ጉዳትን ለማጨናገፍ እና ለመከላከል በሚደረግ ጥረት፣ ሕገወጥ የሰዎች ዝውውርን ጨምሮ የሰዎች ብዝበዛን የሚያመቻች ወይም የሚያስተባብር ይዘትን እናስወግዳለን። ሕገወጥ የሰዎች ዝውውርን ትርፍ ለማግኘት የአንድን ሰው ነጻነት የሚነፍግ ስራ ብለን ነው የምንገልጸው። ይህ ሰዎችን በወሲብ ንግድ፣ የቀን ስራ፣ ወይም ሌሎች እንቅስቃሴዎች ላይ ሳይፈልጉ እንዲሰማሩ ለማስገደድ የሚደረግ የሰዎች ብዝበዛ ነው። ሰዎችን በማታለል፣ በኃይል እና በማስገደድ፣ እንዲሁም የሰዎችን ነጻነት በመንፈግ በኢኮኖሚ ወይም በቁሳቁስ ለሌሎች ሰዎች እንዲጠቅሙ የማድረግ ስራ ላይ የተመሰረተ ነው።
ሕገወጥ የሰዎች ዝውውር ዘርፈ-ብዙ እና አለማቀፋዊ ነው፤ ዕድሜ፣ ማህበረ-ኢኮኖምያዊ አመጣጥ፣ ጎሳ፣ ጾታ፣ ወይም መገኛ ቦታ ሳይለይ ማንኛውም ሰው መጉዳት የሚችል ነው። ብዙ መልኮች ያሉት ሲሆን፣ ማንኛውም የሰው ዝውውር ሁኔታ ብዙ የእድገት ደረጃዎችን የሚያልፍ ነው። ይህ ብዝበዛ አስገዳጅ ባህሪ ያለው በመሆኑ፣ ሰለባዎች በፈቃዳቸው የሚያደርጉት አይደለም።
ሕገወጥ የሰዎች ዝውውርና ኮንትሮባንድ እንዳይሆን መጠንቀቅ ያለብን ቢሆንም እርስ በርስ የተያያዙና መደራረብን ሊያሳዩ ይችላሉ። የተባበሩት መንግስታት ድርጅት ስደተኞችን በሕገወጥ መንገድ ድንበር ማሻገርን በዓለማቀፍ ድንበሮች ውስጥ ወደሚገኙ የተለያዩ አገሮች ሰዎችን መልምሎ ወይም አመቻችቶ በሕገወጥ መንገድ እንዲገቡ ማድረግ ሲል ይገልጸዋል። ኃይል ወይም ማስገደድ ሳያስፈልግም፣ አብዛኛውን ጊዜ የተሻለ ኑሮ ማግኘትን በመፈለግ ከትውልድ አገራቸው ለመውጣት የሚሞክሩ ተጋላጭ ግለሰቦችን ለብዝበዛ ሊዳርግ ይችላል። ስደተኞችን በሕገወጥ መንገድ ድንበር ማሻገር በሃገር ላይ የሚፈጸም ወንጀል ሲሆን፣ ሕገወጥ የሰዎች ዝውውር ደግሞ ብዝበዛ ላይ የተመሰረተ በሰዎች ላይ የሚፈጸም ወንጀል ነው።
ስለ ህገወጥ የሰዎች ዝውውር ወይም የሰዎች የኮንትሮባንድ ጉዳዮችን ከማውገዝ፣ ግንዛቤን ከማሳደግ ወይም ከዜና ዘገባ በተጨማሪ ስለግል ደህንነት እና ድንበር መሻገር፣ ጥገኝነት ጠያቂ ወይም ሀገርን ለቀው እንዴት እንደሚወጡ የሚጠይቅ ይዘትን እንፈቅዳለን።
የሚከተሉትን አይለጥፉ፦
ከሚከተሉት ውስጥ በየትኞቹም ሕገወጥ የሰዎች ዝውውር ዓይነቶች ሰዎችን የሚመለምል፣ የሚያመቻች ወይም ሰዎችን የሚበዘብዝ ይዘት፣ እንቅስቃሴ ወይም መስተጋብር፦
የወሲብ ንግድ (ከአካለ መጠን ያልደረሰ ልጅ ጋር የሚደረግ ማንኛውም ወሲባዊ እንቅስቃሴ ወይም ኃይል፣ ማጭበርበር ወይም ማስገደድን የሚያካትት ከአዋቂ ሰው ጋር የሚደረግ ማንኛውም የንግድ ወሲባዊ እንቅስቃሴ)
የህፃናት ሽያጭ ወይም ህገወጥ ጉዲፈቻ
የወላጅ አልባ ህጻናት የህገወጥ ዝውውር እና በወላጅ አልባ ህጻናት የሚደረግ የቱሪዝም በጎ ፈቃደኝነት
አስገዳጅ ጋብቻዎች (የህጻናት ጋብቻን ጨምሮ)
የጉልበት ብዝበዛ (እዳን ጉልበት ማስከፈልን ያካትታል)
የቤት ውስጥ አገልጋይ
ከብዝበዛ በጸዳ መልኩ የሚደረግ የሰውነት ክፍል ልገሳ አውድ ውስጥ የሚደረግ የሰውነት አካል ማስወገድ፣ መለገስ፣ ወይም ንቅለ-ተከላን ሳያካትት መልሶ የማያድግ የሰዎች አካል ሕገወጥ ዝውውር
አስገዳጅ የወንጀል እንቅስቃሴ (ለምሳሌ፣ አስገዳጅ ልመና፣ አስገዳጅ የአደንዛዥ ዕጽ ህገወጥ ዝውውር )
ልጆችን ለውትድርና መመልመል
የሶስተኛ ወገን ተዋንያን ለንግድ ወሲባዊ እንቅስቃሴ የሚመለምልበት፣ የሚያመቻችበት ወይም ጥቅም የሚያገኝበት (በገንዘብም ሆነ በሌላ) ይዘት
የስደተኞችን በሕገወጥ መንገድ ድንበር ማሻገርን ለማቅረብ ወይም ለማመቻቸት ጥያቄ የሚያቀርብ ይዘት
ሕገወጥ የሰዎች ዝውውር ማሻገር አገልግሎቶችን የሚጠይቅ ይዘት
በውግዘት፣ ትምህርታዊ፣ ግንዛቤ ማስጨበጫ ወይም የዜና ዘገባ አገባብ ላይ ሲለጠፍ በዚህ ፖሊሲ የተሸፈነ ይዘትን እንፈቅዳለን
በሰብዓዊ ብዝበዛ ፖሊሲያችን መሠረት የእኛ ገምጋሚዎች እና አውቶማቲክ ሥርዓቶች መለያዎችን በመጣስ ላይ ለማወቅ እና እርምጃ ለመውሰድ የሚያግዙ የተለያዩ የባህሪ ምልክቶችን ግምት ውስጥ ሊያስገቡ ይችላሉ።
- አንድ መለያ ከሌሎች የማህበረሰብ ህጎችን ከሚጥሱ መለያዎች ጋር እየተሳተፈ ከተገኘ፣ ወይም ከፖሊሲዎቹ ጋር የሚቃረን ይዘትን ከፈለገ እና ከተገናኘ፣ ሊወገድ ይችላል። በተጨማሪም፣ አንድ መለያ ደንብ በመጣስ ምክንያት የታገደ ማህበረሰብ ውስጥ (ለምሳሌ ቡድኖች) አካል ከሆነ፣ መለያው ሊሰረዝ ይችላል።