Pagtabang sa mga Tin-edyer nga Makakitag Content nga Haom sa Edad

GI-UPDATE MAY 13, 2026
Gusto namong mahimong luwas ug makabaton og positibong mga kasinatian sa Facebook ug Instagram ang mga teen, nga naglakip sa pagtabang nga mag-explore sa ilang mga interes samtang nagpakita nila og content nga angay sa ilang edad. Naningkamot mi aron dili makakita ang mga teen og dili haom nga content sa tulo ka pangunang paagi: bug-os nga tangtangon ang content kon supak ni sa among mga lagda, dili ipakita sa mga teen ang pipila ka klase sa content nga para lang sa mga hamtong o mga sensitibong content, ug mas estriktong standard sa among mga irekomenda.
Padayon namong ginapauswag ang among paagi sa pagseguro nga mahatagan namo ang mga teen og luwas ug angay sa edad nga mga kasinatian, ug sa pag-apil sa kinamaayohang research ug tambag sa eksperto aron dili mabalaka ang mga ginikanan. Gusto sab namong sundon pag-ayo ang mga tamdanan nga pamilyar na sa mga pamilya, maong among gisusi ang among angay sa edad nga mga giya - ang giya nga gigamit namo sa pag-ila kon unsay dili namo ipakita ug irekomenda sa mga teen - ug gitandi kini sa mga tamdanan sa rating sa mga salida nga para sa mga 13 anyos pataas ug feedback sa ginikanan. Nagpasabot kini nga ang among tumong nga ang mga teen makakita og content sa Instagram ug Facebook nga susama sa unsay makita nila sa haom sa edad nga salida, sa default.
Sama sa salida nga haom para sa mga 13 anyos pataas diin makakita ka usahay og medyo bastos nga eksena o sinultihan, naay ginagmay nga makita ang mga teen diha sa Instagram o Facebook nga dili kaayo haom - pero naningkamot mi nga usahay ra kaayo ning mahitabo kutob sa mahimo. Nahibalo mi nga walay perpekto nga sistema, ug dedikado ming pauswagon ni paglabay sa panahon.
Adunay daghang kalainan taliwala sa social media ug mga salida. Wala mi nakigtrabaho uban sa MPA dihang nag-update sa among mga opsyon sa content, ug wala sila mag-rate og bisan unsang content sa Instagram o Facebook, ug wala sila nag-endorso o nag-apruba sa among mga opsyon sa content sa bisan unsang paagi. Gibase hinuon namo sa publikong mga giya sa MPA, nga pamilyar nang daan sa mga ginikanan, ingon man ang feedback gikan sa mga ginikanan. Ang among content moderation systems dili parehas sa ratings board sa usa ka salida, mao nga ang kasinatian mahimong dili parehas kaayo.
Daghang Lebel sa Proteksiyon
Para sa tanan: Tangtangon pod namo ang content nga supak sa among mga Tamdanan sa Komunidad. Naa pod mi mas taas nga standard sa klase sa content nga among irekomenda.
❌ Content nga Among Tangtangon
Gidetalye sa among mga aTamdanan sa Komunidad ang mga klase sa content nga dili namo tugotan sa Facebook ug Instagram. Bug-os namong tangtangon kini nga content para sa tanan- apil sa mga teen- dihang mahibalo mi bahin ani. Dihang tangtangon namo ang content nga supak niini nga mga lagda, butangan pod tingali namog mga limitasyon ang account nga nag-share ani, ug i-disable namo ang mga account nga balikbalik o grabe nga misupak sa among mga palisiya. Gidisenyo ni nga mga palisiya aron protektahan ang tanan diha sa among komunidad, apil ang mga teen.
Apil, pero dili limitado, sa mga content nga bug-os namong tangtangon ang:
Dili namo tugotan ang content nga moabusar o mopahimulos sa mga tawo, sama sa mga post nga nagdasig og seksuwal nga aktibidad nga walay pagtugot, o pag-share o pagpangayo og materyal sa pag-abuso sa bata. Pananglitan, tangtangon namo ang:
❌ Post nga nagtanyag og prostitusyon o paghangyo sa uban nga padalhan silag pornograpiya.
❌ Hulagway sa usa ka tawo nga suod kaayog posisyon o naghimog seksuwal nga buhat, nga gi-share nga wala nila tugoti.
❌ Post nga nagtanyag og nangayog materyal sa pag-abuso sa bata o hulagway sa naghubo nga mga bata.
