প্ৰাপ্তবয়স্কৰ যৌন আগ্ৰহ আৰু যৌনতাপূৰ্ণ ভাষা

নীতিৰ সবিশেষ
ব্যৱহাৰকাৰীৰ অভিজ্ঞতাসমূহ

নীতিৰ সবিশেষ

সালসলনিৰ সাৰণি
নীতিৰ যুক্তিযুক্ততা
প্ৰাপ্তবয়স্কৰ যৌন শোষণ নীতিত উল্লেখ কৰা অনুসৰি, মানুহে যৌন হিংসা আৰু শোষণৰ বিষয়ে আলোচনা কৰিবলৈ আৰু মনোযোগ আকৰ্ষণ কৰিবলৈ আমাৰ সেৱাসমূহ ব্যৱহাৰ কৰে। আমি এই আলোচনাৰ গুৰুত্ব স্বীকাৰ কৰোঁ আৰু অনুমতি দিওঁ। আমি যৌনকৰ্মীৰ অধিকাৰৰ পোষকতা কৰাৰ লগতে যৌন কৰ্ম নিয়ন্ত্ৰণৰ বিষয়েও আলোচনাৰ অনুমতি দিওঁ। অৱশ্যে, সমলবোৰে প্ৰাপ্তবয়স্কৰ মাজত যৌন মিলন বা বাণিজ্যিক যৌন সেৱাৰ সুবিধা কৰি দিলে বা সমলে পৰ্ন’গ্ৰাফিক বা যৌনগন্ধী সমল বিচাৰিলে বা প্ৰদান কৰিলে, আমি সেয়া সীমিত কৰোঁ। সৰবৰাহ, বলপূৰ্বক আৰু অসন্মতিপূৰ্ণ যৌন কাৰ্যত লিপ্ত হ’ব পৰা লেনদেনৰ সুবিধা দিয়া বন্ধ কৰিবলৈ আমি এয়া কৰোঁ।
আমি যৌনগন্ধী ভাষাও সীমিত কৰোঁ যাৰ ফলত যৌন আগ্ৰহ গঢ়িব পাৰে কিয়নো আমাৰ বিশ্বজনীন সম্প্ৰদায়ৰ কিছুমান দৰ্শক এই ধৰণৰ সমলৰ প্ৰতি সংবেদনশীল হ’ব পাৰে আৰু ই লোকসকলক তেওঁলোকৰ বন্ধু আৰু বিস্তৃত সম্প্ৰদায়ৰ সৈতে সংযোগ স্থাপন কৰাৰ সামৰ্থ্যত বাধা দিব পাৰে।
আমি এইসমূহৰ অনুমতি নিদিওঁ:
এনেকুৱা সমল যিয়ে বেশ্যাবৃত্তিৰ কাৰণে সম্পৰ্ক কৰাৰ উপায় প্ৰদান কৰে, সেই বিষয়ে সোধে বা সেয়া উপলব্ধ কৰায়, যিবোৰ পইচা বা কোনো মূল্যৱান বস্তুৰ সলনি যৌন সম্পৰ্ক স্থাপন কৰাৰ বাবে নিজকে প্ৰস্তুত কৰা বা সোধাৰ ধৰণে পৰিভাষিত কৰা হয়:
  • যৌন সম্পৰ্ক স্থাপন কৰাৰ প্ৰস্তাৱ দিয়া বা সেয়া বিচৰা (উদাহৰণস্বৰূপে, এস্ক’ৰ্ট সেৱা, যৌন/কামোত্তেজক মালিচ, যৌন চাট/কথা-বাৰ্তা, ফেটিছ/আধিপত্য সেৱা)
  • বেশ্যাবৃত্তিৰ কাৰণে অপশব্দৰ ব্যৱহাৰ কৰা, উপলব্ধতা, মূল্য বা পইচা বা কোনো মূল্যৱান বস্তু, স্থান বা যোগাযোগৰ তথ্যৰ বাবে লেনদেনৰ কোনো সংকেতৰ বিষয়ে সোধা বা সেয়া প্ৰদান কৰা
  • কোনো মূল্য বা পইচা বা কোনো মূল্যৱান বস্তুৰ লেনদেনৰ কোনো সংকেতৰ সৈতে যৌন আগ্ৰহত লিপ্ত হোৱা
