Seksuwal nga Pagpahimulos, Pag-abuso, ug Pagkahubo sa Bata

Mga Detalye sa Palisiya
Mga Kasinatian sa User
Data

Mga detalye sa palisiya

BAG-OHA ANG LOG
Policy Rationale
Dili namo tugotan ang content o aktibidad nga seksuwal nga nagpahimulos o nagpameligro sa mga bata. Dihang mahibalo mi bahin sa klarong pagpahimulos sa mga bata, ireport namo ni sa National Center for Missing and Exploited Children (NCMEC), ingong pagsunod sa nahiangayng balaod. Nahibalo mi nga mag-share usahay ang mga tawo og hubo nga hulagway sa ilang mga anak uban ang maayong intensiyon; pero, sagad tangtangon namo ni nga mga hulagway tungod sa posibleng pagpang-abuso sa uban ug aron malikayan ang posibilidad nga gamiton sa ubang tawo ang hulagway sa sayop nga paagi nga walay pagtugot.
Nakigtinabangay pod mi sa external nga mga eksperto, apil ang Meta Safety Advisory Board, aron hisgotan ug pauswagon ang among mga palisiya ug pagpatuman maylabot sa mga isyu sa online safety, ilabina bahin sa mga bata. Pagkat-on og dugang bahin sa ginagamit namo nga teknolohiya aron makasukol batok sa pagpahimulos sa mga bata.
Ayawg i-post ang:
Seksuwal nga pagpahimulos sa bata
Content, kalihokan, o interaksyon nga naghulga, naghulagway, nagdayeg, nagsuporta, naghatag og mga instruksyon, naghimog mga pahayag sa tuyo, miangkon sa pag-apil sa, o nagpaambit sa mga link sa seksuwal nga pagpahimulos sa mga bata (lakip na ang tinuod nga mga menor de edad, gagmayng bata, o mga masuso, o dili tinuod nga mga paghulagway nga adunay dagway sa tawo, sama sa art, AI-generated content, fictional nga mga karakter, manika, ug uban pa). Apil niini ang pero limitado sa:
  • Pagpakigsekso
    • Ang dayag nga pagpakigsekso o oral sex, nga gihubit ingong baba o kinatawo nga mosulod o modapat sa kinatawo o lubot sa laing tawo, nga makita ang kinatawo o lubot sa usa ka tawo.
    • Gipasabot nga pagpakigsekso o oral sex, lakip na dihang hapit nang modapato dili direktang makita.
    • Pagpukaw sa mga kinatawo o lubot, lakip na dihang ang kalihokan hapit na o dili direktang makita.
    • Bisan hain sa ibabaw nga naglangkit ug hayop.
  • Mga bata nga adunay seksuwal nga elemento, lakip apan dili limitado sa:
    • Mga pagpugong
    • Mga timailhan sa pagpukaw
    • Pagpokus sa mga kinatawo o lubot
    • Presensiya sa napukaw nga adulto
    • Presensya sa mga sex toy o paggamit sa bisan unsang butang alang sa seksuwal nga pagpukaw, katagbawan, o seksuwal nga pag-abuso
    • Seksuwal nga costume
    • Paghubo
    • Gi-staged nga esena (pananglitan, sa higdaanan) o gi-shot sa usa ka propesyonal (kalidad/pokus/anggulo)
    • Open-mouth paghalok
    • Pagpukaw sa mga nipple sa tawo o pagpislit sa suso sa babaye (GAWAS sa konteksto sa pagpasuso)
    • Presensya sa mga produkto sa seksuwal nga kalihokan
  • Conent nga naglangkit sa mga bata sa konteksto sa seksuwal nga fetish
  • Content nga nagsuporta, nag-promote, nagpasiugda, o nag-awhag sa pag-apil sa pedophilia gawas kon kini hisgotan nga neyutral sa konteksto sa panglawas
  • Content nga nagpaila o nagbiaybiay sa gikaingong mga biktima sa seksuwal nga pagpahimulos sa bata pinaagi sa ngalan o hulagway
Solisitasyon
Content nga nangayo og seksuwal nga content o kalihokan nga naghulagway o naglangkit sa mga bata, gihubit ingong:
  • Materyal nga Pag-abuso sa Sekswal sa Bata (CSAM)
  • Naghubo nga hulagway sa tinuod o dili tinuod nga mga bata
  • Seksuwal nga hulagway sa tinuod o dili tinuod nga mga bata
