İntihar, özünəxəsarət və qidalanma pozuntuları

Siyasətin təfərrüatları

İstifadəçi təcrübələri

Mobil data

Siyasətin təfərrüatları

DƏYİŞİKLİK JURNALI

Bu gün

27 Fev 2026

15 May 2025

3 Okt 2024

26 İyul 2024

3 İyul 2024

2 May 2024

30 Dekabr 2023

29 Apr 2022

1 Okt 2021

5 May 2020

18 Dekabr 2020

19 Noyabr 2020

31 İyul 2020

2 İyul 2019

27 Apr 2019

21 Mart 2019

1 Sent 2018

Siyasətin Əsaslandırılması

Biz tətbiqlərimizdən istifadə edən insanların təhlükəsizliyinə böyük önəm veririk. Biz siyasətlərimizi formalaşdırmaq və onlara riayət edilməsini təmin etmək məqsədilə müntəzəm olaraq intihar, özünəxəsarət və qidalanma pozuntuları sahəsinin mütəxəssisləri ilə məsləhətləşir, çətin vəziyyətdə olan insanları yardımla təmin etmək üçün bütün dünyada təşkilatlarla əməkdaşlıq edirik.

İnsanlara bilərəkdən və ya bilməyərəkdən intihar, özünəxəsarət və ya qidalanma pozuntularını tərənnüm və ya təşviq etməyə icazə verməsək də, xidmətlərimizin insanların təcrübələrini bölüşə, bu məsələlər haqqında məlumatlılığı yüksəldə, bir-birlərindən dəstək istəyə bildikləri yer olmasını istədiyimiz üçün bu mövzuların müzakirəsinə icazə veririk. Bundan başqa, bu məzmunu yalnız 18 yaşdan böyük olan yetkinlik yaşına çatmış insanların görməsi üçün ona baxış imkanını məhdudlaşdıra bilərik.

İntihar, özünəxəsarət və ya qidalanma pozuntularını təşviq edən hər hansı məzmunu, o cümlədən memlər və illüstrasiyalar kimi təxəyyül məhsulu olan məzmunu, kontekstindən asılı olmayaraq, hər hansı aşkar özünəxəsarət görüntüsünü silirik. Həddən artıq çəki itkisi davranışı üçün təlimatlar ehtiva edən məzmunu silirik. Həmçinin intihar, özünəxəsarət və ya qidalanma pozuntularının qurbanlarını və ya zərərçəkmişləri lağa qoyan, eləcə də intihar və ya özünəxəsarətin real vaxtda təsvirlərini silirik. İntihar cəhdi, özünəxəsarət və ya qidalanma pozuntularından sonra sağalma haqqında məzmunun paylaşılmasına icazə verilir, lakin bu məzmun insanları məyus edə biləcək (sağalmış yara yeri kimi) görüntüləri əhatə edə biləcəyindən həssaslıq ekranı ilə örtülür. Məzmuna baxmaq imkanını yaşı 18 və daha yuxarı olan şəxslərlə məhdudlaşdırırıq.

İnsanlar intihar, özünəxəsarət və ya qidalanma pozuntuları ilə əlaqəli məzmunu paylaşdıqda və ya axtardıqda onları dəstək ala biləcəkləri yerli təşkilatlara yönləndirəcəyik. İcma ilə iş komandamız təxirəsalınmaz zərər təhlükəsindən narahat olduqda, yardımın təmin edilməsi üçün yerli qəza-xilasetmə xidmətləri ilə əlaqə saxlayacağıq. Ətraflı məlumat üçün >MetaTəhlükəsizlik Mərkəzinədaxil olun.

Canlı yayımlara gəldikdə, ekspertlər hər hansı şəxs canlı yayımda intihara cəhd etmək niyyəti haqqında danışdıqda yayımı mümkün qədər uzun müddət davam etdirməli olduğumuzu bildirir. Belə ki, sözügedən şəxs kamera qarşısında nə qədər çox danışarsa, dostlarının və ya ailə üzvlərinin qəza-xilasetmə xidmətlərinə zəng etmək imkanı bir o qədər çox olacaq. Lakin başqalarının bu məzmunu izləyərək mənfi təsirə məruz qalması riskini mümkün qədər azaltmaq üçün təhdidin cəhdə çevrildiyi məqamda canlı yayımı dayandıracağıq. Yuxarıda qeyd edildiyi kimi, hər hansı şəxsin bilavasitə özünəxəsarət riski ilə üz-üzə olduğunu müəyyən etdikdə istənilən halda qəza-xilasetmə xidmətləri ilə əlaqə saxlayacağıq.

Aşağıdakılara icazə vermirik:

İntihar, özünəxəsarət və ya qidalanma pozuntuları barədə təlimatların təbliğ, təşviq, təşkil və ya təqdim edildiyi məzmun.

