শিশুৰ যৌন শোষণ
শিশুৰ যৌন শোষণ কৰাৰ ভাবুকি দিয়া, বৰ্ণনা কৰা, প্ৰশংসা কৰা, সমৰ্থন কৰা, নিৰ্দেশনা দিয়া, উদ্দেশ্যৰ বিবৃতি দিয়া, অংশগ্ৰহণ স্বীকাৰ কৰা বা লিংক ভাগ-বতৰা কৰা সমল, কাৰ্যকলাপ বা ভাব-বিনিময় (য’ত প্ৰকৃত নাবালক, শিশু বা কেঁচুৱা বা মানুহ সদৃশ অবাস্তৱ চিত্ৰণ অন্তৰ্ভুক্ত, যেনে - শিল্পত, এআইৰ দ্বাৰা সৃষ্টি কৰা সমলত, কাল্পনিক চৰিত্ৰত, পুতলাত ইত্যাদি)। ইয়াত অন্তৰ্ভুক্ত হয় কিন্তু ইয়াৰ মাজতে সীমাবদ্ধ নহয়:
যৌন সম্ভোগ
স্পষ্ট যৌন সম্ভোগ বা মুখেৰে কৰা যৌন সম্ভোগ, যাক মুখ বা যৌনাংগ সুমোৱা বুলি সংজ্ঞায়িত কৰা হয় অথবা য’ত অতি কমেও এজন ব্যক্তিৰ যৌনাংগ বা মলদ্বাৰ দেখা হৈ থকা অৱস্থাত আন এজন ব্যক্তিৰ যৌনাংগ বা মলদ্বাৰৰ সংস্পৰ্শলৈ আহে।
নিকট বা পোনপটীয়াকৈ দৃশ্যমান নোহোৱা সম্পৰ্ককে ধৰি অন্তৰ্নিহিত যৌন সম্ভোগ বা মুখেৰে কৰা যৌন সম্ভোগ।
নিকট বা পোনপটীয়াকৈ দৃশ্যমান নোহোৱা কাৰ্যকলাপকে ধৰি যৌনাংগ বা মলদ্বাৰৰ উদ্দীপনা।
ওপৰোক্ত কোনোটোৱে কোনো জন্তুক জড়িত কৰোৱা।
যৌন উপাদান থকা শিশু, য’ত এয়া অন্তৰ্ভুক্ত কিন্তু সেয়া তাতে সীমিত নহয:
সংযম
কামোত্তেজনাৰ ইংগিত
যৌনাংগ বা মলদ্বাৰৰ ওপৰত গুৰুত্ব
কামোত্তেজিত প্ৰাপ্তবয়স্কৰ উপস্থিতি
যৌন ক্ৰিয়াত ব্যৱহৃত পুতলাৰ উপস্থিতি বা যৌন উদ্দীপনা, সন্তুষ্টি বা যৌন অপব্যৱহাৰৰ বাবে যিকোনো বস্তুৰ ব্যৱহাৰ
কামুক ৰহণ থকা পোছাক
ষ্ট্ৰিপিং
মঞ্চস্থ পৰিৱেশ (উদাহৰণস্বৰূপে, এখন বিচনাত) বা পেছাদাৰীভাৱে চিত্ৰায়ন কৰা (গুণগত মান/ফ’কাছ/এংগল)
খোলা মুখৰ চুম্বন
মানৱ স্তনবৃন্তৰ উদ্দীপনা বা মহিলাৰ স্তনত হেঁচা দিয়া (স্তনপান কৰাই থকা প্ৰসংগৰ বাহিৰে)
যৌন কাৰ্যকলাপৰ উপ-সামগ্ৰীৰ উপস্থিতি
যৌন ফেটিছৰ প্ৰসংগত শিশু জড়িত হৈ থকা সমল
যদিহে স্বাস্থ্যৰ প্ৰসংগত নিৰপেক্ষভাৱে আলোচনা কৰা নহয়, পিড’ফিলিয়াত অংশগ্ৰহণ কৰাটোক সমৰ্থন, প্ৰচাৰ, ওকালতি বা উদ্গনি দিয়া সমল
শিশু যৌন শোষণৰ অভিযুক্ত ভুক্তভোগীসকলক নাম বা ছবিৰ দ্বাৰা চিনাক্ত অথবা উপহাস কৰা সমল
অনুৰোধ
শিশুক চিত্ৰিত বা জড়িত কৰা যৌন সমল অথবা কাৰ্যকলাপৰ অনুৰোধ কৰা সমল, এনেদৰে সংজ্ঞায়িত কৰা হৈছে:
শিশুৰ যৌন উৎপীড়নত ব্যৱহৃত সামগ্ৰী (চিএছএএম)
বাস্তৱ বা অবাস্তৱ শিশুৰ নগ্ন ছবি
বাস্তৱ বা অবাস্তৱ শিশুৰ যৌনতাপূৰ্ণ ছবি
শিশুৰ সৈতে অনুচিত বাৰ্তালাপ
শিশুৰ সৈতে অনুচিত বাৰ্তালাপ গঢ়ি তোলা বা সহজ কৰা সমল, যেনে:
