Выяўленне аголенага цела і дзеянняў сексуальнага характару дарослых людзей
Падрабязней аб правіле
ЖУРНАЛ ЗМЕН
Сёння
28 жні 2025 г.
26 чэр 2025 г.
14 май 2025 г.
17 вер 2024 г.
29 жні 2024 г.
25 ліп 2024 г.
1 май 2024 г.
29 лют 2024 г.
29 вер 2022 г.
28 крас 2022 г.
23 сне 2021 г.
24 ліс 2021 г.
26 жні 2021 г.
19 ліс 2020 г.
20 сак 2019 г.
15 кас 2018 г.
27 ліп 2018 г.
29 чэр 2018 г.
25 май 2018 г.
Абгрунтаванне правіла
Мы абмяжоўваем паказ аголенага цела або дзеянняў сексуальнага характару, паколькі некаторыя ўдзельнікі нашай супольнасці могуць палічыць такія матэрыялы патэнцыяльна непрымальнымі, у тым ліку з-за свайго культурнага паходжання ці ўзросту.
Мы разумеем, што гэтыя відарысы могуць абагульвацца па розных прычынах, у тым ліку для выказвання пратэсту, павышэння дасведчанасці пра якую-небудзь праблему, а таксама ў адукацыйных і медыцынскіх мэтах. Калі гэта неабходна і такія намеры відавочныя, мы дазваляем абагульванне падобнага кантэнту. Напрыклад, згодна з нашымі правіламі забараняецца размяшчаць відарысы аголеных жаночых грудзей, на якіх ёсць сасок, аднак пры гэтым мы дапускаем абагульванне падобных відарысаў, калі на іх паказаныя акты пратэсту, жанчыны, якія кормяць грудзьмі, або шрамы пасля мастэктаміі (часам дадаецца экран з папярэджаннем аб патэнцыяльна непрымальным кантэнце і ўзроставымі абмежаваннямі). Мы таксама дазваляем фізічныя творы мастацтва, якія змяшчаюць відарысы аголенага цела, напрыклад, фатаграфіі карцін, скульптур і г. д. (часам дадаецца экран з папярэджаннем аб патэнцыяльна непрымальным кантэнце). Мы выдаляем відарысы сексуальнага характару, каб пазбегнуць абагульвання кантэнту без згоды людзей, якія ў ім прысутнічаюць, а таксама кантэнту, у якім прысутнічаюць асобы, якія не дасягнулі дапушчальнага ўзросту.
У адпаведнасці з гэтым правілам мы выдаляем рэальныя фатаграфіі і відэа з выяўленнем аголенага цела і дзеянняў сексуальнага характару, відарысы аголенага цела і дзеянняў сексуальнага характару, згенерыраваныя ШІ або камп’ютарам, а таксама лічбавыя відарысы, незалежна ад таго, выглядаюць яны "фотарэалістычна" (г. зн. падобныя на сапраўднага чалавека) ці не. Апроч гэтага, як адзначалася вышэй, мы робім выключэнне для фізічных твораў мастацтва, а таксама для пэўнага медыцынскага, навучальнага і асветніцкага кантэнту, пра што падрабязна расказваецца ў гэтай палітыцы.
Кантэнт, звязаны з выяўленнем аголенага дзіцячага цела, рэгулюецца Нормамі супольнасці ў дачыненні да сексуальнай эксплуатацыі дзяцей, гвалту над імі і выяўлення аголенага дзіцячага цела.
Кантэнт, забаронены для ўсіх карыстальнікаў
Выяўленне аголенага цела дарослых людзей
- Фотарэалістычныя/лічбавыя відарысы аголенага цела дарослых людзей, на якіх ёсць наступнае:
- Бачныя палавыя органы (нават калі яны схаваныя пад лабковымі валасамі ці лічбавай накладкай).
- Бачныя анусы і/ці паказаныя буйным планам ягадзіцы.
- Бачныя жаночыя саскі, за выключэннем сітуацый, звязаных з грудным выкормліваннем або актамі пратэсту.
- Фотарэалістычныя/лічбавыя відэа, у якіх асноўная ўвага надаецца пахвіне, жаночым грудзям або ягадзіцам, знятыя без ведама чалавека (людзей), паказаных у іх.
- Мы можам дапусціць выяўленне аголенага цела дарослых з пэўнымі абмежаваннямі ў адмысловых выпадках, напрыклад у медыцынскім або аздараўленчым кантэксце. Падрабязнасці прыведзеныя ў наступных раздзелах.
Дзеянні сексуальнага характару дарослых людзей
- Фотарэалістычныя/лічбавыя відарысы дзеянняў сексуальнага характару дарослых людзей, у тым ліку прыведзеных ніжэй.
