Гвалт і заклікі да яго

Падрабязней аб правіле

Прыклады

Даныя

Падрабязней аб правіле

ЖУРНАЛ ЗМЕН

Сёння

27 вер 2024 г.

29 жні 2024 г.

13 жні 2024 г.

2 ліп 2024 г.

25 крас 2024 г.

28 вер 2023 г.

22 вер 2023 г.

26 сту 2023 г.

23 ліс 2022 г.

29 вер 2022 г.

24 лют 2022 г.

24 ліс 2021 г.

28 кас 2021 г.

4 май 2021 г.

8 лют 2021 г.

28 сту 2021 г.

18 ліс 2020 г.

3 вер 2020 г.

26 чэр 2020 г.

28 май 2020 г.

16 сне 2019 г.

30 ліс 2019 г.

29 вер 2019 г.

30 ліп 2019 г.

10 ліп 2019 г.

1 ліп 2019 г.

26 крас 2019 г.

28 сне 2018 г.

15 кас 2018 г.

27 ліп 2018 г.

25 май 2018 г.

Абгрунтаванне правіла

Мы імкнёмся папярэджваць гвалт у рэальным свеце ў сувязі з кантэнтам, апублікаваным на нашых платформах. Мы разумеем, што людзі часта паказваюць пагарду або нязгоду праз пагрозы ці заклікі да гвалту ў несур’ёзнай або выпадковай форме. Пры гэтым мы выдаляем выказванні, якія патэнцыяльна правакуюць гвалт і рэальныя пагрозы грамадскай ці асабістай бяспецы або якія спрыяюць ім. Сюды адносяцца агрэсіўныя выказванні, накіраваныя супраць чалавека ці групы людзей на аснове характарыстык, якія падлягаюць абароне ад дыскрымінацыі, або іміграцыйнага статусу. Мы выдаляем кантэнт, блакіруем акаўнты і супрацоўнічаем з праваахоўнымі органамі, калі лічым, што існуе рэальная рызыка прычынення фізічнай шкоды або непасрэдная пагроза грамадскай бяспецы. Мы імкнёмся прымаць да ўвагі фармуліроўкі і кантэкст, каб адрозніць выпадковыя выказванні ці выказванні для прыцягнення ўвагі супольнасці ад кантэнту, які з’яўляецца рэальнай пагрозай грамадскай бяспецы або бяспецы асобных людзей. Пры вызначэнні праўдападобнасці пагрозы мы таксама можам улічваць дадатковую інфармацыю, напрыклад, наколькі вядомы адпаведны чалавек і ці існуе рызыка для яго асабістай бяспекі.

У некаторых выпадках мы заўважаем гучныя або ўмоўныя пагрозы гвалту, у тым ліку выказванні з надзеяй на здзяйсненне гвалту, накіраваныя на тэрарыстаў ці іншых удзельнікаў гвалтоўных дзеянняў (напрыклад, "Тэрарысты заслугоўваюць смерці", "Спадзяюся, яны заб’юць тэрарыстаў"). Мы не лічым іх праўдападобнымі, паколькі адсутнічаюць канкрэтныя доказы адваротнага.

Кантэнт, які мы выдаляем

Мы выдаляем пагрозы гвалту, накіраваныя на розных суб’ектаў. Пагрозы гвалту — гэта заявы або відарысы, якія ўяўляюць сабою намер ці імкненне здзейсніць гвалт у дачыненні да пэўнага аб’екта або заклік да такога дзеяння. Пагрозы могуць выказвацца па-рознаму, напрыклад у выглядзе заявы аб намеры, адабрэння, выказвання з надзеяй, закліку да дзеяння, матывацыйных ці ўмоўных сцверджанняў.

Мы не забараняем публікаваць пагрозы ў мэтах прыцягнення ўвагі або асуджэння, менш небяспечныя пагрозы ў кантэксце кантактных відаў спорту ці пагрозы, накіраваныя на пэўных людзей, якія здзяйсняюць гвалт, напрыклад на тэрарыстычныя групоўкі.

Універсальныя меры абароны для ўсіх

Мы абараняем усіх ад наступных пагроз:

Пагрозы гвалту, які можа прывесці да смерці (або іншых форм гвалту высокай ступені цяжкасці).

Пагрозы гвалту, які можа прывесці да сур’ёзнай траўмы (гвалту сярэдняй ступені цяжкасці). Мы выдаляем падобныя пагрозы ў дачыненні да публічных асоб і груп людзей, не аб’яднаных характарыстыкамі, якія падлягаюць абароне ад дыскрымінацыі, пры наяўнасці дакладных доказаў. Заявы, накіраваныя на іншыя мэты (у тым ліку групы людзей з характарыстыкамі, якія падлягаюць абароне ад дыскрымінацыі), выдаляюцца ў любым выпадку.

