Representasyon sa Tinuod nga Pagkatawo

Mga Detalye sa Palisiya
Mga Kasinatian sa User

Mga detalye sa palisiya

BAG-OHA ANG LOG
Policy Rationale
Ang pagkamatinuod mao ang sukaranan sa atong komunidad. Kami nagtuo nga ang pagkatinuod makatabang sa paghimo sa usa ka komunidad diin ang mga tawo adunay tulubagon sa usag usa, ug sa Meta, sa makahuloganon nga mga paagi. Gusto namong tugotan ang daghang paagi nga ang identity gipahayag sa tibuok kalibotanong komunidad, samtang gipugngan ang pagsundog ug sayop nga representasyon sa identity. Aron mamentinar ang luwas ug bukas nga palibot diin ang mga tawo makasalig sa usag usa ug makatukod og komunidad, dili namo tugutan ang paghimo og mga account o profile nga gihimo o gigamit sa paglimbong sa uban.
Sa Facebook, kinahanglang ang mga tawo nga maghimo og usa ka account gamit ang ngalan nga ilang gigamit sa adlaw-adlaw nga kinabuhi nga nagrepresentar sa ilang tinuod nga identity. Naghimo mig Dugang nga mga Profile aron matabangan ang mga tawo nga ipahayag ang lainlaing bahin sa ilang identity, sama sa ilang mga interes o negosyo.
Dili namo tugotan ang paggamit sa among mga serbisyo ug limitahan o i-disable ang mga account nga Facebook, Instagram, ug Threads o uban pang entidad sa Facebook (sama sa mga pages, grupo) nga:
  • Gipanag-iya sa menor de edad nga mga bata
  • Nagpakaaron-ingnon nga laing tawo o entidad pinaagi sa:
    • Paggamit sa ilang (mga) hulagway, ngalan, o parehas ani aron makapangilad sa uban
    • Dili awtorisadong gamiton ang tingog sa ubang tawo o entidad (pananglitan, pinaagi sa paghimog Page o Profile)
  • Sayop nga nagrepresentar sa pagtawo sa uban aron ilaron ang uban, malikayan ang pagpatuman, o supakon ang mga Tamdanan sa Komunidad. Konsiderahon namo ang daghang detalye dihang among susihon sayop nga representasyon sa pagkatawo sa uban, sama sa:
    • Balikbalik o dakong kausaban sa mga detalye sa pagkatawo, sama sa ngalan o edad
    • Makailad nga impormasyon sa profile, sama sa mga detalye sa bio ug lokasyon sa profile
    • Paggamit og mga hulagway sa stock
  • Paggamit og ngalan nga supak sa among mga Tamdanan sa Komunidad.
Sa Facebook, mangayo mig dugang impormasyon ayha mohimog mga aksiyon sama sa temporaryong pagbutang og limitasyon o permanenteng pag-disable sa mga profile o account kon ikaw:
  • Mohatag og sayop nga petsa nga natawhan
  • Mogamit og ngalan nga wala nimo ginagamit kada adlaw
  • Mohimog usa ka account nga nagpresentar o gigamit sa usa o kapin pang tawo
  • Mohimo o magmentinar og daghang account sa Facebook
  • Mohimog account nga nagrepresentar sa usa ka dili tawo nga entidad, sama sa usa ka negosyo, pet, o fictional nga karakter
  • Magmentinar og walay unod nga mga profile nga dugay nang dili aktibo
Mga kasinatian sa user
Tan-awa ang pipila ka pananglitan kon unsay ipasabot sa pagpatuman ngadto sa mga tawo diha sa Facebook, parehas sa: kon unsay ipasabot sa pagreport sa usa ka butang nga para nimo dili angayng naa sa Facebook, nga maingnan nga nasupak nimo ang atong mga Tamdanan sa Komunidad ug sa pagpakitag warning screen tungod sa usa ka espesipikong content.
Hinumdomi: Padayon ming nag-uswag, mao nga basin dili na updated ang imong makita dinhi kon itandi sa gigamit namo karon.
KASINATIAN SA USER
Pagreport
KASINATIAN SA USER
Komunikasyon human sa pagreport
KASINATIAN SA USER
Kasinatian sa pagtangtang
KASINATIAN SA USER
Warning screen
Pagpatuman
Parehas ra mig palisiya sa tibuok kalibotan, para sa tanang naa sa Facebook.
Team sa pagrebyo
Ang among team sa tibuok kalibotan nga naay kapin sa 15,000 ka tigrebyo nga kada adlawng naningkamot nga magpabiling luwas ang Facebook.
Pagpakiglambigit sa Stakeholder
Ang mga eksperto sa gawas, mga iskolar, mga NGO ug tighimog mga palisiya motabang sa pagpahibalo sa Mga Tamdanan sa Komunidad sa Facebook.
Pangayog tabang bahin sa representasyon sa tinuod nga pagkatawo
HIbaloi kon unsay imong mahimo kon naa kay makita sa Facebook nga supak sa among mga Tamdanan sa Komunidad.
Bisitaha ang among Sentro sa Tabang