Ağır intihar, özünəxəsarət və ya qidalanma pozuntularının təsvir edildiyi məzmun

İntihara cəhd edən və ya intihar etmiş şəxsin təsvir edildiyi məzmun

İnsanların qidalanma pozuntuları ilə əlaqədirilən ifadələrlə birlikdə paylaşılmış təsviri

Qidalanma pozuntuları ilə əlaqələndirilən ifadələrlə birlikdə paylaşıldıqda qabırğa, körpücük sümükləri, budlar arasındakı aralıq, ombalar, çökük qarın, çıxıntılı onurğa sümüyü, kürək nahiyəsi, qollarda və ya ayaqlarda görünən sümüklər və ya içi boş yanaqların təsvirinə yönəlmiş məzmun

Həddən artıq çəki itkisi davranışı üçün təlimatlar ehtiva edən məzmun

Qidalanma pozuntuları ilə əlaqədirilən ifadələrlə birlikdə paylaşıldıqda həddən artıq çəki itkisi davranışını qəbul edən məzmun

Qidalanma pozuntuları ilə əlaqələndirilən ifadələrlə birlikdə paylaşıldıqda məhdudlaşdırıcı pəhriz təlimatları ehtiva edən məzmun

İntihar və ya özünəxəsarət təcrübəsi yaşadıqları ictimaiyyətə məlum olan və ya ehtimal edilən intihar, özünəxəsarət və ya qidalanma pozuntusu qurbanlarını və ya zərərçəkənləri lağa qoyan məzmun

İntihar və ya özünəxəsarət kontekstində paylaşıldığı halda bədənə edilən dəyişiklikləri (məs., tatu, pirsinq, dəridə kəsiklər, özünü incitmə və s.) əks etdirən təsvirlər

Aşağıdakı məzmunlara insanları məzmunun həssas ola biləcəyi haqqında məlumatlandırmaq üçün xəbərdarlıq ekranı əlavə edirik. Bundan başqa, bu məzmunu yalnız 18 yaşdan böyük olan yetkinlik yaşına çatmış insanların görməsi üçün ona baxış imkanını məhdudlaşdırırıq:

Tibb müəssisələrində hər hansı şəxsin evtanaziya/yardımla intihar halını təsvir edən foto və ya videolar.

Keçmiş özünəxəsarət hallarının sağalan kəsik yarası kimi nəticələrini təsvir edən məzmun və ya özünəxəsarət, intihar və ya sağalma kontekstində digər aşkar görüntülərin olmadığı şəkillər

Sağalma kontekstində qabırğa sümükləri, körpücük sümükləri, budlar arasındakı aralıq, ombalar, çökük qarın, çıxıntılı onurğa sütunu, kürək nahiyəsi, qol və ya ayaqlarda görünən sümüklər, içi boş yanaqların təsviri

Aşağıdakı məzmunla bağlı olaraq insanlar üçün resurslar təmin edir, baxış imkanını yetkinlik yaşına çatmış və 18 yaşı tamam olmuş şəxslərlə məhdudlaşdırırıq:

İntihar, özünəxəsarət və ya qidalanma pozuntularının yazılı və ya şifahi qəbulu.

İntihar və ya özünəxəsarət kontekstində qeyri-müəyyən, potensial intihar niyyəti sezilən bəyanat və ya sitatlar (kədərli əhvali-ruhiyyə, depressiya haqqında olan, ölümü çıxış yolu kimi təsvir edən memlər və ya hazır şəkillər, yaxud qaranlıq, depressiv düşüncələri vurğulayan məşhur mədəniyyətə dair məzmun daxil olmaqla).

Aşağıdakı məzmuna baxış imkanını yetkinlik yaşına çatmış və 18 yaşı tamam olmuş şəxslərlə məhdudlaşdırırıq:

İntihar, özünəxəsarət və ya qidalanma pozuntuları anlayışının lağa qoyulması və ya onlara etinasız yanaşma

Hərəkət və ya nəticəsinin adını qeyd etmək və ya adını çəkməkdən daha çoxundan ibarət olan təfərrüatlarla intiharı təsvir edən mətnlər

Həddən artıq çəki itkisi davranışının qəbulu

Aşağıdakı İcma standartlarına uyğunluğu təmin etmək üçün əlavə məlumat və/yaxud kontekst tələb edirik:

İntihar və ya intihara cəhd təsdiq edildikdə intihar qeydlərini silə bilərik. Biz intihar qeydlərini aşağıdakılar kimi bir sıra amillərin əsasında müəyyən etməyə çalışırıq:

Ailə üzvü və ya qanuni nümayəndənin sorğuları,

KİV, hüquq-mühafizə orqanları və ya üçüncü tərəf hesab olunan mənbələrin (məsələn, dövlət orqanları, QHT-lər) məlumatları, yaxud İntihar niyyətli məzmunla bağlı əlaqə forması və ya Instagram əlaqə forması.

İstifadəçinin platformadan kənarda intihar, özünə xəsarət yetirmə, qidalanma pozuntuları və ya ekstrim çəki itkisi davranışlarının təşviq etməsini qəbul etməsi barədə siqnalları onlar tərəfindən paylaşılan məzmunun Meta platformasındakı istifadəçilər üçün riskli olub-olmadığını qiymətləndirmək üçün nəzərə alara bilərik.