Сцверджанні, якія змяшчаюць прызнанне факта здзяйснення гвалту высокай ці сярэдняй ступені цяжкасці злачынцам або саўдзельнікам (у пісьмовай, вуснай ці візуальнай форме), за выключэннем выпадкаў абагульвання кантэнту аб падобных дзеяннях, учыненых у кантэксце выратавання, самаабароны, адзінаборства (сярэдняй ці меншай ступені цяжкасці) або ўчыненых супрацоўнікамі праваахоўных органаў, узброеных сіл ці службаў дзяржаўнай бяспекі.

Пагрозы ці апісанні паланення або выкрадання, калі відавочна, што такі кантэнт абагульваецца не ахвярай або яе сям’ёй як просьба аб дапамозе, а таксама не з мэтай інфармавання, асуджэння ці павышэння дасведчанасці.

Дадатковыя меры абароны для дарослых прыватных асоб, дзяцей, асоб з групы рызыкі і людзей або груп з характарыстыкамі, якія падлягаюць абароне ад дыскрымінацыі

Апроч універсальнай абароны для ўсіх, мы абараняем ад пагроз гвалту нізкай ступені цяжкасці ўсіх дарослых прыватных асоб (на аснове іх скарг), дзяцей, а таксама асоб або групы, якім пагражаюць у сувязі з іх характарыстыкамі, што падлягаюць абароне ад дыскрымінацыі.

Іншыя віды гвалту

Мы таксама выдаляем:

Кантэнт, які змяшчае запыты на паслугі па ўчыненні гвалту высокай ступені цяжкасці (напрыклад, паслугі наёмных забойцаў і салдат, паслугі па абразанні жаночых палавых органаў), прапановы гэтых паслуг, прызнанне факта іх аказання або апраўданне іх выкарыстання.

Інструкцыі па вырабе або выкарыстанні зброі, калі яўнай мэтай з’яўляецца забойства людзей ці нанясенне ім сур’ёзнага калецтва, альбо фота/відэа, на якіх паказаны або змадэляваны канчатковы вынік, за выключэннем выпадкаў, калі кантэкст паказвае на тое, што кантэнт прызначаны для мэт, не звязаных з гвалтам, такіх як навучальная самаабарона (напрыклад, баявая падрыхтоўка, баявыя мастацтвы) і ваенная падрыхтоўка.

Інструкцыі па вырабе і выкарыстанні выбуховых матэрыялаў, калі адсутнічае кантэкст, які паказвае на тое, што кантэнт прызначаны для мэт, не звязаных з гвалтам, такіх як адпачынак (напрыклад, феерверкі, камерцыйныя відэагульні і рыбалка).

Пагрозы прынясення зброі або гвалтоўнага ўварвання ў такія месцы, як рэлігійныя і навучальныя ўстановы, выбарчыя ўчасткі ці месцы, якія выкарыстоўваюцца для падліку галасоў або правядзення выбараў, ці месцы, дзе існуе часовая павышаная рызыка гвалту.

Пагрозы гвалту, у тым ліку без пэўнага суб’екта, звязаныя з галасаваннем, рэгістрацыяй выбаршчыкаў, правядзеннем выбараў або іх вынікамі.

Праслаўленне гвалту па прыкмеце полу, будзь то гвалт з боку інтымнага партнёра або па матывах гонару.

Нормы супольнасці, для забеспячэння выканання якіх нам патрабуецца дадатковая інфармацыя і/ці кантэкст

Кантэнт, які мы выдаляем

Пагрозы гвалту ў адрас супрацоўнікаў праваахоўных органаў або выбарчых камісій, незалежна ад іх статусу публічнай асобы або дакладнасці пагрозы.

Зашыфраваныя сцверджанні, у якіх выразна не пазначаны спосаб учынення гвалту, але прысутнічае завуаліраваная або няяўная пагроза, пра што сведчыць спалучэнне сігналу пагрозы і кантэкстуальнага сігналу з прыведзенага ніжэй спісу.