Dili sakto nga pagpakiglabot sa mga bata
Content nga naglangkob o nagpahigayon sa dili angay nga pagpakiglabot sa mga bata, sama sa:
  • Paghangyo, paghikay o pagplano og pagpakigsekso sa mga bata
  • Pagdani sa mga bata nga moapil sa seksuwal nga kalihokan pinaagi sa seksuwal nga panag-estoryahanay o pagtanyag, pagpakita, pagkuha, o paghangyo og seksuwal nga materyal ngadto o gikan sa mga bata, pinaagi sa tinuyo nga pagkaladlad o sa pribado nga mga mensahe
  • Pag-apil sa dili direktang seksuwal nga panag-estoryahanay sa mga pribadong mensahe uban sa mga bata
  • Pagkuha o pagpangayog seksuwal nga materyal gikan sa mga bata diha sa pribadong mensahe
Mapahimuslanon nga intimate nga hulagway ug sextortion
Content nga mosulay sa pagpahimulos sa tinuod nga mga bata pinaagi sa:
  • Pagpugos og kuwarta, pabor, o intimate nga hulagway nga adunay mga hulga nga ibutyag ang tinuod o dili tinuod nga intimate nga hulagway o impormasyon
  • Pagpaambit, paghulga, o pagpahayag sa usa ka tuyo aron ipaambit ang pribado nga seksuwal nga panag-estoryahanay o tinuod o dili tinuod nga intimate nga hulagway
Sexualization sa mga bata
  • Content (naglakip og mga hulagway, video, real-world nga art, digital content, ug verbal nga paghulagway) nga nag-sexualize sa tinuod o dili tinuod nga mga bata
  • Mga Group, Page, ug profile nga gihimo sa pag-sexualize sa tinuod o dili tinuod nga mga bata
Naghubo nga mga bata
Content nga naghulagway sa tinuod o dili tinuod nga kahubo sa bata diin ang kahubo gipasabot nga:
  • Close-up sa tinuod o dili tinuod nga kinatawo sa mga bata
  • Tinuod o dili tinuod nga hubo nga gagmayng bata, nga nagpakita og:
    • Kinatawo, bisag gitabonan o wala giklaro pinaagig sihag nga besti
    • Lubot ug/o walay tabon nga close-up sa bat-ang
  • Tinuod o dili tinuod nga mga menor de edad, nga nagpakita og:
    • Kinatawo (lakip ang kinatawo nga natabonan lang sa bulbol o sihag nga besti)
    • Lubot ug/o walay tabon nga close-up sa bat-ang
    • walay tabon nga mga nipple sa babaye
    • Walay besti gikan sa liog paingon sa tuhod - bisan pag walay kinatawo o nipple sa babaye nga makita
  • Gawas kon ang dili tinuod nga hulagway maoy para sa panglawas nga katuyoan o sa dili seksuwal nga paghulagway sa pagkahubo sa bata diha sa real-word nga art
Dili sekswal nga pag-abuso sa bata
Mga video o litrato nga naghulagway sa tinuod o dili tinuod nga dili sekswal nga pag-abuso sa bata bisan unsa pa ang katuyoan sa pagpaambit, gawas kon ang mga hulagway gikan sa real-world nga art, cartoons, salida, o video game
Content nga nagdayeg, nagsuporta, nag-promote, nagpasiugda, naghatag og mga instruksiyon o nag-awhag sa pag-apil sa dili seksuwal nga pag-abuso sa bata
Gawas sa pagtangtang sa mga account nga nakalapas sa among Child Sexual Exploitation, Abuse and Nudity (CSEAN) nga mga palisiya, ang among mga reviewer ug automated system nagkonsiderar sa usa ka lapad nga spectrum sa mga signal aron makatabang sa pagpugong sa posibleng wala uyoni o dili luwas nga interaksyon.
  • Mahimo namong i-disable ang account o pugngan ang pag-access sa mga produkto ug feature (pananglitan, ang abilidad sa pag-follow sa pipila ka mga account) para sa mga adulto base sa ilang mga interaksyon sa ubang mga account, pagpangita o interaksyon sa supak nga mga content (pananglitan, pag-like o pag-save), o pagkamiyembro sa mga komunidad (pananglitan, Mga Group) nga among gitangtang tungod sa paglapas sa among mga palisiya.
