Pagpang-bully ug Pagpang-harass

Mga Detalye sa Palisiya
Mga Kasinatian sa User
Data

Mga detalye sa palisiya

BAG-OHA ANG LOG
Policy Rationale
Mahitabo ang pagpang-bully ug pagpang-harass sa daghang dapit ug sa lainlaing paagi gikan sa pagpanghadlok ug pagpagawas og impormasyon nga magpaila sa usa ka tawo ngadto sa pagpadala og mga mensahe aron manghadlok ug walay pagtugot nga pagkontak aron manghulga. Dili namo uyonan kini nga klase sa binuhatan kay tungod ani ang mga tawo dili mobating luwas ug tinahod diha sa Facebook, Instagram, ug Threads.
Among giila ang kalainan sa iladong tawo ug pribadong mga indibiduwal kay gusto namong tugotan ang panaghisgot, nga sagad naglakip sa pagkomento bahin sa usa ka tawo nga naa sa balita o ninila sa publiko. Para sa iladong tawo, among tangtangon ang mga sobra ra nga pag-atake apil ang partikular nga mga pag-atake diin direktang gi-tag ang iladong tawo diha sa post o komento. Para namo, ang iladong tawo mao kadtong mga opisyal sa estado ug nasyonal nga gobyerno, mga kandidato sa politika para sa maong mga posisyon, mga tawo nga naay kapin sa usa ka milyong fan o follower sa social media ug mga tawo nga kanunayng makita sa balita.
Para sa pribadong mga indibiduwal, mas labaw pa ang among proteksiyon: Tangtangon namo ang content nga magpakamenos sa pagkatawo o magpakaulaw, apil, pananglitan, ang mga pangangkon bahin sa seksuwal nga aktibidad sa usa ka tawo. Among giila nga mas dakog epekto ang pagpang-bully ug pagpang-harass sa mga menor de edad, maong ang among mga palisiya naghatag og mas dakong proteksiyon niadtong wala pay 18 anyos, bisag unsa pay istado sa user.
Importante ang konteksto ug intensiyon, ug tugotan namo ang mga tawo nga mag-post ug mag-share kon klaro nga gi-share ang usa ka butang aron sawayon o hatagag pagtagad ang pagpang-bully ug pagpang-harass. Sa pipila ka kahimtang, nagkinahanglan mig personal nga pagreport kay makatabang ni namo nga masabtan nga kadtong gi-target mibati nga gi-bully o gi-harass siya. Gawas pa sa pagreport sa maong binuhatan ug content, among gidasig ang mga tawo nga gamiton ang mga tool nga available sa among mga platform aron makatabang sa pagprotektar batok ani.
Naa pod mi Bullying Prevention Hub, nga kadangpan sa mga tin-edyer, ginikanan, ug magtutudlo para sa suporta alang sa mga isyu nga konektado sa pagpang-bully ug uban pang dili pagsinabtanay. Naghatag nig step-by-step nga giya, apil ang impormasyon kon unsaon pagsugod ang importanteng mga panag-estorya bahin sa pagpang-bully. Pagkat-on og dugang bahin sa kon unsay among ginahimo aron protektahan ang mga tawo gikan sa pagpang-bully ug pagpang-harass dinhi.
Hinumdomi: Kini nga palisiya dili magamit sa mga indibiduwal nga membro sa aprobadong mga organisasyon ilawom sa palisiya sa Delikadong mga Organisasyon ug Indibidwal o mga indibiduwal nga namatay sa wala pa ang 1900.
Tier 1: Katibuk-ang mga proteksiyon para sa tanan:
  • Protektado ang tanan gikan sa:
    • Wala uyoni nga pagkontak nga:
      • Balikbalik, O
      • Seksuwal nga pagpang-harass, O
      • Gitumong sa daghang indibidwal nga wala pangayoa sa sinugdan.
    • Nanawagan nga magpakamatay o pasakitan sa usa ka tawo o grupo sa mga indibidwal ang ilang kaugalingon.