- Яўныя дзеянні сексуальнага характару або сексуальная стымуляцыя:
- відавочны палавы акт або аральны секс, на што паказвае дакрананне рота ці палавых органаў аднаго чалавека да палавых органаў або ануса іншага чалавека (альбо размяшчэнне палавых органаў на секс-цаццы ці ўнутры яе), калі палавыя органы або анус хаця б аднаго з іх бачныя;
- відавочная стымуляцыя палавых органаў ці ануса чалавека, на што паказвае іх узбуджанасць, або ўвядзенне інтымных цацак у палавыя органы ці анус чалавека, калі пры гэтым непасрэдна бачны кантакт з палавымі органамі або анусам;
- Ускосныя дзеянні сексуальнага характару або сексуальная стымуляцыя:
- палавы акт або аральны секс, які маецца на ўвазе, на што паказвае дакрананне рота ці палавых органаў аднаго чалавека да палавых органаў ці ануса іншага чалавека, калі палавыя органы або анус і/ці пранікненне або дакрананне непасрэдна не бачныя;
- ускосная стымуляцыя палавых органаў ці ануса чалавека, на што паказвае іх узбуджанасць, альбо ўвядзенне інтымных цацак усярэдзіну ці размяшчэнне іх зверху палавых органаў або ануса чалавека, альбо размяшчэнне палавых органаў на секс-цаццы ці ўнутры яе, калі палавыя органы або анус, стымуляцыя, размяшчэнне і/ці ўвядзенне непасрэдна не бачныя;
- непазбежнае дзеянне сексуальнага характару, выяўленае праз позы, якія паказваюць, што неўзабаве адбудзецца кантакт рукі, рота або палавых органаў аднаго чалавека з палавымі органамі ці анусам іншага.
- Іншыя дзеянні сексуальнага характару або сексуальная стымуляцыя:
- эрэкцыя;
- наяўнасць пабочных прадуктаў дзеянняў сексуальнага характару;
- размяшчэнне інтымных цацак каля рота або ў роце;
- стымуляцыя бачных чалавечых саскоў;
- сцісканне жаночых грудзей, а менавіта захопліванне выгнутымі пальцамі, пры якім выразна бачныя ўвагнутасці ад пальцаў і змена формы грудзей (за выключэннем відарысаў сціснутых грудзей у кантэксце груднога выкормлівання).
- Фотарэалістычныя/лічбавыя відарысы або фізічныя творы мастацтва, на якіх паказваюцца фетышы, у тым ліку:
- дзеянні, якія імаверна могуць стаць прычынай гібелі чалавека або жывёліны;
- расчлянёнае цела;
- канібалізм;
- экскрэменты, мачу, пляўкі, соплі, менструацыю або рвоту;
- заафілія;
- інцэст;
- BDSM (звязванне і дысцыпліна, дамінаванне і падпарадкаванне, садызм і мазахізм) — толькі пры наяўнасці сексуальных прыкмет.
- Фотарэалістычныя відарысы, дзе паказваюцца яўныя сексуальныя дзеянні або стымуляцыя ў медыцынскім ці аздараўленчым кантэксце.
- Пашыраныя аўдыязапісы дзеянняў сексуальнага характару.
- Звярніце ўвагу, што з некаторымі абмежаваннямі мы можам дазваляць відарысы дзеянняў сексуальнага характару ў асобных кантэкстах, такіх як медыцына або здароўе. Даведацца больш пра гэта можна ў раздзелах ніжэй.
Кантэнт, які могуць праглядаць толькі людзі ва ўзросце ад 18 гадоў; да кантэнту дадаецца ярлык з папярэджаннем аб тым, што ён можа быць патэнцыяльна непрымальным
- Лічбавыя відарысы і фізічныя творы мастацтва, дзе паказваюцца яўныя сексуальныя дзеянні або стымуляцыя ў медыцынскім ці аздараўленчым кантэксце.
- Фотарэалістычныя/лічбавыя відарысы і фізічныя творы мастацтва, дзе паказваюцца ўскосныя або іншыя сексуальныя дзеянні або стымуляцыя ў медыцынскім ці аздараўленчым кантэксце.
- Фотарэалістычныя/лічбавыя відарысы і фізічныя творы мастацтва, на якіх выяўленыя аголеныя палавыя органы, анус, ягадзіцы буйным планам або жаночыя саскі ў кантэксце аперацый па змене полу.
- Фізічныя творы мастацтва, якія паказваюць бачныя палавыя органы (уключаючы палавыя органы, схаваныя за лічбавай накладкай, зацемненыя або прыкрытыя толькі лабковымі валасамі), бачныя анусы, буйныя планы ягадзіц або бачныя жаночыя саскі, дзе аголенасць выступае асноўным элементам відарыса і не мае дачынення да медыцынскага або аздараўленчага кантэксту.
- Фотарэалістычныя/лічбавыя відарысы, якія змяшчаюць бачныя палавыя органы (уключаючы палавыя органы, схаваныя за лічбавай накладкай, зацемненыя або прыкрытыя толькі лабковымі валасамі), відарысы анусаў, ягадзіц буйным планам або жаночых саскоў, калі такія відарысы апублікаваныя ў кантэксце апісання голаду, генацыду, ваенных злачынстваў або злачынстваў супраць чалавечнасці.
Кантэнт, які могуць праглядаць толькі дарослыя людзі (ва ўзросце ад 18 гадоў)
- Фотарэалістычныя/лічбавыя відарысы амаль аголенага цела, напрыклад прыкрытага толькі лічбавай накладкай, непразрыстым аб’ектам або празрыстым адзеннем (у некаторых выпадках).
