Delikadong mga Indibiduwal ug Organisasyon

Mga Detalye sa Palisiya
Mga Kasinatian sa User
Data

Mga detalye sa palisiya

BAG-OHA ANG LOG
Policy Rationale
Sa paningkamot nga malikayan ug mapugngan ang tinuod nga kadaot, dili namo tugotan nga naay presensiya sa among mga platform ang mga organisasyon o indibiduwal nga tumong ang kasamok nakigbahin sa kasamok. Among susihon kini nga mga entidad base sa ilang binuhatan online ug offline, ilabina sa ilang mga koneksiyon sa kasamok. Ilawom niini nga palisiya, among pilion ang mga indibiduwal, organisasyon, ug network sa mga tawo. Kini nga mga pagpili gibahin sa duha ka tier nga nagpakita sa lebel sa pagpatuman sa content, diin ang Tier 1 nagresulta sa pinakadetalyadong pagpatuman kay nagtuo mi nga kini nga mga entidad naay pinakadakong koneksiyon sa offline nga kadaot.
Ang Tier 1 nagpokus sa mga entidad nga naghimog seryosong offline nga mga kadot - apil ang pag-organisar o pagpasiugda og kasamot sa mga sibilyan, balikbalik nga pagpakamenos sa pagkatawo o pag-uyon sa kadaot sa mga tawo base sa protektadong kinaiyahan, o paghimog sistematikong kriminal nga mga operasyon. Apil sa Tier 1 ang mga organisasyon nga gibase sa pagdumot; kriminal nga mga organisasyon, apil kadtong ginganlan sa gobyerno sa United States ingong Specially Designated Narcotics Trafficking Kingpin (SDNTK); ug teroristang mga organisasyon, apil ang mga entidad ug indibiduwal nga ginganlan sa gobyerno sa United States ingong Foreign Terrorist Organization (FTO) o Specially Designated Global Terrorist (SDGT). Tangtangon namo ang Pagdayeg, Pagsuporta, ug Pagrepresentar sa mga entidad sa Tier 1, ilang mga lider, mga nagtukod o iladong mga membro, apil ang dili klarong mga paghisgot bahin nila.
Dugang pa, dili namo tugotan ang content nga nagdayeg, nagsuporta, o nagrepresentar sa mga hitabo nga giila sa Meta ingong mga hitabo sa kasamok - apil ang mga pag-atake sa terorista, mga hitabo nga resulta sa pagdumot, kasamok nga naay daghang biktima o pagsulay sa paghimog kasamok nga naay daghang biktima, sunodsunod nga pagpatay, o mga krimen nga resulta sa pagdumot. Dili pod namo tugotan ang (1) Pagdayeg, Pagsuporta, o Pagrepresentar sa Representation sa (mga) mihimo sa maong mga pag-atake; (2) hinimo sa nagpahinabok kasamok nga content nga naghisgot bahin sa maong mga pag-atake; o (3) hulagway sa third party nga nagpakita sa hitabo sa maong mga pag-atake diin makita ang mga biktima. Tangtangon pod namo ang content nga Nagdayeg, Nagsuporta o Nagrepresentar sa mga pagtulun-an nga nagpasiugda sa maong pagdumot, sama sa nazism ug pagkalabaw sa mga puti. Tangtangon namo ang dili klarong mga paghisgot sa maong ginganlan nga mga hitabo o pagtulun-an.
Apil sa Tier 2 ang mga Tigpahinabog Kasamok nga Dili Apil sa Estado (Violent Non-State Actors) nga nagpahinabog kasamok batok sa estado o sa militar pinaagi sa pagpakigpinusilay pero dili nila intensiyong targeton ang mga sibilyan. Apil pod ani ang Mga Entidad nga Nagpahinabog Kasamok nga nangandam o nagsuporta sa umaabot nga kadaot pero wala pa nalambigit sa kasamok hangtud karon. Apil pod ani ang mga entidad nga balikbalik nang nakasupak sa among mga palisiya sa Madumtanong Sinultihan o Delikadong Mga Organisasyon ug Indibidwal sa sulod o gawas sa platform. Tangtangon namo ang Pagdayeg, Materyal nga Pagsuporta, ug Pagrepresentar niini nga mga entidad, sa ilang mga lider, mga nagtukod o iladong mga miyembro.
