usa ka tawo o grupo sa mga tawo tungod sa ilang protektadong (mga) kinaiyahan (sa sinulat nga paagi man o visual) nga naay:
  • Mga panawagan o suporta para sa diskriminasyon o pagpalahi o mga pahayag sa kagustohan sa dili pag-apil o pagpalahi, nga gihulagway nga:
    • Katibuk-ang pagpalahi, nga nagkahulogan sa panawagan para sa katibuk-ang dili pag-apil o pagpalahi, sama sa “Bawal ang X!”
    • Politikal nga pagpalahi, nga nagkahulogang paghikaw sa katungod sa pag-apil sa politika o pagpakiglalis para mapriso o paghikaw sa mga katungod sa politika.
    • Ekonomikong pagpalahi, nga nagkahulogang dili paghatag sa ekonomikong mga katungod ug paghatag og limitasyon nga makaapil sa labor market. Tugotan namo ang content nga naay argumento bahin sa mga pagdili sa military, tigpatuman sa balaod, ug pagtrabaho ingong magtutudlo tungod sa gender. Tugotan pod namo ang mao ra nga content base sa sekswal nga oryentasyon, dihang ang content gibase sa relihiyosong mga pagtulun-an.
    • Pagpalahi diha sa katilingban, nga nagkahulogang paghikaw sa mga butang nga sama sa paghikaw og access sa mga lugar (pisikal ug online) ug mga social service, gawas sa mga pagpalahi tungod sa sekso o gender gikan sa mga lugar nga sagad limitado tungod sa sekso o gender, sama sa mga restroom, sports ug sports league, mga grupo sa panglawas ug suporta, ug espesipikong mga eskuwelahan.
  • Mga insulto, apil ang bahin sa:
    • Personalidad, apil ang, pero dili limitado sa mga alegasyon sa pagkatalawan, pagkabakakon, paghimo sa pangunang mga krimen, ug pagpakigsekso sa daghang tawo o uban pang seksuwal nga imoralidad.
    • Kahimtang sa pangisip, apil ang, pero dili limitado sa mga alegasyon sa pagkabugo, intelektuwal nga kapasidad, ug sakit sa pangisip, ug wala suportahing mga pagtandi tali sa mga PC group base sa natural nga kapasidad sa pangisip. Tugotan namo ang mga alegasyon sa sakit o abnormalidad dihang gibase sa gender o sekswal nga oryentasyon, naay politikal ug relihiyosong panaghisgot bahin sa transgenderism ug homosexuality ug komon nga dili seryosong paggamit sa mga pulong nga sama sa “weird.”
    • Uban pang bahin, apil ang, pero dili limitado sa mga alegasyon sa pagkawalay-hinungdan, pagkawalay-pulos, pagkamaot, pagkahugaw.
  • Mga ekspresyon nga nagpakita nga ang target ang hinungdan sa sakit, apil ang, pero dili limitado sa “makasuka ko.”
  • Pagbalikas sa usa ka tawo, gawas sa pipila ka pagbalikas nga gibase sa gender sa konteksto sa panagbulag sa romantikong relasyon, nga gihulagway ingong:
    • Gi-target nga paggamit sa “fuck” o lainlaing klase sa “fuck” aron manginsulto, sama sa “Fuck the [Protektadong Kinaiyahan]!”
    • Mga termino o prase nga nanawagan sa paghimog seksuwal nga buhat, o bisan unsang kontak sa kinatawo, kutipot, tai o ihi, apil ang, pero dili limitado sa: supsupa akong utin, i-kiss akong lubot, kaon og tai.
Para sa mosunod nga mga Tamdanan sa Komunidad, kinahanglan namo ang dugang impormasyon ug/o konteksto para sa pagpatuman sa:
Ayawg i-post ang:
  • Content nga klarong naghatag o nagtanyag og mga produkto o serbisyo sa tumong nga usbon ang seksuwal nga oryentasyon o giilang gender sa mga tawo.
  • Content nga giatake ang mga konsepto, institusyon, ideya, binuhatan, o gituohan nga konektado sa protektadong kinaiyahan, nga sagad moresultag pisikal nga kadaot, pagpanghadlok o diskriminasyon batok sa mga tawo nga konektado sa maong protektadong kinaiyahan. Tan-awon sa Meta ang daghang sinyales aron mailhan kon naa bay hulga sa kadaot diha sa content. Apil ani ang, pero dili limitado sa: content nga nagpakita og pagkabayolente o pagpanghadlok; kon naa bay panahon diin taas ang tensiyon sama sa eleksiyon o naggakahitabong dili pagsinabtanay; ug kon naa bay bag-ohay lang nga nahitabong pagkabayolente batok sa gi-target nga protektadong grupo. Sa pipila ka kaso, pwede pod namong konsiderahon kon ang nagsulti usa ba ka iladong tawo o naay posisyon sa awtoridad.
Sa pipila ka kahimtang, tugotan namo ang content nga nakasupak tingali sa mga Tamdanan sa Komunidad dihang maseguro nga ang content dili tininuod. Tugotan lang ang content kon ang nakasupak nga mga elemento sa content gihimong binuang o konektado sa usa ka butang o tawo aron yagayagaan o kuwestiyonon sila.
Hinumdomi: Kon user ka sa European Union, ug nakakita kag content nga para nimo supak sa mga balaod sa hate speech diha sa imong nasod, puwede kang magsumite og legal nga hangyo sa pagtangtang ngadto sa Facebook o Instagram.
Mga kasinatian sa user
Tan-awa ang pipila ka pananglitan kon unsay ipasabot sa pagpatuman ngadto sa mga tawo diha sa Facebook, parehas sa: kon unsay ipasabot sa pagreport sa usa ka butang nga para nimo dili angayng naa sa Facebook, nga maingnan nga nasupak nimo ang atong mga Tamdanan sa Komunidad ug sa pagpakitag warning screen tungod sa usa ka espesipikong content.
Hinumdomi: Padayon ming nag-uswag, mao nga basin dili na updated ang imong makita dinhi kon itandi sa gigamit namo karon.
KASINATIAN SA USER
Pagreport
KASINATIAN SA USER
Komunikasyon human sa pagreport
KASINATIAN SA USER
Kasinatian sa pagtangtang
KASINATIAN SA USER
Warning screen
Data
Tan-awa ang kinabag-ohang Report sa Pagpatuman sa Tamdanan sa Komunidad
Pagpatuman
Parehas ra mig palisiya sa tibuok kalibotan, para sa tanang naa sa Facebook.
Team sa pagrebyo
Ang among team sa tibuok kalibotan nga naay kapin sa 15,000 ka tigrebyo nga kada adlawng naningkamot nga magpabiling luwas ang Facebook.
Pagpakiglambigit sa Stakeholder
Ang mga eksperto sa gawas, mga iskolar, mga NGO ug tighimog mga palisiya motabang sa pagpahibalo sa Mga Tamdanan sa Komunidad sa Facebook.
Pangayog tabang para sa binuhatan nga resulta sa pagdumot
HIbaloi kon unsay imong mahimo kon naa kay makita sa Facebook nga supak sa among mga Tamdanan sa Komunidad.
Bisitaha ang among Sentro sa Tabang