Seksuwal nga Pagpahimulos sa Adulto

Mga Detalye sa Palisiya
Mga Kasinatian sa User

Mga detalye sa palisiya

BAG-OHA ANG LOG
Policy Rationale
Among giila ang kaimportante sa among mga serbisyo ingon nga usa ka dapit nga hisgotan ug hatagag pagtagad ang seksuwal nga pag-abuso ug pagpahimulos. Nagatuo mi nga importante ni nga bahin aron makatukod og nahiusang pagsabot ug komunidad. Sa pagpaningkamot nga makahimog usa ka dapit alang niini nga panaghisgot ug mapasiugda ang luwas nga kahimtang, tugotan namo ang mga nakaluwas nga ipaambit ang ilang mga kasinatian, pero tangtangon namo ang content nga nagpakita, nanghadlok o nagpasiugda og seksuwal nga pag-abuso, seksuwal nga pag-atake o seksuwal nga pagpangilad. Tangtangon pod namo ang content nga nagpakita, nagpasiugda o nag-organisar og seksuwal nga mga buhat uban ang wala mitugot nga mga partido aron malikayan nga masuportahan ang pagpahigayon og seksuwal nga mga buhat nga walay pagtugot. Dugang pa, kon mahibalo mi nga naay content nga nanghadlok o nagpasiugda og pagpanglugos, puwede namong i-disable ang account nga nag-post ug makigtinabangay sa tigpatuman sa balaod, gawas pa sa pagtangtang sa content.
Aron protektahan ang mga biktima, tangtangon namo ang mga hulagway nga napakita sa mga insidente sa seksuwal nga pag-abuso ug mga hulagway sa pribadong mga parte sa lawas nga gi-share nga walay pagtugot niadtong gikuhaan og hulagway. Sama sa gihisgotan sa introduksiyon, makigtinabangay pod mi sa mga eksperto sa safety aron hisgotan ug pauswagon ang among mga palisiya ug pagpatuman bahin sa mga isyu sa online safety, ug puwede namong tangtangon ang content dihang madawat namo ang impormasyon nga konektado sa makadaot nga aktibidad. Among gisulat ang bahin sa teknolohiya nga among gigamit sa pagprotektar bahin sa mga hulagway sa pribadong mga parte sa lawas nga gikuha nga walay pagtugot ug sa research nga naghatag og impormasyon sa among buluhaton. Gitigom pod namo ang mga resources para ireport ngadto sa Meta ang mga pagpanghadlok nga i-share nga walay pagtugot ang mga hulagway sa pribadong parte sa lawas aron kanunayng malikayan nga mokatag ni online.
Dili namo tugotan ang:
Content nga nagpakita, nagpasiugda, o nagtamay sa seksuwal nga paghimashimas nga walay pagtugot, apil ang:
  • Hulagway nga nagpakita sa seksuwal nga paghimashimas nga walay pagtugot (gawas sa tinuod nga art sa dili tinuod nga mga tawo, nga naay nagatamay o neutral nga caption)
  • Mga pahayag nga nagsulay o nanghadlok nga ipaambit, nagtanyag, o nangayog hulagway sa seksuwal nga paghimashimas nga walay pagtugot
  • Mga paghulagway sa seksuwal nga paghimashimas nga walay pagtugot, gawas kon gipaambit o ingong suporta sa biktima
  • Pagpasiugda (apil ang mga pahayag nga naglaom ug kondisyonal), pagpanghadlok nga mohimo, o pag-angkon nga nakahimo og seksuwal nga paghimashimas nga walay pagtugot
  • Content nga nagyagayaga sa mga biktima o sa konsepto sa seksuwal nga paghimashimas nga walay pagtugot
  • Content nga gi-share sa ikatulong partido nga nagpaila sa mga biktima sa seksuwal nga pag-abuso dihang ireport sa biktima
Content, aktibidad o interaksyon nga nagsulay sa pagpahimulos sa mga tawo pinaagi sa:
  • Pinugos nga pagpangayog kuwarta, pabor o hulagway sa pribadong mga parte sa lawas gikan sa mga tawo nga inubanan og mga hulga nga ikatag ang hulagway sa ilang pribadong parte sa lawas o personal kaayo nga impormasyon (sextortion)
  • Pagpaambit, pagpanghadlok, pagpahayag og intensiyon sa pagpaambit, pagtanyag o pagpangayo og hulagway sa pribadong parte sa lawas nga walay pagtugot (non-consensual intimate imagery, NCII) nga nakakab-ot sa tanang mosunod nga kondisyon:
    • Dili komersyal ang hulagway ug naggikan sa pribadong setting.