Among giila nga mag-share tingali ang mga user og content nga nagtumong sa ginganlan nga delikadong mga organisasyon ug indibiduwal sa konteksto sa sosyal ug politikal nga panaghisgot. Apil ani ang content nga nagreport, naghisgot o nagsaway sa delikadong mga organisasyon ug indibiduwal nga walay gidapigan ug mga indibiduwal o ilang mga aktibidad.
Apil sa pagbalita ang impormasyon nga gi-share aron maghatag og impormasyon bahin sa mga hitabo sa lokal o sa tibuok kalibotan diin nalambigit ang delikadong mga organisasyon ug indibiduwal
  • Pananglitan, “Breaking News: Giangkon sa Al-Shabab ang pag-atake sa Somalia”
  • Pananglitan, “Analisis sa timeline ug sa eksperto: Kon giunsa pagkahitabo sa pagpamusil sa Buffalo Supermarket ug kon unsay giingon sa responsable diha sa korte”
Apil sa panaghisgot nga walay gidapigan ang mga pahayag, komento, pangutana, ug uban pang impormasyon nga gibase sa kamatuoran ug walay pagpanghukom diha sa ginganlan nga delikadong mga organisasyon ug indibiduwal ug sa ilang mga binuhatan.
  • Pananglitan, “Al Qaeda mas dili delikado kay sa ISIS kay walay maayong lider o igong kwarta ang Al Qaeda”
  • Pananglitan, “Si Anders Breivik ang pananglitan kon unsa ka komplikado ang proseso sa radicalization”
Apil sa pagsaway ang kawalay-pag-uyon, kalagot, pagsalikway, pagyagayaga, ug uban pang negatibong ekspresyon bahin sa ginganlan nga delikadong organisasyon o indibidwal ug ilang mga binuhatan.
  • Pananglitan, “Malagot gyod ko sa gihimong krimen ni Salvador Ramos. Dako kaayog epekto nako ang giingon nga maghuhukom. Dili siya angayng kaluy-an sa korte”
  • Pananglitan, “Dili gyod malimtan ang mga krimen ni Hitler. Mao ni ang pipila sa kinangitngitang bahin sa kasaysayan”
Gidisenyo ang among mga palisiya alang niini nga mga klase sa panaghisgot samtang gilimitahan ang posibleng offline nga kadaot. Maong gusto namo nga klarong hisgotan sa mag tawo ang ilang intensiyon dihang maghimo o mag-share sa maong content. Kon makapalibog o dili klaro ang intensiyon sa user, default namo nga tangtangon ang content.
Sumala sa intenasyonal nga mga katungod sa tawo, ang among mga palisiya nagtugot sa mga panaghisgot bahin sa mga katungod sa tawo sa ginganlang mga indibiduwal o mga membro sa ginganlang delikado nga mga entidad, gawas kon apil sa content ang pagdayeg, pagsuporta, o pagrepresentar sa ginganlang mga entidad o uban pang pagsupak sa palisiya, sama sa pag-awhag og kasamok.
Palihog tan-awa ang among Palisiya sa mga Katungod sa Tawo sa Korporasyon para sa dugang impormasyon bahin sa among panaad nga internasyonal nga ilhon ang mga katungod sa tawo.
Tangtangon Namo ang:
Tangtangon namo ang Paghimaya, Pagsuporta, ug Representasyon sa lainlaing peligrosong organisasyon ug indibiduwal. Kini nga mga konsepto mapadapat sa mga organisasyon mismo, sa ilang kalihokan, ug sa ilang mga membro. Kini nga mga konsepto wala magdili sa malinawon nga adbokasiya alang sa partikular nga politikanhong mga resulta.