    • Mga pag-atake base sa ilang kasinatian sa sekswal nga pag-abuso, sekswal nga pagpahimulos, sekswal nga pagpang-harass, o pag-abuso sa panimalay.
    • Mga pahayag sa kagustohang makigsekso o nagpasiugda sa pagpakigsekso.
    • Grabeng sekswal nga komentaryo.
    • Sekswal nga photoshop o drowing nga nagpakaulaw
    • Pag-atake gamit ang makapaulaw nga mga termino nga konektado sa pagpakigsekso (pananglitan: bigaon, igat).
    • Pangangkon wala nahitabo ang bayolenteng trahedya
    • Pangangkon nga namakak ang mga indibidwal bahin sa usa ka biktima sa bayolenteng trahedya o pag-atake sa terorista, apil ang mga pangangkon nga sila:
      • Nagpakaaron-ingnon lang nga biktima sa usa ka espesipikong hitabo, o
      • Gibayran o gisuweldohan aron ilaron ang mga tawo bahin sa ilang papel sa hitabo.
  • Pagpanghadlok nga ikatag ang pribadong numero sa telepono sa usa ka indibidwal, address sa balay, email address o medical nga mga rekord (sumala sa gihulagway sa palisiya sa mga Pagsupak sa Pagkapribado).
  • Panawagan, o pahayag sa kagustohang moapil sa pagpang-bully ug/o pagpang-harass.
  • Content nga nagpakamenos o nagpahayag og kawalay-pag-uyon sa mga indibidwal nga gipakita panahon, o pagkahuman, sa pagregla, pag-ihi, pagsuka, o paglibang
  • Protektado ang tanan gikan sa mosunod, pero para sa sikat nga mga adulto, kinahanglan ning ipaila para sa:
    • Panawagan sa kamatayon ug mga pahayag nga pabor sa pagbaton o pagkaugmad og medikal nga kondisyon.
    • Pagselebrar o pagyagayaga sa kamatayon o medikal nga kondisyon.
    • Pangangkon bahin sa mga impeksiyon nga mapasa pinaagig pagpakigsekso.
    • Pahayag sa pagpakamenos sa pisikal nga panagway.
Tier 2: Dugang proteksiyon para sa tanang Menor de Edad, Pribadong mga Adulto ug Iladong mga Tawo nga Naay Limitadong Sakop (pananglitan, mga indibidwal nga sikat lang sa ilang pagkaaktibista, jornalismo, o kadtong misikat sa wala tuyoa nga mga paagi):
  • Gawas pa sa katibuk-ang proteksiyon para sa tanan, protektado ang tanang menor de eadad (pribado man o sikat nga indibidwal), pribadong nga adulto ug iladong mga tawo nga naay limitadong sakop gikan sa:
  • Tanang menor de edad (pribado man o sikat nga indibidwal), pribadong mga adulto ug iladong mga tawo nga naay limitadong sakop) protektado gikan sa mosunod, pero sa dili kaayo iladong mga tawo, kinahanglan ning ipaila para sa:
    • Makainsulto nga mga pagtandi (sa sinulat man o sa visual) ngadto sa:
      • Mga hayop ug insekto, apil ang mga subhuman creature, nga tradisyonal nga giila nga mas ubos.
      • Mga bacteria, virus, kagaw, ug mga sakit.
      • Dili buhing mga butang, apil ang basura, hugaw, tai.
  • Gimanipula nga content aron ipasiugda, mapokusan, o hatagag negatibong atensiyon ang partikular nga pisikal nga panagway (ilong, dalunggan, ug uban pa).
  • Content nga nag-rank niini base sa pisikal nga panagway o kinaiya.
  • Content nga nagpakamenos sa indibidwal nga makitang gina-bully sa pisikal (sawas mga konteksto sa usa ka away sa sport).
Tier 3: Dugang proteksiyon para sa Pribadong mga Menor de edad, Pribadong mga Adulto, ug Wala Tuyoa nga Medyo Inila nga mga Indibidwal:
  • Gawas pa sa tanang proteksiyon nga gilista sa ibabaw, protektado ang tanang pribadong menor de edad, pribadong adulto (nga kinahanglang ireport ang kaugalingon), ug wala tuyoa nga medyo inila nga mga Indibidwal gikan sa:
    • Pagpanunglo nga gitumong kanila.
