প্ৰাপ্তবয়স্কৰ যৌন শোষণ

নীতিৰ সবিশেষ
ব্যৱহাৰকাৰীৰ অভিজ্ঞতাসমূহ

নীতিৰ সবিশেষ

সালসলনিৰ সাৰণি
নীতিৰ যুক্তিযুক্ততা
আমি আমাৰ সেৱাসমূহক যৌন হিংসা আৰু শোষণৰ বিষয়ে আলোচনা কৰা আৰু তাৰ প্ৰতি দৃষ্টি আকৰ্ষণ কৰাৰ এটা স্থান বুলি স্বীকৃতি দিওঁ। আমি বিশ্বাস কৰোঁ যে এইটো উমৈহতীয়া বুজাবুজি আৰু সমুদায় গঢ়ি তোলাৰ এক গুৰুত্বপূৰ্ণ অংশ। এই কথোপকথনৰ বাবে ঠাই উলিওৱা আৰু এক সুৰক্ষিত পৰিৱেশৰ পৃষ্ঠপোষকতা কৰাৰ এটা প্ৰয়াস হিচাপে আমি উত্তৰজীৱীসকলক তেওঁলোকৰ অভিজ্ঞতা ভাগ-বতৰা কৰিবলৈ অনুমতি দিওঁ, কিন্তু আমি যৌন হিংসা, যৌন আক্ৰমণ বা যৌন শোষণৰ ছবি দেখুওৱা, ভাবুকি দিয়া বা তাৰ বাবে প্ৰৰোচিত কৰা সমল আঁতৰাওঁ। আমি সন্মতিবিহীন যৌন কাৰ্যৰ সুবিধা দিয়া বন্ধ কৰিবলৈ সন্মতিবিহীন পক্ষৰ সৈতে যৌন কাৰ্য্য দেখুওৱা, তাৰ ওকালতি কৰা বা মধ্যস্থতা কৰা সমলো আঁতৰাওঁ। ইয়াৰ উপৰিও, যদি আমি ধৰ্ষণৰ ভাবুকি বা পোষকতা কৰা কোনো সমলৰ বিষয়ে সচেতন হওঁ, তেন্তে আমি প’ষ্ট কৰা একাউণ্টটো অক্ষম কৰিব পাৰোঁ আৰু সমল আঁতৰোৱাৰ উপৰিও আইন বলৱৎকৰণ সংস্থাৰ সৈতে কাম কৰিব পাৰোঁ।
উত্তৰজীৱীসকলক সুৰক্ষা দিবলৈ আমি যৌন হিংসা আৰু চিত্ৰিত লোক(সকল)ৰ সন্মতি নোহোৱাকৈ ভাগ-বতৰা কৰা অন্তৰংগ মুহূৰ্তৰ ছবি আঁতৰাওঁ। পৰিচয়ত উল্লেখ কৰা অনুসৰি, অনলাইনত সুৰক্ষা সমস্যাৰ লগত জড়িত আমাৰ নীতি আৰু বলৱৎকৰণৰ বিষয়ে আলোচনা কৰিবলৈ তথা সেয়া উন্নত কৰিবলৈ আমি বাহ্যিক সুৰক্ষা বিশেষজ্ঞৰ সৈতেও কাম কৰোঁ আৰু আমি সেই সমলটো ক্ষতিকাৰক কাৰ্যকলাপৰ সৈতে জড়িত হৈ থকা বুলি তথ্য লাভ কৰিলে আমি সমলটো আঁতৰাবও পাৰোঁ। সন্মতিবিহীন অন্তৰংগ মুহূৰ্তৰ ছবিৰ বিৰুদ্ধে সুৰক্ষা প্ৰদান কৰিবলৈ আমি ব্যৱহাৰ কৰা প্ৰযুক্তি আৰু আমাৰ কাৰ্যৰ বিষয়ে জনোৱা গৱেষণাৰ বিষয়ে আমি লিখিছোঁ। আমি মানুহৰ অন্তৰংগ ছবি অনলাইনত বিয়পি পৰাত সক্ৰিয়ভাৱে প্ৰতিৰোধ কৰিবলৈ Meta-ৰ অনুমতি অবিহনে ভাগ-বতৰা কৰা ভাবুকি আৰু অন্তৰংগ ছবিসমূহৰ অভিযোগৰ বাবেও সমলসমূহ একেলগে ৰাখিছোঁ।