Alang sa mosunod nga content, nagbutang mig warning screen aron ang mga tawo mahibalo nga naa tingali negatibong epekto ang content ug limitahan ang makatan-aw sa content ngadto sa mga 18 anyos pataas:
  • Mga video o litrato nga naghulagway sa mga opisyal sa pulisya o mga personahe sa militar nga naghimo sa dili seksuwal nga pag-abuso sa bata
  • Ang mga video o litrato sa dili seksuwal nga pag-abuso sa bata, kon ang tigpatuman sa balaod, mga ahensya sa pagpanalipod sa bata, o kasaligan nga mga kauban sa kaluwasan mihangyo nga ibilin namon ang sulud sa plataporma alang sa tin-aw nga katuyoan nga ibalik ang usa ka bata sa safety.
Para sa mosunod nga content, gibutang namo ang sensitivity screen aron mahibalo ang mga tawo nga naa tingali negatibong epekto sa uban ang content:
  • Mga video o litrato sa bayolenteng pagpaunlod sa usa ka bata sa tubig sa konteksto sa relihiyosong mga rituwal
Para sa mosunod nga mga Tamdanan sa Komunidad, kinahanglan namo ang dugang impormasyon ug/o konteksto para sa pagpatuman:
Para sa mosunod nga content, gibutang namo ang warning label aron mahibalo ang mga tawo nga naa tingali negatibong epekto sa uban ang content:
  • Mga hulagway nga gi-post sa usa ka ahensya sa balita nga naghulagway sa pagkahubo sa bata sa konteksto sa gutom, genocide, mga krimen sa gubat, o mga krimen batok sa katawhan, gawas kon giubanan sa usa ka paglapas nga caption o gipaambit sa paaging nakalapas, nga niini nga kahimtang, ang content tangtangon
Mahimo namong tangtangon ang mga hulagway nga naghulagway sa resulta sa dili seksuwal nga pag-abuso sa bata kon gireport sa mga kauban sa news media, NGO, o uban pang kasaligan nga kauban sa kaluwasan.
Mahimo namong tangtangon ang content nga nagpaila sa gikaingong mga biktima sa seksuwal nga pagpahimulos sa bata pinaagi sa mga paagi gawas sa ngalan o hulagway kon ang content naglakip sa impormasyon nga lagmit motultol sa pagpaila sa indibiduwal.
Mahimo namong tangtangon ang content nga gihimo alang sa pagpaila sa usa ka pribado nga menor de edad kon mameligro ang kaluwasan sa menor de edad, kon gihangyo sa Tigpatuman sa Balaod, Gobyerno, Kasaligan nga Kauban, o ang content gi-report sa menor de edad o sa ginikanan/legal nga guardian sa menor de edad
Mga kasinatian sa user
Tan-awa ang pipila ka pananglitan kon unsay ipasabot sa pagpatuman ngadto sa mga tawo diha sa Facebook, parehas sa: kon unsay ipasabot sa pagreport sa usa ka butang nga para nimo dili angayng naa sa Facebook, nga maingnan nga nasupak nimo ang atong mga Tamdanan sa Komunidad ug sa pagpakitag warning screen tungod sa usa ka espesipikong content.
Hinumdomi: Padayon ming nag-uswag, mao nga basin dili na updated ang imong makita dinhi kon itandi sa gigamit namo karon.
KASINATIAN SA USER
Pagreport
KASINATIAN SA USER
Komunikasyon human sa pagreport
KASINATIAN SA USER
Kasinatian sa pagtangtang
KASINATIAN SA USER
Warning screen
Data
Tan-awa ang kinabag-ohang Report sa Pagpatuman sa Tamdanan sa Komunidad
Pagpatuman
Parehas ra mig palisiya sa tibuok kalibotan, para sa tanang naa sa Facebook.
Team sa pagrebyo
Ang among team sa tibuok kalibotan nga naay kapin sa 15,000 ka tigrebyo nga kada adlawng naningkamot nga magpabiling luwas ang Facebook.
Pagpakiglambigit sa Stakeholder
Ang mga eksperto sa gawas, mga iskolar, mga NGO ug tighimog mga palisiya motabang sa pagpahibalo sa Mga Tamdanan sa Komunidad sa Facebook.
Pagpangayog tabang bahin sa seksuwal nga pagpahimulos, pag-abuso, ug pagkahubo sa bata
HIbaloi kon unsay imong mahimo kon naa kay makita sa Facebook nga supak sa among mga Tamdanan sa Komunidad.
Bisitaha ang among Sentro sa Tabang