    • (Halos) Hubo na ang tawo nga naa sa hulagway, nakigsekso o morag nakigsekso ang pose (apil ani ang hulagway nga digital nga gihimo o AI-generated).
    • Makita ang kawalay-pagtugot nga i-share ang hulagway tungod sa bisan asa niini nga mga sinyales:
      • Konteksto nga naay panimalos (parehas sa, caption, mga komento o ngalan sa page).
      • Independenteng mga gigikanan parehas sa mga rekord sa tigpatuman sa balaod, mga report sa media (parehas sa, gikompirma sa media nga na-leak ang mga hulagway) o mga representate sa biktima sa NCII
      • Report gikan sa tawong naa sa hulagway o parehas og ngalan sa tawong naa sa hulagway.
  • Pagpasiugda, pagpanghadlok nga i-share, o pagtanyag nga maghimo o mga paghulagway sa paghimo (NCII) o sa paghalok pinaagi sa mga application o mga serbisyo (apil AI), o mga instruksiyon, bisag walay dili komersyal nga hulagway nga gi-share diha sa content (usahay tawgon nga “nudify“ app)
  • Pag-share sa dili komersyal nga hulagway nga sekretong gikuha nga nagpokus sa parte sa lawas sa usa ka tawo nga sagad lantawon sa seksuwal nga paagi (sama sa dughan, bugan, lubot, o paa), usa ka tawo nga morag nakigsekso ang pose, o tawo nga nakigsekso, ug gi-share aron yagayagaan, hunahunaon sa seksuwal nga paagi o ibutyag ang pagkatawo nga naa sa hulagway. Kini nga hulagway sagad gitawag nga "creepshots" o "upskirts".
  • Ang pag-share, pagpanghadlok, o pagsultig intensiyon sa pag-share sa pribadong seksuwal nga mga panag-estoryahay nga walay pagtugot mailhan bisan hain sa mosunod:
    • Konteksto sa pagpanimalos ug/o pagpanghadlok,
    • Independenteng mga gigikanan sama sa media coverage o mga rekord sa tigpatuman sa balaod, o
    • Report gikan sa tawong naa sa hulagway o parehas og ngalan sa tawong naa sa hulagway
Content nga konektado sa necrophilia o pinugos nga pagpahubo, apil ang:
  • Hulagway nga nagpakitag necrophilia o pinugos nga pagpahubo (gawas sa tinuod nga art sa dili tinuod nga mga tawo, nga naay nagatamay o neutral nga caption)
  • Mga pahayag sa pagsulay sa pag-share, pagtanyag, pagpangayo, o pagpanghadlok nga i-share ang imagery sa necrophilia o pinugos nga pagpahubo
  • Mga pahayag nga naay mga deskripsiyon, adbokasiya, naglaom o kondisyonal nga mga pahayag, mga pahayag sa intensiyon o panawagan para mohimo, moangkon sa pag-apil, o moyagayaga sa mga biktima sa necrophilia o pinugos nga pagpahubo
Para sa mosunod nga content, gibutang namo ang sensitivity screen aron mahibalo ang mga tawo nga naa tingali negatibong epekto sa uban ang content:
Mga estorya ug pahayag nga naay deskripsiyon sa seksuwal nga paghimashimas nga walay pagtugot (sinulat o verbal) nga naay mga detalye nga labaw pa kay sa simpleng pagsulti lang kon unsay ginahimo kon:
  • Gi-shared sa biktima, o
  • Gi-share sa third party (gawas pa sa biktima) ingon nga suporta sa biktima o pagkondenar sa gihimo o para sa katibuk-ang kasayuran nga mailhan diha sa konteksto/caption.