Dili namo tugotan ang content nga nagdasig, nagdayeg o nag-promote og pagpakamatay, pagpasakit sa kaugalingon o mga problema sa pagkaon, samtang naghatag og kahigayonan sa mga tawo nga isulti ang ilang mga kasinatian ug mangayog suporta. Pananglitan, tangtangon namo ang:
❌ Post nga positibong naghisgot bahin sa pagpakamatay, pagpasakit sa kaugalingon, o mga problema sa pagkaon.
❌ Story nga nagpakita sa grabeng pagpasakit sa kaugalingon.
❌ Komento nga nagyagayaga niadtong naay problemra sa pagkaon.
Dili namo tugotan ang content nga puwedeng magpahinabo og kahimtang diin daghan ang mahadlok o mobating walay labot, apil ang pagpang-bully ug pagpang-harass. Pananglitan, tangtangon namo ang:
❌ Post nga naggamit og makapaubos sa pagkatawo nga mga pulong batok sa mga tawo tungod sa ilang rasa, relihiyon, etnisidad, giila nga gender, o sekswal nga oryentasyon.
❌ Komento nga nagyagayaga sa mga biktima sa sekswal nga pag-atake.
❌ Post nga nanghadlok nga ibutyag ang personal nga impormasyon nga magpaila sa usa ka tawo (sama sa passport number) o naghisgot og pagpang-harass sa usa ka tawo.
Dili namo tugotan ang pagbaligya, pagpalit, o pagpakigbaylo sa mga partikular nga produkto ug serbisyo diha sa among mga platform. Dili pod namo tugotan ang mga tawo nga i-promote sa ang partikular nga mga kalse sa substansiya o mohatag og mga instruksyon kon unsaon ni paggamit. Pananglitan, tangtangon namo ang:
❌ Story nga nagtanyag sa pagpalit, pagbaligya, o pagpakigbaylo sa lainlaing klase sa droga.
❌ Post nga nangita kon asa makapalit, makabaligya, o makigbaylo og tabako, nicotine, o alkohol
❌ Komento nga nagtanyag og 3D-printed nga mga parte sa pusil.
Mohatag mig pipila ka exception para sa tinuod nga mga negosyo nga legal nga nagtanyag sa partikular nga mga klase sa gilitahang mga produkto.
Dili namo tugotan ang grabe ka graphic nga content, o content nga posibleng makahulga sa personal safety, sama sa mga hulga sa pagkabayolente batok sa mga tawo. Pananglitan, tangtangon namo ang:
❌ Post nga nanghulga nga mopatay o mokidnap sa laing tawo, o nagdasig sa uban nga mahimong bayolente.
❌ Graphic nga video nga nagpakita sa usa ka tawo nga grabeng gikulata o gisunog.
Mohatag mig partikular nga mga exception para sa graphic nga content sa mga konteksto sa medikal o dihang gi-share aron mohatag og impormasyon. Kon itugot namo ang graphic nga content, sagad tabonan namo nig warning screen aron ipahibalo sa mga tawo nga sensitibo ang content una nila ni i-click.
Dili namo ipakita ang pagkahubo o seksuwal nga aktibidad apil ang law-ay nga sinultihan. Pananglitan, tangtangon namo ang:
❌ Hulagway o video nga naay pagkahubo o klarong seksuwal nga aktibidad, apil kadtong hinimo sa AI.
❌ Story nga klarong naghulagway og pagpakigsekso (gawas kon kini kataw-anan o usa ka komentaryo).
Nakasabot mi nga pwedeng i-share ang pagkahubo tungod sa daghang rason, puwedeng apil ani ang pagprotesta, paghatag og impormasyon bahin sa usa ka tumong o para sa edukasyon o medikal nga mga rason. Kon haom ug klaro ang maong intensiyon, mag-adjust mi para ini nga content.
Para sa dugang detalye bahin sa content nga among tangtangon, tan-awa ang among mga Tamdanan sa Komunidad.
🛡️ Content nga Dili Namo Irekomenda
Mohatag mig mga rekomendasyon diha sa mga Reel o Explore sa Instagram o diha sa Facebook Feed aron tabangan ang mga tawo nga makita ang bag-ong content nga makapainteres tingali nila. Naa mi mga giya bahin sa klase sa content nga puwedeng irekomenda, ug likayan ang pagrekomenda nga ubos og kalidad, kuwestiyonable, o ilabinang sensitibo—bisan pag dili ra ingon ana ka grabe ang content aron tangtangon. Tungod ni kay para namo kinahanglang naay mas estriktong mga tamdanan dihang magpakitag content gikan sa mga account nga wala nila gi-follow.