শিশুৰ সৈতে যৌন মিলনৰ ব্যৱস্থা কৰা বা পৰিকল্পনা কৰাৰ অনুৰোধ কৰা
যৌন সম্পৰ্কীয় কথোপকথনৰ জৰিয়তে বা শিশুক বা শিশুৰ পৰা যৌন সামগ্ৰী আগবঢ়োৱা, প্ৰদৰ্শন কৰা, লাভ কৰা বা অনুৰোধ কৰা, উদ্দেশ্যপ্ৰণোদিতভাৱে প্ৰকাশৰ জৰিয়তে বা ব্যক্তিগত বাৰ্তাৰ জৰিয়তে শিশুসকলক যৌন কাৰ্যকলাপত লিপ্ত হ’বলৈ প্ৰলোভিত কৰা
শিশুৰ সৈতে ব্যক্তিগত বাৰ্তাত ইংগিতপূৰ্ণভাৱে যৌন কথা-বাৰ্তাত লিপ্ত হোৱা
ব্যক্তিগত বাৰ্তাত শিশুৰ পৰা যৌন সামগ্ৰী লাভ কৰা বা অনুৰোধ কৰা
শোষণমূলক অন্তৰংগ ছবি আৰু যৌন নিৰ্যাতন
বাস্তৱ শিশুক শোষণ কৰিবলৈ চেষ্টা কৰা সমল:
অন্তৰংগ ছবি বা তথ্য উন্মোচন কৰিবলৈ ভাবুকি প্ৰদান কৰি ধন দাবী কৰা, অনুগ্ৰহ কৰা, বা অন্তৰংগ ছবি দিবলৈ বাধ্য কৰা।
ব্যক্তিগত যৌন কথোপকথন বা বাস্তৱ বা অ-প্ৰকৃত অন্তৰংগ ছবি ভাগ-বতৰা কৰা, ভাবুকি দিয়া, বা উল্লেখ কৰা
শিশুক যৌনগন্ধী ৰূপত দেখুওৱা
বাস্তৱ বা অবাস্তৱ শিশুক যৌনগন্ধী কৰা সমল (ফটো, ভিডিঅ’, বাস্তৱ-জগতৰ কলা, ডিজিটেল সমল আৰু মৌখিক চিত্ৰণকে ধৰি)
বাস্তৱ বা অবাস্তৱ শিশুক যৌনগন্ধী ৰূপত দেখুৱাবলৈ নিবেদন কৰা গোট, পৃষ্ঠা আৰু প্ৰ’ফাইল
শিশুৰ নগ্নতা
বাস্তৱ বা অবাস্তৱ শিশুৰ নগ্নতা দেখুওৱা সমল য’ত নগ্নতাক এনেদৰে সংজ্ঞায়িত কৰা হয়:
বাস্তৱ বা অবাস্তৱ শিশুৰ যৌনাংগৰ ক্ল’জ-আপ
বাস্তৱ বা অবাস্তৱ নগ্ন শিশু, য’ত এয়া দেখুওৱা হয়:
দৃশ্যমান যৌনাংগ, আনকি স্বচ্ছ কাপোৰেৰে ঢাকি বা অস্পষ্ট কৰি ৰাখিলেও
দৃশ্যমান মলদ্বাৰ আৰু/বা নিতম্বৰ সম্পূৰ্ণ নগ্ন ক্ল’জ-আপ
বাস্তৱ বা অবাস্তৱ নগ্ন নাবালক, য’ত এয়া দেখুওৱা হয়:
দৃশ্যমান যৌনাংগ (কেৱল গুপ্তকেশ বা স্বচ্ছ কাপোৰৰ দ্বাৰা অস্পষ্ট হৈ থকা যৌনাংগকে ধৰি)
দৃশ্যমান মলদ্বাৰ আৰু/বা নিতম্বৰ সম্পূৰ্ণ নগ্ন ক্ল’জ-আপ
অনাবৃত মহিলাৰ স্তনবৃন্ত
ডিঙিৰ পৰা আঁঠুলৈ কোনো কাপোৰ নথকা - আনকি কোনো যৌনাংগ বা মহিলাৰ স্তনবৃন্ত দেখা পোৱা অৱস্থাত নাথাকিলেও
যদিহে অবাস্তৱ ছবি স্বাস্থ্যৰ উদ্দেশ্যে নহয় বা ৰিয়েল ৱৰ্ড আৰ্টত শিশুৰ নগ্নতাৰ অ-যৌনগন্ধী চিত্ৰণ নহয়
যৌনতাবিহীন শিশু নিৰ্যাতন
ভাগ-বতৰা কৰাৰ উদ্দেশ্য নিৰ্বিশেষে বাস্তৱ বা অবাস্তৱ যৌনতাবিহীন শিশু নিৰ্যাতনক চিত্ৰিত কৰা ভিডিঅ’ বা ফটো, যদিহে সেই চিত্ৰাৱলী বাস্তৱ জগতৰ শিল্প, কাৰ্টুন, চলচ্চিত্ৰ বা ভিডিঅ’ গেমৰ নহয়
যৌনতাবিহীন শিশু নিৰ্যাতনত অংশগ্ৰহণ কৰাৰ বাবে প্ৰশংসা কৰা, সমৰ্থন কৰা, প্ৰচাৰ কৰা, ওকালতি কৰা, নিৰ্দেশনা দিয়া বা উদগনি দিয়া সমল