Paghimaya, gihubit sa bisan hain sa ubos:
  • Paglehitimo o pagdepensa sa bayolente o pagdumot nga mga buhat sa usa ka gitudlo nga entity pinaagi sa pag-angkon nga kadtong mga buhata adunay moral, politikal, lohikal, o uban pang pangatarongan nga naghimo niining dalawaton o makataronganon.
    • Pananglitan, "Walay gihimong sayop si Hitler."
  • Paghulagway o pagsaulog sa kapintasan o pagdumot sa usa ka gitudlo nga entity isip usa ka kalamposan;
    • Pananglitan, “Ang Hizbul Mujahideen nagmadaogon para sa gawasnon ug independente nga Kashmir”
  • Usa ka pangandoy nga pahayag sa pagkamiyembro o pahayag nga gusto nimo nga mahimong usa ka gitudlo nga entity o ang naghimo sa usa ka paglapas sa mapintas nga panghitabo.
    • Pananglitan, “Hinaot makaapil ko sa ISIS ug mahimong bahin sa Khilafah”
Tangtangon namo ang Paghimaya sa Tier 1 ug Tier 2 nga mga entity ingon man ang gitudlo nga mga event.
Alang sa Tier 1 ug gitudlo nga mga event, mahimo usab namong tangtangon ang dili klaro o walay konteksto nga mga paghisgot niini kon ang tuyo sa user dili klaro nga gipakita. Naglakip kini sa dili klaro nga humor, walay caption o positibo nga mga paghisgot niini nga wala maghimaya sa kapintasan o pagdumot sa gitudlo nga entity.
Pagsuporta, gihubit sa bisan hain sa ubos:
  • Materyal nga Suporta
    • Bisan unsang buhat nga makapauswag sa kahimtang sa panalapi sa usa ka gitudlo nga entity – lakip ang pag-funnel sa salapi padulong o palayo sa usa ka gitudlo nga entity;
      • Pananglitan, “Pagdonar sa KKK!”
    • Bisan unsang buhat nga maghatag ug materyal nga tabang sa gitudlo nga entity o event;
      • Pananglitan, “Kon gusto ka magpadalag mga care package sa Sinaloa Cartel, ipadala niini nga adres:”
    • Pag-recruite sa ngalan sa gitudlo nga entity or event;
      • Pananglitan, “Kon gusto nimong molaban sa Caliphate, i-DM ko”
  • Ubang Suporta
    • Pag-channel sa impormasyon o mga kahinguhaan, lakip ang opisyal nga komunikasyon, sa ngalan sa gitudlo nga entity o event
      • Pananglitan, direktang pagkutlo sa usa ka gitudlo nga entity nga walay caption nga nagkondenar, neyutral nga naghisgot, o usa ka bahin sa pagreport sa balita.
    • Pagbutang ug panawagan sa pag-aksyon alang sa gitudlo nga entity o event;
      • Pananglitan, "Kontaka ang Atomwaffen Division – (XXX) XXX-XXXX"
Tangtangon namo ang tanang Suporta sa Tier 1 ug Materyal nga Suporta sa Tier 2.
Representasyon, gihubit sa bisan hain sa ubos:
  • Pagpahayag nga membro ka sa gitudlo nga entity, o nga gitudlo ka nga entity;
    • Pananglitan, “Usa ko ka grand dragon sa KKK.”
  • Paghimo ug Page, Profile, Event, Group, o uban pang entity sa Facebook nga gipanag-iya o gituyo nga gipanag-iya sa usa ka Gitudlo nga Entity o gipadagan alang nila, o usa o giplano nga mahimong gitudlo nga event.
    • Pananglitan, Page nga ginganlag “American Nazi Party.”
Tangtangon namo ang Representasyon sa Tier 1 ug 2 sa Gitudlo nga mga Organisasyon ug gitudlo nga mga event.