Пагроза. Зашыфраванае сцверджанне, напрыклад:

кантэнт, абагулены ў кантэксце дзеянняў у адказ (напрыклад, выказванне жадання прыняць удзел у гвалтоўных дзеяннях супраць іншых асоб у адказ на рэальную, магчымую або чаканую крыўду ці пагрозу);

спасылкі на гістарычныя або выдуманыя выпадкі гвалту (напрыклад, кантэнт, які змяшчае пагрозы ў адрас іншых асоб у форме ўпамінання вядомых гістарычных актаў гвалту, здзейсненых у рэальным мінулым або ў мастацкіх творах);

кантэнт, які ўяўляе сабой пагрозлівы заклік да дзеяння (напрыклад, які запрашае ці падахвочвае іншых асоб учыніць гвалтоўныя дзеянні або далучыцца да ўчынення такіх дзеянняў);

указанне на факт валодання канфідэнцыяльнай інфармацыяй, якая можа прывесці да ўчынення гвалту ў дачыненні да іншых асоб, або раскрыццё такой інфармацыі (напрыклад, кантэнт, у якім упамінаецца ці маецца на ўвазе валоданне асабістай інфармацыяй, што можа зрабіць пагрозу гвалту больш праўдападобнай; сюды адносяцца намёкі на веданне адраса пражывання чалавека, яго месца працы або навучання, маршрутаў штодзённых паездак ці бягучага месцазнаходжання);

Кантэкст:

наяўнасць мясцовага кантэксту або пацвярджэнне экспертамі таго, што адпаведнае сцверджанне можа прывесці да непазбежнага гвалту;

асоба, супраць якой накіраваны кантэнт, або яе ўпаўнаважаны прадстаўнік паскардзіліся на гэты кантэнт нам;

кантэнт накіраваны супраць дзіцяці.

Пагрозы ці заклікі да дзеяння, звязаныя з прынясеннем зброі ў такія месцы, як рэлігійныя і навучальныя ўстановы, выбарчыя ўчасткі або месцы, якія выкарыстоўваюцца для падліку галасоў ці правядзення выбараў, альбо месцы, дзе існуе часовая павышаная рызыка гвалту.

Заявы ці здагадкі аб карупцыі, парушэннях або прадузятасці, звязаныя з выбарамі, у спалучэнні з сігналам пагрозы гвалту (напрыклад, пагрозы прынесці зброю, відарысы зброі, спасылкі на падпалы, крадзяжы, вандалізм), у тым ліку:

Накіраваныя на людзей.

Накіраваныя на пэўны рэгіён (штат або меншую адміністрацыйна-тэрытарыяльную адзінку).

Без пэўнай накіраванасці.

Упамінанні сходаў або мерапрыемстваў, звязаных з выбарамі, у спалучэнні з сігналам пагрозы гвалту (напрыклад, пагрозы прынесці зброю, відарысы зброі, спасылкі на падпалы, крадзяжы, вандалізм).

Пагрозы гвалту высокай або сярэдняй ступені цяжкасці для абароны сябе ці іншага чалавека пры выкананні наступных крытэрыяў:

Супраць чалавека (за выключэннем асоб, якіх можна вызначыць па імені або твары, людзей, што сталі аб’ектамі нападкаў на аснове іх характарыстык, якія падлягаюць абароне ад дыскрымінацыі, і дзяцей).

У кантэксце гвалту падчас пранікнення ў жыллё або міжасабовага гвалту, які суразмерны зваротнаму гвалту і ўяўляе сабою непасрэдную пагрозу.

Патэнцыяльны ўплыў на магчымасць выказаць сваё меркаванне пераважвае рызыку непазбежнага гвалту.

Прыклады

Азнаёмцеся з прыкладамі забеспячэння выканання правіл у дачыненні да кантэнту на Facebook. Напрыклад, вы даведаецеся, як адправіць скаргу на кантэнт, якому, на вашу думку, не месца на Facebook, як мы апавяшчаем вас аб парушэнні вамі Норм супольнасці і як выглядае экран з папярэджаннем, які мы дадаём да пэўнага кантэнту.

Заўвага. Мы пастаянна ўдасканальваем нашы сэрвісы, таму прыведзеныя тут прыклады могуць крыху не адпавядаць таму, што мы выкарыстоўваем бягучым часам.

ПРЫКЛАД

Адпраўка скарг

ПРЫКЛАД

Камунікацыя пасля адпраўкі скаргі

ПРЫКЛАД

Працэс выдалення кантэнту

ПРЫКЛАД

Экраны з папярэджаннем

Даныя

Паглядзець апошнюю Справаздачу па забеспячэнні выканання Норм супольнасці

Забеспячэнне выканання правіл

На Facebook дзейнічаюць аднолькавыя правілы для ўсіх у любой кропцы свету.