    • Pangangkon bahin sa romanktikong relasyon, sekswal nga oryentasyon, o giilang sekswalidad.
    • Mga panawagan nga himoag aksiyon, mga pahayag sa kagustohan, mga malaomon o kondisyonal nga mga pahayag, o mga pahayag nga nagpasiugda o nagsuporta sa diskriminasyon.
    • Pangangkon sa negatibong kinaiya o abilidad, gawas sa mga konteksto sa kriminal nga mga alegasyon ug mga rebyo sa negosyo batok sa mga adulto.
    • Mga pahayag sa pagsaway, kawalay-pag-uyon, o content nga nagbalewala sa paglungtad sa usa ka indibidwal, gawas sa mga konteksto sa kriminal nga mga alegasyon batok sa mga adulto.
  • Dihang gireport ang kaugalingon, protektado ang pribadong mga menor de edad, pribadong mga adulto, ug wala tuyoa nga medyo inila nga mga Indibidwal gikan sa mosunod:
    • Pagpang-bully gamit ang first-person voice.
    • Makapaulaw nga mga hulagway nga giusab nga walay pagtugot
    • Pagtandi ngadto sa ubang ilado, fictional o pribadong indibidwal base sa pisikal nga panagway.
    • Pangangkon bahin sa gipasakopang relihiyon o pasipala
    • Pagtandi ngadto sa mga hayop o insekto nga naandan nang wala giila ingon nga mas ubos sa panghunahuna o pisikal (“tigre," “leyon").
    • Neutral o positibong pisikal nga mga paghulagway.
    • Pangangkon sa dili negatibong karakter o abilidad.
    • Mga pag-atake gamit ang makapaulaw nga mga termino nga konektado sa kawalay-sekswal nga aktibidad.
Tier 4: Dugang proteksiyon para lamang sa Pribadong Menor de Edad:
  • Mas dakog proteksiyon ang mga menor de edad ilawom sa among palisiya. Gawas sa mga proteksiyon nga gihisgotan sa ibabaw, protektado pod ang mga menor de edad gikan sa:
    • Mga alegasyon bahin sa kriminal o ilegal nga binuhatan.
    • Mga video sa pisikal nga pagdaog-daog batok sa mga menor de edad, nga gi-share sa bisan unsa mang konteksto.
    • Makapaulaw nga mga termino nga konektado sa pagtunglo sa mga babaye.
Pagpang-bully ug pagpang-harass pinaagi sa mga page, grupo, event ug mensahe
  • Gipatuman pod ang mga proteksiyon gikan sa mga Tier 1 hangtod 4 ngadto sa mga page, grupo, event ug mensahe.
Para sa mosunod nga mga Tamdanan sa Komunidad, kinahanglan namo ang dugang impormasyon ug/o konteksto para sa pagpatuman:
Ayaw:
  • Pag-post og kontent nga nag-atake sa pribadong mga indibidwal pinaagi sa wala tugoti nga mga Page, Grupo ug Event. Tangtangon namo ni nga content dihang ireport ni sa target o sa awtorisadong representante sa target.
  • Pag-post og content nga gihulagway sa itaas diin kinahanglang ireport sa target ang content o diin gipakita sa content nga ang nag-post direktang nag-atake sa usa target (pananglitan: gi-tag ang target diha sa post o komento). Tangtangon namo ni nga content dihang naa mi kompirmasyon gikan sa target o sa awtorisadong representante sa target (buhi man o patay na) nga wala mauyoni ang content.
  • Pag-post og content nga nanawagan o nagpahayag og kagustohan nga himoon ang usa ka butang nga matawag og pagpang-bully ug pagpang-harass ilawom sa among mga palisiya. Tangtangon namo ni nga content dihang naa mi kompirmasyon gikan sa target o sa awtorisadong representante sa target nga wala mauyoni ang content.