Mga Klase ug Tier sa Delikadong mga Organisasyon
Tier 1: Terorismo, krimen nga puno sa kasuko, dinagkong kriminal nga kalihokan, pagsulay sa pag-atake sa daghang tawo, pag-atake sa daghang tawo, sunod-sunod nga pagpatay, ug paglapas sa pintas nga mga panghitabo
Dili namo tugotang makasulod sa platform ang mga indibiduwal o organisasyon nga nalangkit sa giplanong krimen, apil kadtong ginganlan sa gobyerno sa United States ingong mga specially designated narcotics trafficking kingpin (SDNTK); pagdumot; o terorismo, apil ang mga entity nga ginganlan sa gobyerno sa United States ingong Foreign Terrorist Organization (FTO) o Specially Designated Global Terrorist (SDGT). Dili usab namo tugotan ang ubang tawo nga morepresentar niini nga mga entity. Dili namo tugotan ang mga lider o prominenteng mga membro niini nga mga organisasyon nga adunay presensya sa platform, mga simbolo nga nagrepresentar kanila nga gamiton sa platform, o content nga naghimaya kanila o sa ilang mga buhat, lakip ang dili klaro nga mga paghisgot kanila. Dugang pa, tangtangon namo ang bisan unsang suporta niini nga mga indibiduwal ug organisasyon.
Dili namo tugotan ang content nga nagdayeg, nagsuporta, o nagrepresentar sa mga event nga giila sa Meta ingong mga pag-atake sa terorista, mga hitabo nga resulta sa pagdumot, kasamok nga naay daghang biktima o pagsulay sa paghimog kasamok nga naay daghang biktima, sunodsunod nga pagpatay, mga krimen nga resulta sa pagdumot, o paglapas sa bayolenteng mga hitabo. Dili pod namo tugotan (1) ang content nga nagdayeg, nagsuporta, o nagrepresentar sa (mga) mihimo sa maong mga pag-atake; (2) hinimo sa nagpahinabok kasamok nga content nga naghisgot bahin sa maong mga pag-atake; o (3) hulagway sa third party nga nagpakita sa hitabo sa maong mga pag-atake diin makita ang mga biktima.
Dili usab namo tugotan ang Paghimaya, Pagsuporta, o Representasyon sa giilang naay pagdumot nga mga ideolohiya, ingon man ang dili klaro nga mga paghisgot niini.
Mga organisasyon sa terorista ug indibiduwal, nga gihubit ingong non-state actor nga:
  • Nag-apil, nagpasiugda, o nagpahulam og igong suporta sa tinuyo ug giplano nga mga buhat sa kapintasan,
  • Nga maoy hinungdan o misulay sa pagpahinabog kamatayon, kadaot o seryosong kadaot sa mga sibilyan, o bisan kinsang tawo nga dili direktang moapil sa mga panagsangka sa usa ka situwasyon sa armadong panag-away, ug/o dakong kadaot sa mga kabtangan nga nalangkit sa kamatayon, seryosong kadaot, o grabeng kadaot sa mga sibilyan
  • Sa tuyo nga pugson, hadlokon, ug/o impluwensyahan ang sibilyan nga populasyon, gobyerno, o internasyonal nga organisasyon
  • aron makab-ot ang politikal, relihiyoso, o ideyolohikal nga tumong.
Entity sa Pagdumot, nga gihubit ingong organisasyon o indibiduwal nga nagpakaylap ug nag-awhag ug pagdumot batok sa uban base sa ilang giprotektahan nga kinaiya. Ang mga kalihokan sa entity giila sa labing menos pipila niining mosunod nga mga batasan:
  • Kapintasan, hulga nga rhetoric, o kuyaw nga mga porma sa harassment nga nagpunting sa mga tawo base sa ilang gipanalipdan nga mga kinaiya;
  • Balikbalik nga paggamit ug sinultihan nga may pagdumot;
  • Representasyon sa mga Ideolohiya nga may Pagdumot o uban pang gitudlo nga mga Entidad nga may Pagdumot, ug/o
  • Paghimaya o Pagsuporta sa ubang giila nga mga Entity nga may Pagdumot o Ideolohiya nga may Pagdumot.
