Policy Rationale
Among giila nga apil sa safety sa among mga user ang seguridad sa ilang personal nga impormasyon, mga account, profile ug uban pang Meta entity nga gidumala tingali nila, apil pod ani ang among mga produkto ug serbisyo. Madaot ang among gipasiugda nga tinuod, bukas ug luwas nga kahimtang tungod sa pagsulay sa pagkuhag sensitibong personal nga impormasyon o paghimog dili awtorisadong pag-access pinaagi sa pagpangilad o pinugos nga pagkuha niini.
Dili namo tugotan ang:
Pagsulay nga ikompromiso o i-access ang mga account pinaagi sa dili awtorisadong mga paagi, lakip ang:
Pag-access sa mga account, profile, o uban pang Meta entity gawas sa kaugalingon pinaagi sa malimbongon nga paagi o walay klaro nga pagtugot gikan sa account, profile, o tag-iya sa entity.
Pagkuha, pagbaton, o paghangyo sa impormasyon sa pag-login sa laing user, personal nga impormasyon, o uban pang sensitibong impormasyon sa user alang sa dili awtorisadong pag-access, lakip na ang pinaagi sa mosunod nga mga taktika:
Ang phishing, gihubit ingong batasan sa paghimo og mga komunikasyon o mga website nga gidisenyo nga tan-awon mas kasaligan o maayog reputasyon nga mga komunikasyon o website alang sa malimbongong pagkuhag sensitibo nga impormasyon sa user.
Social Engineering, sama sa balikbalik o kanunayg pagsulay sa pagkuha o pagbaton sa mga tubag sa komon nga account o mga pangutana sa pagbawi sa password.
Malware, Greyware, Spyware o ubang malicious nga code, sumala sa gihubit sa ubos.
Mga pagsulay sa pag-share, paghimo, pag-host, o pag-apod-apod sa malicious o makadaot nga code, lakip ang:
Pag-awhag o paglimbong sa mga user sa pag-download o pag-run sa mga file, app, o program nga magkompromiso sa online o seguridad sa datos sa usa ka user, lakip, apan dili limitado sa:
Ang malware, gihubit nga code o software nga gidisenyo aron modaot o makakuha og dili awtorisado nga pag-access sa mga sistema. Naglakip kini sa mga program nga gidisenyo aron modaot sa mga sistema sa computer, ingon man ang software nga gidisenyo aron makakuhag salapi gikan sa mga biktima, sama sa ransomware.
Ang spyware, gihubit ingong code o software nga nagkolekta sa datos sa mga user ug ipadala kini sa mga third party nga walay pagtugot sa user, o nga naggamit sa datos alang sa mga gidili nga katuyoan (pananglitan, sextortion, blackmail, gidili nga pag-access sa mga sistema).
Ang Greyware, gihubit ingong code o software nga magbalda sa paggamit sa hardware o software ug mahimong lisod kuhaon gikan sa sistema sa computer o network.
Paghimo, pag-share, o pag-host og malicious nga software lakip na ang mga extension sa browser ug mga mobile application, sa sulod o sa gawas sa platform nga magbutang sa among mga user o produkto ug serbisyo sa peligro.
Pagpanghadlok, pag-angkon, o pagsuportar sa pagpang-hack - apil ang pag-share o pag-advertise sa software o mga produkto nga makapahimo sa mga tawo nga makalikay sa mga sistema sa seguridad, lakip ang software nga mag-awhag sa pag-hack sa software, o mga credential
Paghatag sa online nga imprastraktura, lakip ang mga serbisyo sa web hosting, domain name system server, ug ad network nga makapahimo sa mga abusadong link nga ang kadaghanan sa mga link sa among mga serbisyo makalapas sa spam o cybersecurity nga mga seksiyon sa Mga Sukdanan sa Komunidad.