আমি এইসমূহৰ অনুমতি নিদিওঁ:
অ-সন্মতিপূৰ্ণ যৌনগন্ধী স্পৰ্শৰ চিত্ৰায়ন, তাৰ ওকালতি কৰা বা তেনে কাৰ্যক উপহাস কৰা সমল, য’ত এয়া অন্তৰ্ভুক্ত:
  • অ-সন্মতিপূৰ্ণ যৌনগন্ধী স্পৰ্শ চিত্ৰায়ন কৰা ছবি (গৰিহণা দিয়া বা নিৰপেক্ষ কেপশ্বনযুক্ত, অ-বাস্তৱ লোকক চিত্ৰায়ন কৰা বাস্তৱ জগতৰ শিল্পত থকা ছবিৰ বাহিৰে)
  • অ-সন্মতিপূৰ্ণ যৌনগন্ধী স্পৰ্শৰ চিত্ৰায়ন কৰা ছবি ভাগ-বতৰা কৰিবলৈ, প্ৰদান কৰিবলৈ বা বিচাৰিবলৈ প্ৰয়াস কৰা বা ভাবুকি দিয়াৰ বিবৃতি
  • অ-সন্মতিপূৰ্ণ যৌনগন্ধী স্পৰ্শৰ বিৱৰণ, যদিহে সেয়া ঘটনাটোৰ উত্তৰজীৱিয়ে ভাগ-বতৰা কৰা নাই বা তেওঁৰ সমৰ্থনত ভাগ-বতৰা কৰা হোৱা নাই
  • অ-সন্মতিপূৰ্ণ যৌনগন্ধী স্পৰ্শৰ ওকালতি কৰা, (য’ত উচ্চকাংক্ষী আৰু চৰ্তসাপেক্ষ বিবৃতি অন্তৰ্ভুক্ত) তেনে কাৰ্য কৰাৰ ভাবুকি দিয়া বা তেনে কাৰ্যত অংশগ্ৰহণ কৰা বুলি স্বীকাৰোক্তি দিয়া
  • অসন্মতিপূৰ্ণ যৌনগন্ধী স্পৰ্শৰ উত্তৰজীৱি বা ধাৰণাক উপহাস কৰা সমল
  • তৃতীয় পক্ষই ভাগ-বতৰা কৰা সমল, যিয়ে উত্তৰজীৱিয়ে অভিযোগ কৰিলে যৌন আক্ৰমণৰ উত্তৰজীৱিসকলক চিনাক্ত কৰে
সমল, কাৰ্যকলাপ বা ভাব-বিনিময় যিয়ে মানুহক শোষণ কৰিবলৈ চেষ্টা কৰে:
  • কোনো লোকৰ অন্তৰংগ ছবি বা অন্তৰংগ তথ্য (যৌন নিৰ্যাতন) প্ৰকাশ কৰাৰ ভাবুকি দি লোকসকলৰ পৰা ধন, অনুগ্ৰহ বা অন্তৰংগ ছবি বলপূৰ্বকভাৱে লোৱা
  • অসন্মতিসূচক অন্তৰংগ ছবি (NCII) ভাগ-বতৰা কৰা, ভাগ-বতৰা কৰাৰ ভাবুকি দিয়া, ভাগ-বতৰা কৰাৰ ইচ্ছা প্ৰকাশ কৰা, দিয়া অথবা বিচৰা, যিয়ে তলৰ তিনিটা চৰ্ত পূৰণ কৰে:
    • ছবিখন অ-বাণিজ্যিক আৰু ব্যক্তিগত ছেটিঙত প্ৰস্তুত কৰা।
    • ছবিত থকা ব্যক্তিজন (প্ৰায়) নগ্ন, যৌন কাৰ্যকলাপত লিপ্ত বা যৌন ইংগিত দি থকা ভংগীত আছে (ইয়াত ডিজিটেল প্ৰক্ৰিয়াৰে সৃষ্টি কৰা বা এআই-জেনেৰেটেড ছবি অন্তৰ্ভুক্ত)।
    • ছবিখন ভাগ-বতৰা কৰাৰ সন্মতি নাই বুলি তলৰ যিকোনো এটা সংকেত পূৰণ কৰি সূচোৱা হয়:
      • প্ৰতিশোধমূলক প্ৰসংগ (যেনে, কেপশ্বন, মন্তব্য বা পৃষ্ঠাৰ শিৰোনাম)।