⚠️ Dugang Content nga Dili Namo Ipakita sa mga Tin-edyer
Teen: Naa mi dugang proteksiyon para sa mga teen nga wala pay 18. Gawas pa sa among tangtangon para sa tanan, mas daghang content ang among dili ipakita ug maglikay sa pagrekomenda og content sa mga teen nga puwede rang marekomenda ngadto sa mga hamtong. Ang among tumong nga ang mga teen makakita og content sa Instagram ug Facebook nga susama sa unsay makita nila sa haom sa edad nga salida, sa default. Makaakses lamang ang mga teen og ikatulo, mas matugoton nga opsyon - nga gitawag og Dugang Content - kung adunay pagtugot sa ginikanan. Sa Instagram, ang mga teen o ang ilang mga ginikanan makapili nga moapil sa mas restrictive nga opsyon nga gitawag nga Limitado nga Content.
13+ (ang default): Ang 13+ nga opsyon sa content gibase sa mga tamdanan nga rating sa salida nga haom sa 13 anyos pataas ug feedback sa ginikanan, ug naka-on ni sa mga teen ingon nga default. Nakigtinabangay mi uban sa among mga eksperto sa mga batan-on sa tibuok kalibotan aron mas masabtan kon unsang klaseha sa content ang haom tingali sa mga hamtong, pero sobra ra para sa mga wala pay 18 - ug giribyo namo ni nga haom sa edad nga mga giya base sa mga tamdanan sa rating sa salida nga haom sa mga 13 anyos pataas ug feedback sa ginikanan. Niini nga opsyon, among itago ang dugang content gikan sa mga teen gawas pa sa among tangtangon para sa tanan. Sa Facebook, ang opsyon nga 13+ ug ang nalangkit nga mga panalipod gi-roll out sa mga yugto. Ang opsyon sa content nga 13+ maglimita sa mga interaksyon sa mga teen sa mga profile ug Pahina nga pangunang gabahagi og content nga dili nahiangay sa edad. Nagpasabot ni nga bisag maakses gihapon sa mga hamtong kini nga content, dili ni makita o walay mahimong interaksyon niini ang mga teen, bisan pag ibahagi kini sa usa ka account nga ilang gi-follow diha sa ilang Feed o mga Story. Dili pod namo itugot nga makita, ma-follow, ug makahimog interaksyon ang mga teen sa mga account nga pangunang magbahagi og content nga dili haom sa edad.
I-click dinhi aron makita ang pipila ka mga matang sa content nga among matago para sa mga teen sa kini nga opsyon sa default
Among itago ang partikular nga content nga konektado sa pagpakamatay ug pagpasakit sa kaugalingon aron protektahan ang mga tin-edyer gikan sa posibleng makapa-stress o sensitibong materyal. Pananglitan, butangan namog limitasyon sa edad ang:
⚠️ Post diin gihulagway sa usa ka tawo ang kaugalingon nilang persona nga kasinatian sa pagpakamatay, pagpasakit sa kaugalingon o mga problema sa pagkaon, pero sa konteksto sa pagkaayo.
⚠️ Litrato o video nga nagpakita sa mga tawo diha sa ospital nga gipailalom sa euthanasia o gitabangan aron magpakamatay.
⚠️ Story diin naay nag-estorya bahin sa iyang dili maayong paagi sa pagpaubos sa timbang.
Dili namo ipakita sa mga tin-edyer ang content nga puwedeng makaimpluwensiya nila sa paghimog mga aktibidad nga posibleng makadaot. Pananglitan, butangan namog limitasyon sa edad ang:
⚠️ Post nga nagtanyag sa pagbaligya og tabako, mga produkto sa nicotine, alkohol, o pusil dihang gi-share sa tinuod nga mga brick-and-mortar nga negosyo.
⚠️ Story nga nagdasig sa mga tawo nga mogamit og psychedelic nga mga droga (nga nailhan pong entheogens) o mga produkto sa marijuana.
⚠️ Hulagway nga naay mga recipe sa makahubog nga ilimnon.
⚠️ Post nga nagbaligya og mga produkto o serbisyo nga pangpaniwang.
Dili namo ipakita sa mga teen ang kadaghanan sa graphic ug makapa-stress nga hulagway, bisan pag tugotan namo ni uban ang warning screen para sa mga hamtong. Pananglitan, butangan namog limitasyon sa edad ang:
⚠️ Litrato sa nasunog pag-ayo nga tawo, nga tabonan namo uban ang warning screen para sa mga hamtong.
⚠️ Litrato o video sa pagpamusil, pagkabrutal, o makamatay nga aksidente sa sakyanan.
Dili namo ipakita sa mga tinedyer ang dugang content nga wala nagpakita og pagkahubo o seksuwal nga aktibidad pero puwedeng magpasiugda og pagpakigsekso. Pananglitan, butangan namog limitasyon sa edad ang:
⚠️ Post nga halos naghubo na sama sa usa ka babaye nga igo lang gitabonan ug digital overlay.