  • যৌন সম্পৰ্ক বা অংশীদাৰৰ মূল্য বা আৰ্থিক বা বস্তুগত লেনদেনৰ কোনো সংকেতৰ সৈতে চিত্ৰায়ন বা উল্লেখ কৰা।
  • তৃতীয় পক্ষৰ ব্যৱসায়িক যৌন কাৰ্যৰ কাৰণে অন্য লোকক ভৰ্তি কৰা বা তেওঁলোকক প্ৰস্তাৱ দিয়াটো মানৱ শোষণৰ নীতিৰ অন্তৰ্গত।
এনেকুৱা সমল যিয়ে যৌন সম্পৰ্ক স্থাপনৰ কাৰণে সম্পৰ্কৰ উপায় আগবঢ়াই, বিচাৰি বা উপলব্ধ কৰাই যৌন আগ্ৰহত লিপ্ত হয়:
  • যৌন সম্ভোগ বা উত্তেজনা
  • মুখ মৈথুন
  • যৌনগন্ধী ফেটিশ্ব
  • যৌন চাট বা কথা-বাৰ্তা
  • যৌনগন্ধী বা কামোদ্দীপক মাচাজ
  • কামোদ্দীপক নৃত্য বা ষ্ট্ৰপিং
  • নগ্ন ছবি ভাগ-বতৰা কৰা (যেনে- নগ্নতা, যৌনগন্ধী ভিডিঅ’)
এনেকুৱা সমল যিয়ে অশ্লীল সামগ্ৰী লাভ কৰাৰ বাবে যোগাযোগৰ উপায় বিচাৰে, আগবঢ়ায় বা প্ৰদান কৰে বা য’ত অশ্লীল ৱেবছাইটৰ ব্যৱহাৰকাৰীৰ নাম বা লিংক অন্তৰ্ভুক্ত।
যৌনতাপূৰ্ণ ভাষা যি এইসমূহৰ বিষয়ে অশ্লীল বা গ্ৰাফিকৰ সূক্ষ্মতা ব্যৱহাৰ কৰে:
  • যৌনাংগ,
  • যৌন উত্তেজনাৰ স্থিতি (যেনে: তিতা বা লিংগ উত্থান)
  • যৌন সম্পৰ্ক স্থাপন
  • ওপৰৰখিনিত হাস্যৰসাত্মক, ব্যংগাত্মক প্ৰসংগ বা যৌনগন্ধী গালি হিচাপে ভাগ-বতৰা কৰা সমল অন্তৰ্ভুক্ত নহয়
যেতিয়া নিন্দা কৰা, শৈক্ষিক, সজাগতা বৃদ্ধি বা বাতৰিৰ প্ৰতিবেদনৰ প্ৰসংগত প’ষ্ট কৰা হয়, আমি এনে সমলৰ অনুমতি দিওঁ যিবোৰ অন্যথা এই নীতিৰ অন্তৰ্ভুক্ত। আমি নীতি অনুসৰি যৌন প্ৰথাৰ ওপৰত চৰ্চা কৰাৰ ওপৰতো প্ৰতিবন্ধকতা আৰোপ নকৰোঁ। অৱশ্যে, স্বাস্থ্য আৰু কল্যাণ নীতি অনুসৰি এয়া 18 বছৰতকৈ অধিক বয়সৰ লোকৰ মাজতে সীমিত কৰিব পৰা যাব, যাতে নাবালকৰ বাবে বয়স-উপযুক্ত অভিজ্ঞতা উপলব্ধ কৰাব পৰা যায়।
নিম্নোল্লিখিত সমলটোৰ বাবে আমি সমলটো 18 বছৰ আৰু তাতকৈ বেছি বয়সৰ প্ৰাপ্তবয়স্ক লোকে চাব পৰাকৈ সীমিত কৰোঁ:
  • যৌনগন্ধী কাৰ্যকলাপ বা অভিজ্ঞতাৰ আলোচনা কৰা সমল
  • প্ৰাপ্তবয়স্কৰ গ্ৰাহকভুক্তিৰ ৱেবছাইটৰ ব্যৱহাৰকাৰীৰ নাম, লিংক বা ল’গ’ থকা সমল
