የማህበረሰብ ደንቦች

የማህበረሰብ ደረጃዎች በFacebook፣ በInstagram፣ በMessenger እና በThreads ላይ ምን እንደሚፈቀድ እና እንደማይፈቀድ ይዘረዝራሉ።

መግቢያ

እነዚህ ደንቦች ከሰዎች በሚገኝ ግብረመልስ እና በቴክኖሎጂ፣ የሕብረተሰብ ደህንነት እና ሰብአዊ መብቶች ሙያተኞች የሚሰጥ ምክር ላይ የተመሰረቱ ናቸው። የእያንዳንዱ ሰው ድምጽ ዋጋ እንደሚሰጠው ለማረጋገጥ፣ በተለይ ችላ ሊባሉ ወይም ሊገለሉ ይችሉ ከነበሩ ማህበረሰቦች የሚወሰዱ የተለያዩ አመለካከቶች እና እምነቶች የሚያካትቱ ደንቦችን ለመፍጠር ትልቅ ትኩረት ሰጥተን እንሰራለን።

በየቀኑ ሰዎች ተሞክሯቸውን ለማካፈል፣ ከጓደኞች እና ቤተሰብ ጋር ለመገናኘት እና ማህበረሰቦችን ለመገንባት Facebook፣ Instagram፣ Messenger እና Threads ይጠቀማሉ። አገልግሎታችን በቢሊዮኖች የሚቆጠሩ ሰዎች በተለያዩ ሀገራት እና ባህሎች ውስጥ እና በብዙ ቋንቋዎች ሃሳባቸውን በነጻነት እንዲገልጹ ያስችላቸዋል።

Meta ለFacebook፣ Instagram፣ Messenger እና Threads ሰዎች የመግባቢያ ችሎታ የሚያሳድጉባቸው ቦታዎች ማድረግ ምን ያህል አስፈላጊ እንደሆነ ይገነዘባል፣ ስለሆነም ጥቃትን ከአገልግሎታችን ለማራቅ የኛን ሚና በቁም ነገር እንወስዳለን። ለዚያም ነው በእነዚህ አገልግሎቶች ላይ ስለሚፈቀዱ እና ስለማይፈቀዱ ነገሮች ደንቦችን ያሰናዳነው።

እባክዎ የማህበረሰብ ደንባችን የሰሜን አሜሪካ እንግሊዝኛ ቅጂው በመጨረሻ የተሻሻለውን ፖሊሲ የሚያንጸባርቅ መሆኑንና ዋና ሰነድ መሆኑን ይገንዘቡ።

ድምጽ ለመሆን ያለንን ቁርጠኝነት

የማህበረሰብ ደንቦች ግብ ሰዎች ድምጻቸውን የሚያሰሙበት እና ሀሳቦችን በነጻነት የሚገልጹበት ሁኔታ መፍጠር ነው። Meta ሰዎች ሌሎች ላይስማሙባቸው ወይም ሊቃወሟቸው በሚችሉ ሀሳቦች ላይ ቢሆንም እንኳ ግድ በሚሰጧቸው ጉዳዮች ላይ በአስተያየት፣ ፎቶ፣ ሙዚቃ ወይም ሌላ ኪነጥበባዊ መንገድ በግልጽ ማውራት እንዲችሉ ይፈልጋል። በአንዳንድ ሁኔታዎች ለዜና የሚመጥን እና ለህዝብ ጥቅም ከሆነ በሌላ መልኩ ደንቦቻችን ጋር ሊቃረን የሚችል ይዘትን እንፈቅዳለን። ይህንን የምናደርገው የህዝብን ጥቅም ከጉዳት አደጋ አንፃር ካመዛዘንን በኋላ ነው፤ እና እነዚህን ውሳኔዎች ለመስጠት የአለም አቀፍ የሰብአዊ መብት ደንቦችን እንመለከታለን። በሌሎች ሁኔታዎች፣ ይዘቱ ከደረጃዎቻችን ጋር የሚቃረን መሆኑን በተጨማሪ አውድ ስንረዳ፣ አሻሚ ወይም ስውር ቋንቋን የሚጠቀም ይዘትን ልናስወግድ እንችላለን።

ሀሳብን በመግለጽ ላይ ያለን ቁርጠኝነት ከፍተኛ ነው፤ ይሁን እንጂ በይነመረብ አዲስና እየጨመሩ ያሉ የብዝበዛ ዕድሎችን እንደፈጠረም እንገነዘባለን። በእነዚህ ምክንያቶች ሀሳብን በነጻነት መግለጽን ስንገድብ፣ ያንን የምናደርገው ከሚከተሉት አንድ ወይም ከዚያ በላይ እሴቶች ላይ በመመርኮዝ ነው፦

እውነተኛ ማንነት

ሰዎች እየተመለከቱት ያለውን ይዘት እውነተኛነት ማረጋገጥ እንፈልጋለን። እውነተኛ ማንነት ለማጋራት የተሻለ ሁኔታ እንደሚፈጥር እናምናለን፤ ለዚህም ነው ሰዎች በእኛ አገልግሎቶች ላይ ማንነታቸውን ወይም ድርጊታቸውን በሌላ አስመስለው እንዲያቀርቡ የማንፈልገው።

ደህንነት

Facebook፣ Instagram፣ Messenger እና Threads ደህንነታቸው የተጠበቀ ቦታዎች ለማድረግ ቆርጠናል። በሰዎች አካላዊ ደህንነት ላይ የመጉዳት አደጋን ሊያስከትል የሚችል ይዘትን እናስወግዳለን። ሰዎችን የሚያስፈራራ አገላለጽ፥ ሌሎችን ለማስፈራራት፣ ለማግለል ወይም ዝም ለማሰኘት አቅም አለው፣ እናም በእኛ አገልግሎቶች ላይ አይፈቀድም።