Para sa mosunod nga mga Tamdanan sa Komunidad, kinahanglan namo ang dugang impormasyon ug/o konteksto para sa pagpatuman:
Butangan tingali namog limitasyon ang makita niadtong mga 18 anyos pataas ug magbutang og warning label sa espesipikong mga content apil ang:
  • Content nga nagpakitag seksuwal nga paghimashimas nga walay pagtugot dihang:
    • Gi-share para sa katibuk-ang kasayuran (walay konteksto sa kalingawan o aron makakuhag reaksiyon gikan sa uban),
    • Dili mailhan ang biktima, ug
    • Walay makitang naghubo diha sa content
  • Content nga nagpakitag dili tinuod nga seksuwal nga paghimashimas nga walay pagtugot (mga trailer sa pelikula, uban pa) dihang gi-share sa kasaligang mga partner para sa katibuk-ang kasayuran ug dili aron makakuhag reaksiyon gikan sa uban
Butangan tingali namog limitasyon ang makita niadtong mga 18 anyos pataas ug magbutang og warning label sa espesipikong mga content nga nagpakitag seksuwal nga paghimashimas nga walay pagtugot, dihang gi-share ni para sa katibuk-ang kasayuran ug dili aron himoong kalingawan o makakuhag reaksiyon gika nsa uban, diin dili mailhan ang biktima ug diin walay naghubo diha sa content.
Gawas pa sa among palisiya sa pagseguro kon angay bang tangtangon ang content nga nanghadlok o nagpasiugda og rape o uban pang seksuwal nga paghimashimas nga walay pagtugot, i-disable pod tingali namo ang account nga nag-post.
Pwede pod namong ipatuman ang content nga gi-share sa usa ka third party nga nagpaila sa mga biktima sa sekswal nga pag-atake dihang ireport ni sa awtorisadong representante o Sinaligang Partner.
Mga kasinatian sa user
Tan-awa ang pipila ka pananglitan kon unsay ipasabot sa pagpatuman ngadto sa mga tawo diha sa Facebook, parehas sa: kon unsay ipasabot sa pagreport sa usa ka butang nga para nimo dili angayng naa sa Facebook, nga maingnan nga nasupak nimo ang atong mga Tamdanan sa Komunidad ug sa pagpakitag warning screen tungod sa usa ka espesipikong content.
Hinumdomi: Padayon ming nag-uswag, mao nga basin dili na updated ang imong makita dinhi kon itandi sa gigamit namo karon.
KASINATIAN SA USER
Pagreport
KASINATIAN SA USER
Komunikasyon human sa pagreport
KASINATIAN SA USER
Kasinatian sa pagtangtang
KASINATIAN SA USER
Warning screen
Pagpatuman
Parehas ra mig palisiya sa tibuok kalibotan, para sa tanang naa sa Facebook.
Team sa pagrebyo
Ang among team sa tibuok kalibotan nga naay kapin sa 15,000 ka tigrebyo nga kada adlawng naningkamot nga magpabiling luwas ang Facebook.
Pagpakiglambigit sa Stakeholder
Ang mga eksperto sa gawas, mga iskolar, mga NGO ug tighimog mga palisiya motabang sa pagpahibalo sa Mga Tamdanan sa Komunidad sa Facebook.
Pangayog tabang para sa seksuwal nga pagpahimulos sa adulto
HIbaloi kon unsay imong mahimo kon naa kay makita sa Facebook nga supak sa among mga Tamdanan sa Komunidad.
Bisitaha ang among Sentro sa Tabang