      • স্বাধীন উৎস, যেনে- আইন বলৱৎকৰণৰ প্ৰতিবেদন, মিডিয়াৰ প্ৰতিবেদন (যেনে- প্ৰতিচ্ছবি ফাদিল হোৱা বুলি মিডিয়াই নিশ্চিত কৰা) বা NCII-ৰ কোনো উত্তৰজীৱিৰ প্ৰতিনিধি
      • ছবিখনত চিত্ৰায়ন কৰা ব্যক্তি বা ছবিখনত চিত্ৰায়ন কৰা ব্যক্তিগৰাকীৰ সৈতে একে নামৰ ব্যক্তিগৰাকীয়ে দিয়া অভিযোগ।
  • এপ্লিকেশ্বন বা সেৱাৰ (এআইকে ধৰি) জৰিয়তে (NCII) বা চুম্বনৰ ছবি প্ৰচাৰ কৰা, ভাগ-বতৰা কৰাৰ ভাবুকি দিয়া বা বনোৱাৰ অফাৰ দিয়া বা বনোৱাৰ নিৰ্দেশনা দিয়া, যদিও সমলত কোনো বাণিজ্যিক বা অ-বাণিজ্যিক ছবি ভাগ-বতৰা কৰা হোৱা নাই (কেতিয়াবা “নগ্নতা” বা “এআই চুম্বন” এপ্‌ বুলিও উল্লেখ কৰা হয়)।
  • গোপনে লোৱা অবাণিজ্যিক ছবি ভাগ-বতৰা কৰা যিয়ে ব্যক্তিৰ সাধাৰণতে যৌনতাকৃত শৰীৰৰ অংশ (যেনেঃ স্তন, কৰঙনৰ চুক, নিতম্ব বা উৰু), যৌন ইংগিতদায়ক ভংগীমাত থকা ব্যক্তি, বা যৌন কাৰ্যকলাপত লিপ্ত ব্যক্তিৰ ওপৰত গুৰুত্ব আৰোপ কৰে আৰু চিত্ৰত চিত্ৰিত ব্যক্তিজনৰ পৰিচয়ক উপহাস কৰা, যৌনতা বা পৰিচয় প্ৰকাশ কৰাৰ উদ্দেশ্যেৰে ভাগ-বতৰা কৰা। এই ছবিখনক সাধাৰণতে "ক্ৰীপশ্বট" বা "আপস্কাৰ্ট" বুলি জনা যায়।
  • গোপন যৌনগন্ধী কথা-বাৰ্তা ভাগ-বতৰা কৰা, ভাগ-বতৰা কৰাৰ ভাবুকি দিয়া বা ভাগ-বতৰা কৰাৰ অভিপ্ৰায় দেখুওৱা, য’ত ইয়াৰ এটাই ভাগ-বতৰা কৰাৰ ক্ষেত্ৰত সন্মতি দিয়া হোৱা নাই বুলি সূচায়:
    • প্ৰতিশোধমূলক প্ৰসংগ আৰু/বা ভাবুকিপূৰ্ণ প্ৰসংগ,
    • স্বাধীন উৎস, যেনে- মিডিয়া ক’ভাৰেজ বা আইন বলৱৎকৰণৰ ৰেকৰ্ড, বা
    • ছবিখনত চিত্ৰায়ন কৰা ব্যক্তি বা ছবিখনত চিত্ৰায়ন কৰা ব্যক্তিগৰাকীৰ সৈতে একে নামৰ ব্যক্তিগৰাকীয়ে দিয়া অভিযোগ
নেক্ৰ’ফিলিয়া বা বলপূৰ্বক ষ্ট্ৰিপিং সম্পৰ্কীয় সমল, য’ত এয়া অন্তৰ্ভুক্ত:
  • নেক্ৰ’ফিলিয়া বা বলপূৰ্বক ষ্ট্ৰিপিং চিত্ৰায়ন কৰা ছবি (গৰিহণা দিয়া বা নিৰপেক্ষ কেপশ্বনযুক্ত, অ-বাস্তৱ লোকক চিত্ৰায়ন কৰা বাস্তৱ জগতৰ শিল্পত থকা ছবিৰ বাহিৰে)
