Policy Rationale
Aron malikayan ug mapugngan ang offline nga kadaot ug ang pagsundog-sundog, among did-an ang mga tawo nga magpasayon, mag-organisa, mag-promote o moangkon sa partikular nga mga kriminal o makadaot nga mga aktibidad ngadto sa tawo, negosyo, kabtangan, o mga mananap. Among tugutan ang mga tawo nga debatehan ug suportahan kung subay ba sa balaod ang kriminal ug makadaot nga mga aktibidad, ingun man ang pagtagad sa makadaot o kriminal nga aktibidad nga lagmit nilang masaksihan o masinati basta dili sila magrekomenda o mag-organisa og kadaot.
Tangtangon Namo ang:
Kadaot batok sa mga tawo Outing: pagyagyag sa identity o mga lokasyon nga konektado kang bisan kinsa nga gituohang:
Membro sa usa ka outing-risk group; ug/o
Kapamilya ug/o naay romatikong relasyon sa (mga) membro sa usa ka outing-risk group; ug/o
Nakahimog propesyonal nga mga kalihokan sa pagsuportar sa usa ka outing-risk group (gawas sa politikal nga mga tawo)
Outing sa undercover nga status sa tigpatuman sa balaod, militar, o security personnel kon ang content dunay ngalan sa ahente, ilang nawong o badge ug bisan hain sa mosunod:
Organisasyon sa tigpatuman sa balaod sa ahente
Operasyon sa tigpatuman sa balaod sa ahente
Direktang paghisgot sa ilang undercover status
Pag-coordinate, paghulga, pagsuporta, o pag-angkon sa swatting gawas sa konteksto sa pagpahibalo sa kadaghanan o pagkondenar, fictional o gi-staged nga opsyon o pagtubos.
Naghulagway, nag-promote, nagpasiugda, o nag-awhag sa pag-apil sa usa ka taas nga risgo nga viral challenge gawas sa konteksto sa pagpahibalo sa kadaghanan o pagkondenar. Kon gipakita kini nga konteksto sa imagery, nagbutang mig label aron mahibalo ang mga tawo nga sensitibo tingali ang content.
Kadaot batok sa mga mananap
Pag-coordinate, paghulga, pagsuporta, o pag-angkon sa mga buhat sa pisikal nga kadaot batok sa mga mananap (nga sinulat, visual, o verbal nga paagi) gawas sa mga kahimtang sa:
Pagpahibalo sa kadaghanan o pagkondenar
Pagtubos
Pagkaluwas o pagdepensa sa kaugalingon, ;aing tawo o laing mananap
Fictional or gi-staged nga mga opsyon GAWAS kon nagpakita kinig gi-staged nga panag-away sa mga mananap o dili tinuod nga pagluwas og mananap
Pagpang-hunting o pagpangisda
Relihiyosong paghalad
Pag-andam ug pagproseso ug pagkaon
Mga peste o vermin
Mercy killing
Bullfighting
Pag-coordinate, paghulga, pagsuporta, paghulagway, o pag-angkon sa gi-staged nga panag-away sa mga mananap o nagpakitag video imagery sa dili tinuod nga pagluwas og mga mananap gawas sa konteksto sa pagpahibalo sa kadaghanan o pagkondenar o pagtubos.
Kadaot batok sa kabtangan
Pag-coordinate, paghulga, pagsuporta, o pag-angkon sa mga buhat sa bandalismo, pagpangawat, o pagpangawat (sa sinulat, visual, o verbal nga form) gawas sa mga kahimtang sa
Pagpahibalo sa kadaghanan o pagkondenar,
Pagtubos,
Fictional o gi-staged nga mga opsyon,
Pag-angkon sa konteksto sa pagdepensa sa kaugalingon, o sa laing tawo
pagpakitag bandalismo sa konteksto sa pagprotesta,
pagpakitag graffiti, o
pagsulti nga positibo bahin sa bandalismo ug pagpangawat nga gihimo sa uban.
Nagtanyag sa pagpalit o pagbaligya sa mga boto gamit ang kuwarta, mga regalo, serbisyo, o uban pang materyal nga mga butang, gawas kon gi-share sa pagkondenar, pagpahibalo sa kadaghanan, pagreport sa balita, o kataw-anan, o dili tininuod nga konteksto.
