Privaatheidskendings

Beleidsbesonderhede
Gebruikerervarings

Beleidsbesonderhede

VERANDERINGELOG
Beleidsrede
Ons dienste wil die privaatheid en persoonlike inligting van ons gebruikers beskerm. Ons werk hard daaraan om jou persoonlike identiteit en inligting te beveilig en ons laat mense nie toe om sekere tipes persoonlike of vertroulike inligting oor hulleself of oor ander te plaas nie. Ons verskaf ook maniere aan mense om beeldmateriaal aan te meld wat hulle dink hulle privaatheidregte oortree.
Ons verwyder inhoud wat persoonlike identifiseerbare inligting of ander privaat inligting deel, aanbied of versoek wat kan lei tot fisieke of finansiële skade, insluitende finansiële, residensiële, en mediese inligting, sowel as privaat inligting wat van onwettige bronne verkry is. Ons besef ook dat privaat inligting openbaar beskikbaar kan raak deur nuusdekking, hofaansoeke, persverklarings of ander bronne. As dit gebeur, kan ons toelaat dat die inligting geplaas word.
Ons het bykomende beperkings vir betaalde inhoud. Hoewel ons advertensies toelaat wat ’n positiewe gebruikerervaring verskaf deur op die produk of diens se besonderhede te fokus, verwyder ons advertensies wat gebruikers se persoonlike ontberinge uitbuit, blyk om negatiewe of onakkurate karakteriserings oor hulle te maak of wat kennis van sensitiewe persoonlike inligting impliseer. Vir meer inligting oor ons privaatheidsreëls vir betaalde inhoud, sien ons reklamestandaard vir privaatheidsoortredings en persoonlike eienskappe.
Ons laat nie die volgende toe nie:
Inhoud wat privaat inligting aanvra of deel, óf op ons dienste óf deur middel van eksterne skakels, soos volg:
Persoonlik identifiseerbare inligting (PII)
  • Inhoud wat die persoonlik identifiseerbare inligting (inligting wat iemand identifiseer) van die plaser of ander mense deel. Dit sluit in:
    • Nasionale identifikasienommers soos ID-nommers, paspoortnommers of belastingidentifikasienommer vir ’n individu (ITIN).
    • Regering-ID’s van wetstoepassers, militêre of sekuriteitspersoneel.
    • Rekords of amptelike dokumentasie van inligting in ’n burgerlike register (byvoorbeeld huweliks-, geboorte-, dood-, naamsveranderings- of geslagserkenningsdokumente)
    • Dokumente oor immigrasie- en werkstatus, soos groenkaarte, werkspermitte of visums
  • Inhoud wat vra vir die persoonlik identifiseerbare inligting van ander mense
Persoonlike kontakinligting
  • Inhoud wat ander mense se persoonlike kontakinligting deel, behalwe wanneer dit deur die individu bekend gemaak word of wanneer dit gedeel of versoek word om liefdadigheidsake te bevorder, die opspoor van vermiste mense, diere of eienaars of vermiste voorwerpe te fasiliteer, of om ’n besigheid of diensverskaffers te kontak (tensy dit bevestig is dat die persoonlike kontakinligting gedeel word sonder die toestemming van die individu).
Residensiële inligting
  • Inhoud wat volledige privaat residensiële adresse van ander mense deel, insluitende die naam van die gebou of GPS-spelde wat die adres aandui (selfs al is die spelde in ’n skakel buite die platform), behalwe in die volgende kontekste:
    • wanneer dit gedeel word om liefdadigheidsake te bevorder, te help om vermiste mense, diere, eienaars of voorwerpe op te spoor, of om ’n besigheid of diensverskaffer te kontak
    • wanneer die woning ’n amptelike woning of ambassade is van ’n publieke beampte met ’n hoë rang
  • Inhoud wat privaat residensiële adresse van ander mense deel (behalwe waar die woning ’n amptelike woning of ambassade van ’n publieke beampte met hoë rang is):
    • Wanneer dit gedeel word in die konteks van betogings organiseer of waarneming van die inwoner, en wanneer die ligging van die woning deur enigeen van die volgende identifiseer word:
      • Straat
      • Stad of woonbuurt (slegs vir stede met minder as 50 000 inwoners)
      • Poskode
      • GPS-speld of -spelde op ’n kaart wat enige van hierdie identifiseer (selfs al is die spelde in ‘n skakel buite die platform)
    • Beelde wat die buite-aansig van privaat wonings vertoon indien al die volgende voorwaardes van toepassing is:
    • Die woning is ’n enkelfamiliewoning, of die inwoner se eenheidnommer/gebounaam word in die prent/onderskrif geïdentifiseer.
    • Die ligging van die woning word geïdentifiseer deur enigeen van die volgende:
      • Straat
      • Stad of woonbuurt (slegs vir stede met minder as 50 000 inwoners)
      • Poskode
      • GPS-speld of -spelde op ’n kaart wat enige van hierdie identifiseer (selfs al is die spelde in ‘n skakel buite die platform)
    • Die inhoud identifiseer die inwoner(s).
    • Daardie inwoner maak beswaar teen die bekendmaking van hulle privaat woning, of daar is ’n konteks van betogings teen die inwoner reël.
    • Die beelde van die woning word nie gedeel nie omdat die woning die fokus van ’n nuusstorie is (behalwe wanneer dit gedeel word in die konteks van betogings teen die inwoner reël)