  • নেক্ৰ’ফিলিয়া বা বলপূৰ্বক ষ্ট্ৰিপিঙৰ চিত্ৰ ভাগ-বতৰা কৰা, প্ৰদান কৰা, বিচৰাৰ চেষ্টা কৰা বা ভাগ-বতৰা কৰাৰ ভাবুকি দিয়া বিবৃতি
  • নেক্ৰ’ফিলিয়া বা বলপূৰ্বক ষ্ট্ৰিপিঙৰ বিৱৰণ থকা, তাৰ ওকালতি কৰা বিবৃতি, সেই বিষয়ক উচ্চাকাংক্ষী বা চৰ্তসাপেক্ষ বিবৃতি, অভিপ্ৰায় বা কৰাৰ আহ্বানৰ, তেনে কাৰ্যত অংশগ্ৰহণ কৰাৰ স্বীকাৰোক্তিৰ বা তাৰ উত্তৰজীৱিসকলক উপহাস কৰাৰ বিবৃতি
নিম্নোল্লিখিত সমলৰ বাবে আমি এক সংবেদনশীলতা স্ক্ৰীন অন্তৰ্ভুক্ত কৰোঁ যাতে লোকসকল অৱগত হয় যে সমলটো কিছুমান লোকৰ বাবে উদ্বেগপূৰ্ণ হ’ব পাৰে:
অসন্মতিপূৰ্ণ যৌনগন্ধী স্পৰ্শৰ (লিখিত বা মৌখিক) বিৱৰণ থকা বৰ্ণনা আৰু বিবৃতি য’ত কেৱল নাম বা ঘটনাটোৰ উল্লেখ কৰাৰ বাহিৰেও অন্য সবিশেষ থাকে, যদিহে সেইটো:
  • উত্তৰজীৱিগৰাকীয়ে ভাগ-বতৰা কৰে, বা
  • উত্তৰজীৱিগৰাকীক সমৰ্থন কৰিবলৈ বা কাৰ্যটোৰ নিন্দা কৰিবলৈ বা সেইটোৰ প্ৰসংগ/কেপশ্বনৰ দ্বাৰা গম পাব পৰাকৈ সাধাৰণ সজাগতা আনিবলৈ তৃতীয় পক্ষই (উত্তৰজীৱিগৰাকীৰ বাহিৰে) ভাগ-বতৰা কৰে।
নিম্নোল্লিখিত সামূহিক মান্যতাসমূহৰ বাবে আমাক এয়া বলৱৎ কৰিবলৈ অতিৰিক্ত তথ্য আৰু/বা প্ৰসংগৰ প্ৰয়োজন:
আমি তলত দিয়াসমূহকে ধৰি নিৰ্দিষ্ট কিছুমান সমল কেৱল 18 বছৰতকৈ বেছি বয়স হোৱা লোকেহে চাব পৰাকৈ সীমিত কৰিব পাৰোঁ আৰু তাত এখন সতৰ্কবাণীৰ লেবেল অন্তৰ্ভুক্ত কৰিব পাৰোঁ:
  • অ-সন্মতিপূৰ্ণ যৌনগন্ধী স্পৰ্শ চিত্ৰায়ন কৰা সম যেতিয়া:
    • সেয়া সজাগতা বৃদ্ধি কৰিবলৈ ভাগ-বতৰা কৰা হয় (মনোৰঞ্জন বা চাঞ্চল্যকৰ প্ৰসংগ অবিহনে),
    • উত্তৰজীৱিগৰাকীক চিনাক্ত কৰিব নোৱাৰি, আৰু
    • সমলটোত নগ্নতা নাথাকে
  • কাল্পনিক অ-সন্মতিপূৰ্ণ যৌনগন্ধী স্পৰ্শ চিত্ৰায়ন কৰা সমল (চলচ্চিত্ৰৰ ট্ৰেইলাৰ ইত্যাদি) যেতিয়া সেয়া বিশ্বাসী অংশীদাৰে সজাগতা বৃদ্ধি কৰিবলৈ আৰু চাঞ্চল্যকৰ প্ৰসংগ অবিহনে ভাগ-বতৰা কৰে
