Afknouery en teistering

Beleidsbesonderhede
Gebruikerervarings
Data

Beleidsbesonderhede

VERANDERINGELOG
Beleidsrede
Afknouery en teistering kom op baie plekke voor en in baie verskillende vorme – van dreigemente en die bekendmaking van persoonlike identifiseerbare inligting, tot die stuur van dreigende boodskappe en om ongewensde kwaadwillige kontak te maak. Ons duld nie hierdie soort gedrag nie, want dit verhoed dat mense veilig en gerespekteer voel op Facebook, Instagram en Threads.
Ons onderskei tussen openbare figure en privaat individue omdat ons bespreking wil toelaat wat dikwels kritiese kommentaar insluit van mense wat in die nuus is of wat ’n groot openbare gehoor het. Vir openbare figure verwyder ons aanvalle wat ernstig is sowel as sekere aanvalle waar die openbare figuur direk in die plasing of kommentaar gemerk is. Ons definieer openbare figure as staats- en nasionalevlakamptenare, politieke kandidate vir daardie poste, mense met meer as ’n miljoen aanhangers of volgers op sosiale media, en mense wat aansienlike nuusdekking ontvang.
Vir privaat individue gaan ons beskerming verder: Ons verwyder inhoud wat bedoel is om die persoon af te kraak of te verneder, insluitend byvoorbeeld aansprake oor iemand se seksuele aktiwiteit. Ons erken dat afknouery en teistering meer van 'n emosionele impak op minderjariges kan hê, en daarom bied ons beleide verhoogde beskerming aan enigiemand onder die ouderdom van 18, ongeag gebruikerstatus.
Konteks en bedoeling maak saak, en ons laat mense toe om te plaas en te deel indien dit duidelik is dat iets gedeel is om dit te kan veroordeel of aandag op afknouery en teistering te vestig. In sekere gevalle vereis ons selfrapportering omdat dit ons help verstaan dat die persoon wat geteiken word, afgeknou of geteister voel. Benewens die rapportering van sulke gedrag en inhoud, moedig ons mense aan om nutsmiddels wat op ons platforms beskikbaar is, te gebruik om te help beskerm daarteen.
Ons het ook ’n afknouvoorkomingsentrumwat as hulpbron dien vir tieners, ouers, en onderwysers wat ondersteuning soek vir kwessies wat met afknouery en ander konflik verband hou. Dit bied stap-vir-stap-leiding, insluitend inligting oor hoe om belangrike gesprekke oor afknouery te begin. Kom hier meer te wete oor wat ons doen om mense teen afknouery en teistering te beskerm.
Let wel: Hierdie beleid is nie van toepassing op individue wat deel is van aangewese organisasies ingevolge die beleid oor gevaarlike organisasies en individueof mense wat voor 1900 gesterf het nie.
Vlak 1: Algemene beskerming vir almal:
  • Almal word teen die volgende beskerm:
    • Ongewenste kontak wat:
      • Herhaaldelik, OF
      • Seksueel teisterend, OF
      • Gerig is op ’n groot aantal individue met geen vooraf uitlokking nie.
    • Oproepe vir selfbesering of selfdood vir ’n spesifieke persoon of groep individue.
    • Aanvalle gebaseer op hulle ervaring van seksuele aanranding, seksuele uitbuiting of huishoudelike geweld.
    • Verklarings van voorneme om aan ’n seksuele aktiwiteit deel te neem om deelname aan ’n seksuele aktiwiteit te bevorder.
    • Ernstige geseksualiseerde kommentaar.
    • Fotos wat aangepas is op ’n afbrekende geseksualiseerde manier of sulke tekeninge
    • Aanvalle deur middel van afbrekende terme wat verband hou met seksuele aktiwiteit (byvoorbeeld: “hoer”, “slet”)
    • Bewerings dat ’n gewelddadige tragedie nie plaasgevind het nie.
    • bewerings dat individue daaroor jok dat hulle ’n slagoffer van ’n gewelddadige tragedie of terreuraanval was, insluitende bewerings dat hulle:
      • Toneelspeel of voorgee om ’n slagoffer van ’n spesifieke voorval te wees, of
      • Betaal word of aangestel is om mense oor hulle rol in die voorval te mislei.
  • Dreigemente om ’n individu se privaat telefoonnommer, huisadres, e-posadres of mediese rekords bekend te maak (soos dit in die Privaatheidskendingsbeleid omskryf is).
  • Oproepe vir, of verklarings van voorneme om aan afknouery en/of teistering deel te neem.