- Фотарэалістычныя/лічбавыя відарысы людзей з акцэнтам на пахвіннай вобласці, ягадзіцах або жаночых грудзях;
- Фотарэалістычныя/лічбавыя відарысы або фізічныя творы мастацтва, на якіх паказаныя яўныя, ускосныя ці іншыя сексуальныя паводзіны або стымуляцыя, калі бачныя толькі формы або контуры цела.
- Фізічныя творы мастацтва, у прыватнасці:
- відарысы сексуальных дзеянняў або стымуляцыі (ускосных, яўных ці іншых), акрамя выпадкаў, калі яны апублікаваныя ў медыцынскім ці аздараўленчым кантэксце;
- відарысы сцэн заафіліі, калі яны абагульваюцца ў нейтральным кантэксце або дзеля асуджэння, а прадстаўленыя на іх людзі ці жывёлы выдуманыя.
- Фотарэалістычныя відарысы, якія прызнаны выдуманымі і дзе паказваюцца ўскосныя або іншыя сексуальныя паводзіны ці стымуляцыя.
- Фотарэалістычныя/лічбавыя відарысы і фізічныя творы мастацтва, дзе паказваюцца:
- дзеянні сексуальнага характару, такія як пацалункі з бачным языком і сексуальныя або эратычныя танцы;
- людзі, якія імітуюць дзеянні сексуальнага характару;
- жэсты, якая азначаюць палавыя органы, мастурбацыю, аральны секс або палавы акт;
- лагатыпы, скрыншоты або відэакліпы вядомых парнаграфічных вэб-сайтаў.
- Кантэнт, які змяшчае аўдыязапісы дзеянняў сексуальнага характару.
Кантэнт, да якога дадаецца ярлык з папярэджаннем аб тым, што ўбачанае можа быць патэнцыяльна непрымальным
- Фотарэалістычныя/лічбавыя відарысы і фізічныя творы мастацтва, дзе паказваюцца:
- бачныя палавыя органы (уключаючы палавыя органы, схаваныя за лічбавай накладкай, зацемненыя або прыкрытыя толькі лабковымі валасамі), буйныя планы бачных ягадзіц або бачныя анусы ў медыцынскім або аздараўленчым кантэксце, напрыклад:
- моманты родаў і пасля іх;
- абследаванне сябе на прадмет раку і іншых захворванняў.
- Бачныя жаночыя саскі, абагуленыя ў медыцынскім або аздараўленчым кантэксце (уключаючы мастэктамію або татуіроўкі ў тых, хто перажыў рак).
Нормы супольнасці, для забеспячэння выканання якіх нам патрабуецца дадатковая інфармацыя і/ці кантэкст
- У пэўных выпадках мы будзем дазваляць (дадаўшы адпаведны ярлык) для карыстальнікаў ва ўзросце ад 18 гадоў кантэнт, які пры іншых абставінах мог бы парушыць Нормы супольнасці, калі вызначым, што такі кантэнт мае сатырычны характар. Кантэнт будзе дазволены, толькі калі яго элементы, якія парушаюць правілы, з’яўляюцца прадметам сатыры або прыпісваюцца якому-небудзь чалавеку ці аб’екту для іх высмейвання або крытыкі.
Прыклады
Азнаёмцеся з прыкладамі забеспячэння выканання правіл у дачыненні да кантэнту на Facebook. Напрыклад, вы даведаецеся, як адправіць скаргу на кантэнт, якому, на вашу думку, не месца на Facebook, як мы апавяшчаем вас аб парушэнні вамі Норм супольнасці і як выглядае экран з папярэджаннем, які мы дадаём да пэўнага кантэнту.
Заўвага. Мы пастаянна ўдасканальваем нашы сэрвісы, таму прыведзеныя тут прыклады могуць крыху не адпавядаць таму, што мы выкарыстоўваем бягучым часам.
ПРЫКЛАД
Адпраўка скарг
ПРЫКЛАД
Камунікацыя пасля адпраўкі скаргі
ПРЫКЛАД
Працэс выдалення кантэнту
ПРЫКЛАД
Экраны з папярэджаннем
Даныя
Паглядзець апошнюю Справаздачу па забеспячэнні выканання Норм супольнасці
Забеспячэнне выканання правіл
На Facebook дзейнічаюць аднолькавыя правілы для ўсіх у любой кропцы свету.
Спецыялісты па праверцы кантэнту
Наша міжнародная каманда з больш як 15 000 спецыялістаў штодзень працуе, каб захоўваць бяспеку карыстальнікаў Facebook.
Супольная праца з зацікаўленымі бакамі
Староннія эксперты, вучоныя, няўрадавыя арганізацыі і распрацоўшчыкі палітык дапамагаюць вызначаць Нормы супольнасці Facebook.
Атрымайце дапамогу ў сувязі з выяўленнем аголенага цела і дзеянняў сексуальнага характару дарослых людзей
Даведайцеся, што можна зрабіць, калі вы бачыце на Facebook нешта, што парушае Нормы супольнасці.
Наведаць наш Цэнтр дапамогі