Pagpasiugda, paghatag og mga instruksyon alang sa, o pagpakitag dayag nga tinuyo nga ilegal nga moapil sa usa ka pagbotar (pananglitan, pagbotar kaduha o paghimohimo sa imong eligibility sa pagboto) o proseso sa census (pananglitan, sayop nga pagrepresentar sa demographic information o kon pila ka tawo ang anaa sa imong panimalay), gawas kon gi-share sa pagkondenar, pagpahibalo sa kadaghanan, pagreport sa balita, o kataw-anan, o dili tininuod nga konteksto.
Para sa mosunod nga content, nagbutang mig label aron mahibalo ang mga tawo nga ang content sensitibo tingali:
Imagery nga nagpakitag delikado kaayo nga viral challenge kon gi-share aron sawayon o pahibaloon ang kadaghanan sa kapeligrohan.
Para sa mosunod nga content, mga 18 anyos pataas lang ang tugutan namong makakita:
Imagery nga nagpakita og delikadong mga porma sa pag-drive og motor nga mahimong mosangpot sa hulga sa kinabuhi nga kadaot o kamatayon sa driver o uban pa, gawas kung gibahagi sa fictional o professional nga opsyon.
Para sa mosunod nga mga Tamdanan sa Komunidad, kinahanglan namo ang dugang impormasyon ug/o konteksto para sa pagpatuman:
Tangtangon Namo ang:
Outing: pagyagyag sa identity sa usa ka tawo ug pagbutang kanila sa peligrosong kahimtang:
Mga membro sa LGBTQIA+
Unveiled nga mga babaye
Wala mahukmi nga mga indibiduwal ingong mga predator sa konteksto sa usa ka seksuwal nga predator nga Sting Operation
Mga indibiduwal nga nalangkit sa legal nga mga kaso, dihang ang ilang pagkalangkit wala gisulti sa publiko
Mga saksi, informant, aktibista, napriso nga tawo, o hostage
Mga defector, kon gireport sa kasaligan nga channel sa gobyerno
Mga gipriso tungod sa giyera, sa konteksto sa armadong panag-away
Imagery nga lagmit makalimbong sa publiko sa gigikanan niini kon:
Ang entity gipakita o ang usa ka awtorisadong representate misupak sa imagery, ug
Ang imagery posibleng makahatag ug kadaot sa mga membro sa publiko.
Pahatag sa tuyo, panawagan sa aksyon, o pag-awhag nga:
I-block ang pag-access sa mga importanteng serbisyo kon adunay kompirmasyon o magamit sa publiko nga kompirmasyon nga ang mga emerhensiyang sakyanan gibabagan, O
I-target ang usa ka indibidwal o espesipikong grupo sa mga tawo pinaagi sa pag-block sa ilang pag-access sa mga importanteng serbisyo o walay babag nga agianan sa paagi nga makahulga sa ilang kaluwasan
Pagpanghilabot sa pagboto o census, lakip ang:
Panawagan alang sa gikausahan nga pagpanghilabot nga makaapekto sa abilidad sa usa ka indibidwal sa pag-apil sa usa ka opisyal nga eleksyon o census.
Mga pag-angkon nga ang pagbotar o pag-apil sa census mahimo o moresulta sa mga sangpotanan sa pagpatuman sa balaod (pananglitan, pag-aresto, deportasyon, o pagkapriso).
Mga hulga sa pag-adto sa usa ka lugar sa eleksyon aron bantayan o tan-awon ang mga kalihokan sa mga botante o opisyal sa eleksyon kon giubanan sa usa ka paghisgot sa pagpanghadlok (pananglitan, “Atong ipakita nila kon kinsa ang amo!,”, “Gusto nilag giyera? Hatagan nato silag giyera.”).
Mga hulga sa pag-adto sa usa ka lugar sa eleksyon kon giubanan sa usa ka paghisgot sa pagpanghadlok (pananglitan, “Atong ipakita nila kon kinsay hawod!,”, “Gusto silag gubot? Hatagan nato silag giyera.”).