  • Inhoud wat privaat residensiële inligting van ander mense aanvra (behalwe waar die woning ’n amptelike woning of ambassade van ’n publieke beampte met hoë rang is):
  • Inhoud wat die ligging van skuilhuise aanvra of wat inligting oor skuilhuise bekendmaak deur enige van die onderstaande te deel (behalwe wanneer die skuilhuis aktief inligting oor hulle fasiliteit bevorder)
    • Werklike adres (Let wel: “Slegs posbus” word toegelaat.)
    • Prente van die skuilhuis
    • Identifiseerbare stad/woonbuurt van die skuilhuis
    • Inligting wat die identiteit van die skuilhuis se inwoners ontbloot.
Mediese inligting
  • Inhoud wat mediese, sielkundige, biometriese, of genetiese/oorerflike inligting van ander deel of daarvoor vra wanneer dit duidelik is dat die inligting van mediese rekords of ander amptelike dokumente kom, insluitende wanneer dit visueel vertoon word of deur oudio of video gedeel word.
Finansiële inligting
  • Inhoud wat persoonlike finansiële inligting oor die plaser of ander mense deel of aanvra, wat omskryf word as inligting oor iemand se finansies, insluitende:
    • Nie-publieke finansiële rekords of state.
    • Bankrekeningnommers met sekuriteits- of PIN-kodes.
    • Digitalebetaalmetode-inligting met aanmeldbesonderhede, sekuriteits- of PIN-kodes.
    • Krediet- of debietkaartinligting met geldigheidsdatums of sekuriteits-PIN’s- of -kodes.
  • Inhoud wat niepublieke finansiële inligting oor besighede of organisasies deel of aanvra, wat omskryf word as inligting oor ’n besigheid of organisasie se finansies, behalwe wanneer dit oorspronklik gedeel is deur die organisasie self (insluitende gevolglike deling waar die oorspronklike konteks onveranderd is) of ingevolge publieke rapporteringsvereistes (byvoorbeeld soos vereis deur die aandelebeurs of reguleringsowerhede), insluitende:
    • Niepublieke finansiële rekords of state
    • Bankrekeningnommers wat deur sekuriteits- of PIN-kodes vergesel word.
    • Digitalebetaalmetode-inligting wat deur aanmeldbesonderhede, sekuriteits- of PIN-kodes vergesel word.
Inligting wat van gekraakte bronne verkry is
  • Inhoud wat die plaser beweer of bevestig dat dit van ’n gekraakte bron kom, ongeag of die geaffekteerde persoon ’n openbare figuur of privaat individu is.
Die volgende inhoud kan moontlik ook verwyder word:
  • ‘n Gerapporteerde foto of video van mense waar die persoon in die beeld uitgebeeld is:
    • ‘n Minderjarige onder die ouderdom van 13 jaar, en die inhoud deur die minderjarige of ‘n ouer of wettige voog gerapporteer is.
    • ‘n Minderjarige tussen die ouderdomme van 13 en 18 jaar oud, en die inhoud deur die minderjarige aangemeld is.
    • ‘n Volwassene, waar die inhoud deur die volwassene van buite die Verenigde State aangemeld is en toepaslike wetgewing regte vir verwydering mag verskaf.
    • Enige persoon wat ongeskik en nie in staat is om die inhoud op hulle eie te rapporteer nie.
Vir die volgende Gemeenskapstandaarde vereis ons bykomende inligting en/of konteks om daarteen op te tree:
  • Uitbeeldings van mense en mediese fasiliteite wat omskryf word as inhoud wat iemand by ’n mediese of gesondheidsfasiliteit wys of ’n privaat individu of minderjarige wat by ’n mediese of gesondheidsfasiliteit in- of uitgaan, as dit gerapporteer word deur:
    • Die persoon in die prent
    • ’n Verteenwoordiger van die persoon in die prent
    • Die mediese of gesondheidsfasiliteit wat vir die sorg van die persoon in die prent verantwoordelik is, of
    • Die mediese of gesondheidsfasiliteit wat die werkgewer is van die persoon in die prent
  • Bronmateriaal wat beweer om niepublieke inligting bekend te maak wat verband hou met ’n verkiesing as deel van ’n buitelandseregeringsinvloedoperasie.
    • Ons verwyder beriggewing oor so ’n lekkasie van inligting deur staatsbeheerde media-entiteite van die land waar die uitlek van inligting plaasgevind het.
Gebruikerservarings
Sien ’n paar voorbeelde van hoe handhawing vir mense op Facebook lyk, soos hoe dit lyk om iets te rapporteer wat jy dink nie op Facebook moet wees nie, om ingelig te word dat jy ons Gemeenskapstandaarde oortree het, en om ’n waarskuwingskerm bo-oor sekere inhoud te sien.
Neem kennis: Ons is voortdurend besig om te verbeter; dus kan wat jy hier sien, ietwat verouderd wees in vergelyking met wat ons tans gebruik.
GEBRUIKERSERVARING
Rapportering
GEBRUIKERSERVARING
Narapporteringskommunikasie
GEBRUIKERSERVARING
Verwyderingservaring
GEBRUIKERSERVARING
Waarskuwingskerms
Handhawing
Ons het wêreldwyd dieselfde beleide vir almal op Facebook.
Kontroleringspanne
Ons wêreldwye span van meer as 15 000 kontroleerders werk elke dag om mense op Facebook veilig te hou.
Betrokkenheid van belanghebbendes
Kundiges van buite, akademici, NRO’s en beleidmakers help om die Facebook Gemeenskapstandaarde vas te stel.
Kry hulp met privaatheidskendings
Vind uit wat jy kan doen indien jy iets op Facebook sien wat strydig met ons Gemeenskapstandaarde is.
Besoek ons Hulpsentrum