Kriminal nga mga Organisasyon, nga gihubit ingong asosasyon sa tulo o mas daghan pang tawo nga:
  • nahiusa sa usa ka ngalan, (mga) kolor, (mga) gesture sa kamot, o giila nga ilhanan; ug
  • mihimo o naghulga mohimo og kriminal nga kalihokan sama sa homicide, drug trafficking, o kidnapping.
Kasamok nga Naay Daghang Biktima ug Sunodsunod nga Pagpatay
  • Isipon namo ang usa ka hitabo ingong kasamok nga naay daghang biktima o pagsulay sa paghimog kasamok nga naay daghang biktima kon miresulta kini sa tulo o mas daghan pang casualty, namatay man o seryosong nasamdan. Ang bisan kinsang indibiduwal nga naghimo sa maong pag-atake isipon nga nagpahinabo sa kasamok o misulay sa pagpahinabog kasamok nga naay daghang biktima.
  • Isipon namo ang bisan kinsang indibiduwal nga nakahimog duha o mas daghan pang pagpatay sa daghang insidente o lokasyon ingong serial murderer.
Mga Ideolohiya nga may Pagdumot
  • Samtang ang among mga paghingalan sa mga organisasyon ug mga indibidwal nagpokus sa pamatasan, nahibalo usab mi nga adunay espesipikong mga ideolohiya ug tinuohan nga natural nga konektado sa kapintasan ug pagsulay sa pag-organisar sa mga tawo sa palibot sa mga panawagan alang sa kapintasan o dili paglakip sa uban base sa ilang gipanalipdan nga mga kinaiya. Niini nga mga kahimtang, giila namo ang ideolohiya mismo ug tangtangon namo ang content nga nagsuportar niini nga ideolohiya gikan sa among platform. Apil niini nga mga ideolohiya ang:
    • Nazism
    • White Supremacy
    • Nasyonalismo sa Puti
    • White Separatism
  • Tangtangon namo ang direktang Paghimaya, Pagsuporta, ug Representasyon niini nga mga ideolohiya, ug tangtangon ang mga indibiduwal ug organisasyon nga nag-ila sa usa o mas daghan pa niining mga ideolohiya nga may pagdumot.
Tier 2: Bayolenteng mga Non-State Actor ug mga Entity nga Nagdasig ug Kasamok
Ang mga organisasyon ug indibiduwal nga giila sa Meta isip Bayolenteng mga Non-State Actor o entidad nga Nagdasig ug Kasamok dili tugotan nga adunay presensiya sa among mga platform, o adunay presensiya nga gimentinar sa uban alang kanila. Samtang kini nga mga komunidad aktibo nga nakigbahin sa kapintasan, batok sa estado o mga military actor sa mga armadong panag-away (Bayolenteng mga Non-State Actor) o nag-andam o nagpasiugda o nagmugna og mga kondisyon alang sa umaabot nga kapintasan (Entity nga Nagdasig ug Kasamok), ang materyal nga suporta niini nga mga entity dili tugotan. Tangtangon usab namo ang paghimaya niini nga mga entity.
Bayolenteng mga Non-State Actor, nga gihubit ingong bisan unsa nga non-state actor nga:
  • Nag-apil sa usa ka sumbanan sa tinuyo ug giplano nga mga buhat sa grabe nga kapintasan nga nagtarget sa gobyerno, militar, o uban pang mga armadong grupo nga direktang nakigbahin sa mga panagsangka sa usa ka situwasyon sa armadong panag-away, ug dili tinuyo ug klaro nga gitarget ang mga sibilyan nga adunay grabe nga kapintasan; UG/O
  • Gihikawan ang mga komunidad sa access sa kritikal nga imprastraktura o natural nga kahinguhaan; UG/O
  • Nag-apil sa usa ka sumbanan sa mga pag-atake nga gituyo nga magdalag dakong kadaot sa mga imprastraktura nga walay kalabotan sa kamatayon, grabe nga injury, o grabeng kadaot sa mga sibilyan.