আমি অসন্মতিসূচক যৌনগন্ধী স্পৰ্শক চিত্ৰিত কৰা নিৰ্দিষ্ট কিছুমান সমল কেৱল 18 বছৰৰ ওপৰৰ লোকেহে চাব পৰাকৈ সীমিত কৰিব পাৰোঁ আৰু তাত সতৰ্কবাণীৰ লেবেল অন্তৰ্ভুক্ত কৰিব পাৰোঁ, যেতিয়া সেয়া সজাগতা বৃদ্ধিৰ বাবে আৰু কোনো মনোৰঞ্জনমূলক বা চাঞ্চল্যকৰ প্ৰসংগ অবিহনে ভাগ-বতৰা কৰা হয়, য’ত ভুক্তভোগী বা উত্তৰজীৱি ব্যক্তিগৰাকীক চিনাক্ত কৰিব নোৱাৰি আৰু য’ত সমলটোত নগ্নতা অন্তৰ্ভুক্ত নহয়।
ধৰ্ষণ বা অন্যান্য অসন্মতিসূচক যৌন স্পৰ্শৰ ভাবুকি দিয়া অথবা ওকালতি কৰা সমল আঁতৰোৱাৰ বাবে থকা আমাৰ এট-স্কেল নীতিৰ উপৰিও, আমি প’ষ্ট কৰা একাউণ্টটো অক্ষম কৰিব পাৰোঁ।
আমি তৃতীয় পক্ষৰ দ্বাৰা ভাগ-বতৰা কৰা সেইসমূহ সমলৰ ওপৰতো নীতি বলৱৎ কৰিব পাৰোঁ যিয়ে কোনো কৰ্তৃত্বশীল প্ৰতিনিধি অথবা বিশ্বাসী অংশীদাৰে অভিযোগ কৰাৰ সময়ত যৌন আক্ৰমণৰ উত্তৰজীৱিসকলক চিনাক্ত কৰে।
ব্যৱহাৰকাৰীৰ অভিজ্ঞতাসমূহ
Facebook-ত লোকসকলে বলৱৎকৰণ কেনে দেখে তাৰ কেইটামান উদাহৰণ চাওক, যেনে: আপুনি Facebook-ত থাকিব নালাগে বুলি ভবা কিবা সমলৰ অভিযোগ কৰিলে, আপুনি আমাৰ সামূহিক মান্যতাসমূহ উলংঘন কৰিছে বুলি ক’লে আৰু কিছুমান সমলৰ ওপৰত সকীয়নি স্ক্ৰীণ দেখিলে সেয়া কেনেকুৱা দেখি।
টোকা: আমি সদায় উন্নত কৰি আছোঁ, গতিকে আপুনি ইয়াত যি দেখা পায় সেয়া আমি বৰ্তমান যি ব্যৱহাৰ কৰি আছোঁ তাৰ তুলনাত অলপ পুৰণি হ’ব পাৰে।
ব্যৱহাৰকাৰীৰ অভিজ্ঞতা
অভিযোগকৰণ
ব্যৱহাৰকাৰীৰ অভিজ্ঞতা
অভিযোগ দিয়াৰ পাছত কৰা যোগাযোগ
ব্যৱহাৰকাৰীৰ অভিজ্ঞতা
টেকডাউনৰ অভিজ্ঞতা
ব্যৱহাৰকাৰীৰ অভিজ্ঞতা
সকীয়নি স্ক্ৰীণ
বলৱৎকৰণ
Facebook-ত আমাৰ সমগ্ৰ বিশ্বত সকলোৰে বাবে একেই নীতি আছে।
পুনৰীক্ষণ দল
15,000-তকৈও অধিক পৰ্যালোচকেৰে গঠিত আমাৰ গোলকীয় দলটোৱে Facebook-ত লোকসকলক সুৰক্ষিত কৰি ৰাখিবলৈ সদায় কাম কৰে।
ষ্টেকহ’ল্ডাৰৰ লিপ্ততা
বাহিৰৰ বিশেষজ্ঞ, শিক্ষাবিদ, এনজিঅ’ আৰু নীতি নিৰ্মাতাই Facebook-ৰ সামূহিক মান্যতাসমূহৰ বিষয়ে জনোৱাত সহায় কৰে।
প্ৰাপ্তবয়স্কৰ যৌন শোষণৰ ক্ষেত্ৰত সহায় লওক
Facebook-ত আমাৰ সামূহিক মান্যতাসমূহৰ বিৰুদ্ধে যোৱা কিবা এটা দেখিলে আপুনি কি কৰিব পাৰে জানি লওক।
আমাৰ সহায় কেন্দ্ৰ চাওক