  • Pag-post og content nga nag-sexualize sa usa ka iladong tawo. Tangtangon namo ni nga content dihang naa mi kompirmasyon gikan sa target o sa awtorisadong representante sa target nga wala mauyoni ang content.
  • Paghimog kontak nga sekswal nga nang-harass sa nakadawat. Tangtangon namo ang bisan unsang content sa wala maauyoni nga konteksto dihang naa mi kompirmasyon gikan sa nakadawat o sa awtorisadong representante sa nakadawat nga wala mauyoni ang pagkontak.
  • Tangtanga ang pagpang-harass nga para sa daghang tawo, dihang:
    • Targeton, sa bisan unsa mang paagi, ang mga indibidwal nga nameligro sa offline nga kadaot’, nga gihulagway ingong:
      • Tidepensa sa mga katungod sa tawo
      • Menor de edad
      • Biktima sa bayolenteng mga hitabo/trahedya
      • Mga indibidwal sa oposisyon sa nameligrong mga nasod panahon sa eleksyon
      • Mga opisyal sa eleksyon
      • Mga kaaway sa gobyerno nga gitarget tungod sa ilang istado ingon nga kaaway
      • Etneko ug relihiyosong mga minorya nga naa sa mga dapit diin naay panagsumpaki
      • Membro sa gitudlo ug giila nga nameligrong grupo
    • Pagtarget kang bisan kinsang indibidwal sa personal nga paagi, sama sa inbox o mga profile, gamit ang:
      • Content nga supak sa mga palisiya sa pagpang-bully og pagpang-harass para sa pribadong mga indibidwal o,
      • Kuwestiyonableng content nga gibase sa protektadong kinaiyahan
  • Pag-disable sa mga account nga gigamit sa pagpang-harass sa daghang tawo ingon nga bahin sa
    • Estado o konektado sa estdo nga mga network nga nagtarget og mga indibidwal sa bisan unsa mang paagi.
    • Kaaway nga mga network nga nagtarget kang bisan kinsang indibidwal sa bisan unsa mang paagi gamit ang:
      • Content nga supak sa mga palisiya sa pagpang-bully og pagpang-harass para sa pribadong mga indibidwal o,
      • Content nga nagtarget nila base sa protektadong kinaiyahan, o,
      • Content o kinaiya nga giilang kuwastiyonable sa lokal nga konteksto
Mga kasinatian sa user
Tan-awa ang pipila ka pananglitan kon unsay ipasabot sa pagpatuman ngadto sa mga tawo diha sa Facebook, parehas sa: kon unsay ipasabot sa pagreport sa usa ka butang nga para nimo dili angayng naa sa Facebook, nga maingnan nga nasupak nimo ang atong mga Tamdanan sa Komunidad ug sa pagpakitag warning screen tungod sa usa ka espesipikong content.
Hinumdomi: Padayon ming nag-uswag, mao nga basin dili na updated ang imong makita dinhi kon itandi sa gigamit namo karon.
KASINATIAN SA USER
Pagreport
KASINATIAN SA USER
Komunikasyon human sa pagreport
KASINATIAN SA USER
Kasinatian sa pagtangtang
KASINATIAN SA USER
Warning screen
Data
Tan-awa ang kinabag-ohang Report sa Pagpatuman sa Tamdanan sa Komunidad
Pagpatuman
Parehas ra mig palisiya sa tibuok kalibotan, para sa tanang naa sa Facebook.
Team sa pagrebyo
Ang among team sa tibuok kalibotan nga naay kapin sa 15,000 ka tigrebyo nga kada adlawng naningkamot nga magpabiling luwas ang Facebook.
Pagpakiglambigit sa Stakeholder
Ang mga eksperto sa gawas, mga iskolar, mga NGO ug tighimog mga palisiya motabang sa pagpahibalo sa Mga Tamdanan sa Komunidad sa Facebook.
Pangayog tabang sa pagpang-bully ug pagpang-harass
HIbaloi kon unsay imong mahimo kon naa kay makita sa Facebook nga supak sa among mga Tamdanan sa Komunidad.
Bisitaha ang among Sentro sa Tabang