Mga Entity nga Nagdasig ug Kasamok gihubit ingon sa mosunod:
Ang usa ka entidad nga Nagdasig ug Kasamok (Katibuk-an) maoy usa ka non-state actor nga:
  • Ang gipahayag nga tumong o giplano nga function niini mao ang paghatag og dili opisyal nga pagpatuman sa gobyerno pinaagig kasamok (sama sa, polis, militar, immigration) kapuli, o gawas pa, sa gobyerno mismo; o aron babagan pinaagig kasamok ang gobyerno nga tumanon ang usa ka function
  • Naghimo og dakong tikang aron himoon ang gipahayag nga tumong diha sa mga platform sa Meta; ug
  • Kadaghan nang nanghulga o nagpasiugda og grabeng kasamok (online o offline);
Ang usa ka Gi-ban nga entidad nga may Pagdumot maoy non-state actor nga:
  • Naghimog balikbalik nga binuhatan o rhetoric tungod sa pagdumot, pero wala mosaka sa lebel sa Tier 1 nga entity kay wala sila moapil o klarong nagpasiugda sa kapintasan, o kay wala silay igong koneksyon sa giila kaniadto nga mga organisasyon o figure.
Para sa mosunod nga mga Tamdanan sa Komunidad, kinahanglan namo ang dugang impormasyon ug/o konteksto para sa pagpatuman:
  • Sa pipila ka kahimtang, tugotan namo ang content nga nakasupak tingali sa mga Tamdanan sa Komunidad dihang maseguro nga ang content dili tininuod. Tugotan lang ang content kon ang nakasupak nga mga elemento sa content gihimong binuang o konektado sa usa ka butang o tawo aron yagayagaan o kuwestiyonon sila.
Mga kasinatian sa user
Tan-awa ang pipila ka pananglitan kon unsay ipasabot sa pagpatuman ngadto sa mga tawo diha sa Facebook, parehas sa: kon unsay ipasabot sa pagreport sa usa ka butang nga para nimo dili angayng naa sa Facebook, nga maingnan nga nasupak nimo ang atong mga Tamdanan sa Komunidad ug sa pagpakitag warning screen tungod sa usa ka espesipikong content.
Hinumdomi: Padayon ming nag-uswag, mao nga basin dili na updated ang imong makita dinhi kon itandi sa gigamit namo karon.
KASINATIAN SA USER
Pagreport
KASINATIAN SA USER
Komunikasyon human sa pagreport
KASINATIAN SA USER
Kasinatian sa pagtangtang
KASINATIAN SA USER
Warning screen
Data
Tan-awa ang kinabag-ohang Report sa Pagpatuman sa Tamdanan sa Komunidad
Pagpatuman
Parehas ra mig palisiya sa tibuok kalibotan, para sa tanang naa sa Facebook.
Team sa pagrebyo
Ang among team sa tibuok kalibotan nga naay kapin sa 15,000 ka tigrebyo nga kada adlawng naningkamot nga magpabiling luwas ang Facebook.
Pagpakiglambigit sa Stakeholder
Ang mga eksperto sa gawas, mga iskolar, mga NGO ug tighimog mga palisiya motabang sa pagpahibalo sa Mga Tamdanan sa Komunidad sa Facebook.
Pangayog tabang para sa delikadong mga indibiduwal ug organisasyon
HIbaloi kon unsay imong mahimo kon naa kay makita sa Facebook nga supak sa among mga Tamdanan sa Komunidad.
Bisitaha ang among Sentro sa Tabang