  • হাস্যৰসাত্মক বা ব্যাংগাত্মক প্ৰসংগত যৌনতাপূৰ্ণ ভাষা, য’ত যৌনগন্ধী উপমাও অন্তৰ্ভুক্ত
  • যৌন ইংগিতপূৰ্ণ ভাষা, যিয়ে যৌন সম্পৰ্ক স্থাপনক বুজায়
নিম্নোল্লিখিত সামূহিক মান্যতাসমূহৰ বাবে আমাক এয়া বলৱৎ কৰিবলৈ অতিৰিক্ত তথ্য আৰু/বা প্ৰসংগৰ প্ৰয়োজন:
  • কিছুমান ক্ষেত্ৰত, সমলটো ব্যংগাত্মক বুলি নিৰ্ধাৰণ কৰা হ’লে হয়তো সামূহিক মান্যতা উলংঘা কৰিব পৰা সমলক আমি অনুমতি দিম। সমলটোৰ নিয়ম উলংঘনকাৰী উপাদানবোৰ কোনো বস্তু বা লোকক ব্যংগ বা সমালোচনা কৰিবলৈ সেইটোত উপহাসিত অথবা আৰোপিত হ’লেহে সমলৰ অনুমতি দিয়া হ’ব।
ব্যৱহাৰকাৰীৰ অভিজ্ঞতাসমূহ
Facebook-ত লোকসকলে বলৱৎকৰণ কেনে দেখে তাৰ কেইটামান উদাহৰণ চাওক, যেনে: আপুনি Facebook-ত থাকিব নালাগে বুলি ভবা কিবা সমলৰ অভিযোগ কৰিলে, আপুনি আমাৰ সামূহিক মান্যতাসমূহ উলংঘন কৰিছে বুলি ক’লে আৰু কিছুমান সমলৰ ওপৰত সকীয়নি স্ক্ৰীণ দেখিলে সেয়া কেনেকুৱা দেখি।
টোকা: আমি সদায় উন্নত কৰি আছোঁ, গতিকে আপুনি ইয়াত যি দেখা পায় সেয়া আমি বৰ্তমান যি ব্যৱহাৰ কৰি আছোঁ তাৰ তুলনাত অলপ পুৰণি হ’ব পাৰে।
ব্যৱহাৰকাৰীৰ অভিজ্ঞতা
অভিযোগকৰণ
ব্যৱহাৰকাৰীৰ অভিজ্ঞতা
অভিযোগ দিয়াৰ পাছত কৰা যোগাযোগ
ব্যৱহাৰকাৰীৰ অভিজ্ঞতা
টেকডাউনৰ অভিজ্ঞতা
ব্যৱহাৰকাৰীৰ অভিজ্ঞতা
সকীয়নি স্ক্ৰীণ
বলৱৎকৰণ
Facebook-ত আমাৰ সমগ্ৰ বিশ্বত সকলোৰে বাবে একেই নীতি আছে।
পুনৰীক্ষণ দল
15,000-তকৈও অধিক পৰ্যালোচকেৰে গঠিত আমাৰ গোলকীয় দলটোৱে Facebook-ত লোকসকলক সুৰক্ষিত কৰি ৰাখিবলৈ সদায় কাম কৰে।
ষ্টেকহ’ল্ডাৰৰ লিপ্ততা
বাহিৰৰ বিশেষজ্ঞ, শিক্ষাবিদ, এনজিঅ’ আৰু নীতি নিৰ্মাতাই Facebook-ৰ সামূহিক মান্যতাসমূহৰ বিষয়ে জনোৱাত সহায় কৰে।
প্ৰাপ্তবয়স্কৰ যৌন আগ্ৰহ আৰু যৌনতাপূৰ্ণ ভাষাৰ ক্ষেত্ৰত সহায় লওক
Facebook-ত আমাৰ সামূহিক মান্যতাসমূহৰ বিৰুদ্ধে যোৱা কিবা এটা দেখিলে আপুনি কি কৰিব পাৰে জানি লওক।
আমাৰ সহায় কেন্দ্ৰ চাওক