⚠️ Hulagway sa gi-zoom in sa sampot sa usa ka tawo.
⚠️ Story nga naghulagway sa pagpakigsekso gamit ang law-ay nga mga pulong, apil ang paggamit og mga pasumbingay sa seksyo.
Para sa dugang detalye bahin sa content nga among tangtangon, tan-awa ang among mga Tamdanan sa Komunidad.
Likayan sad namong magrekomenda og mas daghang klase sa content, bisan pag nahiangay ni sa mga tamdanan sa rating sa salida nga haom sa 13 anyos pataas ug feedback sa ginikanan. Daghan sa content nga dili namo irekomenda sa mga hamtong ang dili na gyod makita sa mga teen, pero mas estrikto mi sa mga teen ug dili namo irekomenda ang dugang pang klase sa content - sama sa mga hulagway o video nga puwedeng sabton nga naay seksuwal nga kahulogan, seksuwal nga pagpamalikas, o delikadong mga buhat sama sa pag-ambak gikan sa tag-as kaayo nga mga dapit.
Limitado nga Content: Sa Instagram, para sa mga ginikanan nga gusto og ekstra nga kontrol, nagtagana mi ug bag-o ug mas estrikto nga setting nga gitawag og Limitado nga Content. Dihang i-on ang Limitado nga Content, mas estrikto ang gamiton namo nga mga content filter aron itago ang mas daghang content gikan sa kasinatian sa Account sa Tin-edyer. Limitahan pod namo ang mga resulta sa Pagpangita, ug dili tugotan ang mga tinedyer nga makita o mokomento ang mga post.
Dugang Content: Ang mga teen makabalhin lang sa ‘Dugang Content’ nga setting kon itugot sa ginikanan, nga mahatag lang sa ginikanan gamit ang parental supervision. Niini nga opsyon, makabenepisyo gihapon ang mga teen sa awtomatikong mga proteksyon nga nagtago sa mas daghang content gikan sa mga teen kay sa mga hamtong, ug tangtangon gihapon namo ang content kon supak ni sa among mga Tamdanan sa Komunidad. Bisan pa man, ang mga teen lagmit nga marekomenda sa pipila ka content nga wala pa mag 13+ ug ang mga opsyon kay Limitado nga Content, ug dili namo itago ang mga account nga ibahagi ang angay sa edad nga content.
Disclaimer: Adunay daghang kalainan taliwala sa social media ug mga salida. Wala mi nakigtrabaho uban sa MPA dihang nag-update sa among mga setting sa content, ug wala sila mag-rate og bisan unsang content sa Instagram ug Facebook, ug wala sila nag-endorso o nag-apruba sa among mga opsyon sa content sa bisan unsang paagi. Gibase hinuon namo sa publikong mga giya sa MPA, nga pamilyar nang daan sa mga ginikanan, ingon man ang feedback gikan sa mga ginikanan. Ang among content moderation systems dili parehas sa ratings board sa usa ka salida, mao nga ang kasinatian mahimong dili parehas kaayo.
Kon Unsaon Pag-report sa Misupak nga Content
Naningkamot mi pag-ayo sa pag-ila sa content nga supak sa among mga lagda, ug makita namo nga kadaghanan sa mga content nga among gitangtang aktibong naggamit sa among teknolohiya ayha ni gireport kanamo. Kon makakita kag usa ka butang nga wala namo nakita, tabangi ming himoong mas luwas ang among mga platform pinaagi sa pagreport niini sa Facebook o Instagram. Dili ipaila ang tanang report.
Dugang nga mga Kapanguhaan
Ang among mga Tamdanan sa Komunidad naay mga detalye sa mga klase sa content nga among tangtangon ug limitahan ang edad sa makakita para sa kada parte sa palisiya. Aron basahon kini, i-click dinhi.
Nakahimo pod mi og teknolohiya nga aktibong nag-ila sa posibleng kadudahan nga mga hamtong, kini nga mga hamtong balikbalik nang gi-block o gireport sa mga teen, o kon ang hamtong balikbalik nga mag-search og supak nga content. Dili namo irekomenda ang kadudahang mga adulto ngadto sa mga tin-edyer, ug dili namo irekomenda ang mga tin-edyer ngadto sa kadudahang mga adulto. Puwede nimong basahon dinhi ang dugang bahin ani.
Puwede kang mobasag dugang bahin sa mga paagi nga gitabangan namo ang among komunidad nga magpiling luwas diha sa among Sentro sa Pagkaluwas, ug ang mga paagi nga gisuportahan namo ang mga teen ug pamilya diha sa among Family Center.