  • Inhoud wat individue verneder of walging uitspreek teenoor individue wat uitgebeeld word in die proses van, of direk ná, menstruasie, urinering, braking of ontlasting
  • Almal word teen die volgende beskerm, maar volwasse openbare figure moet doelbewus blootgestel word aan:
    • Oproepe vir iemand om te sterf en stellings ten gunste daarvan dat iemand ’n mediese toestand ontwikkel of ’n siekte opdoen.
    • Viering of bespotting van die dood of ’n mediese toestand.
    • Bewerings oor seksueel oordraagbare infeksies.
    • Stellings van ondergeskiktheid oor fisiese voorkoms.
Vlak 2: Bykomende beskerming vir alle minderjariges, privaat volwassenes en openbare figure met beperkte aanspreeklikheid (byvoorbeeld, individue wat hoofsaaklik bekend is as gevolg van hulle aktivisme, joernalistiek of diegene wat toevallig bekendheid verwerf het):
  • Benewens die algemene beskerming vir almal, word alle minderjariges (privaat individue en openbare figure), privaat volwassenes en openbare figure met beperkte aanspreeklikheid teen die volgende beskerm:
  • Alle minderjariges (privaat individue en openbare figure), privaat volwassenes en openbare figure met beperkte aanspreeklikheid) word teen die volgende beskerm, maar minderjarige openbare figure moet doelbewus aan die volgende blootgestel word:
    • Ontmensende vergelykings (in geskrewe of visuele vorm) aan of oor:
      • Diere en insekte, insluitende submenslike wesens, wat kultureel as minderwarig geag word.
      • Bakterieë, virusse, mikrobes en siektes.
      • Lewelose voorwerpe, insluitende vullis, smerigheid, ontlasting.
  • Inhoud wat gemanipuleer word om spesifieke fisieke eienskappe (neus, oor, ens.) uit te lig, omkring of andersins negatiewe aandag daarop te vestig
  • Inhoud wat hulle op grond van fisiese voorkoms of karaktereienskappe gradeer.
  • Inhoud wat individue verneder wat uitgebeeld word waar hulle fisies afgeknou word (behalwe in die konteks van gevegsport).
Vlak 3: Bykomende beskerming vir privaat minderjariges, privaat volwassenes en minderjarige toevallige openbare figure:
  • Benewens al die beskerming wat hier bo gelys word, word alle privaat minderjariges, privaat volwassenes (wat moet selfrapporteer) en minderjarige toevallige openbare figure teen die volgende beskerm:
    • Geteikende vloektaal.
    • Bewerings oor romantiese betrokkenheid, seksuele oriëntasie of geslagsidentiteit.
    • Oproepe tot aksie, verklarings van voorneme, aspirerende of voorwaardelike stellings of stellings wat uitsluiting voorstaan of ondersteun.
    • Negatiewe bewering oor karakter of vermoë, behalwe in die konteks van kriminele aanklagte en besigheidskontroles teen volwassenes.
    • Uitdrukkings van minagting, walging, of inhoud wat die bestaan van ’n individu afkeur, behalwe in die konteks van kriminele aanklagte teen volwassenes.
  • Wanneer hulle dit self rapporteer, word privaat minderjariges, privaat volwassenes en minderjarige toevallige openbare figure teen die volgende beskerm
    • Eerstepersoonafknouery.
    • Ongewenste gemanipuleerde beelde.
    • Vergelyking met ander openbare, fiktiewe of privaat individue op grond van fisieke voorkoms.
    • Bewerings oor godsdienstige identiteit of godslastering
    • Vergelykings met diere of insekte wat nie kultureel as intellektueel of fisies minderwaardig beskou word nie (“tier,” “leeu”).
    • Neutrale of positiewe fisieke beskrywings.
    • Bewerings oor karakter of vermoëns wat nie negatief is nie.
    • Aanvalle met neerhalende terme wat verband hou met gebrek aan seksuele aktiwiteit.
Vlak 4: Bykomende beskerming vir privaat minderjariges alleenlik:
  • Minderjariges geniet die meeste beskerming onder ons beleid. Benewens al die beskerming wat hier bo gelys word, word privaat minderjariges ook teen die volgende beskerm:
    • Bewerings oor kriminele of onwettige gedrag.
    • Video’s van fisiese afknouery van minderjariges wat in enige konteks gedeel word.
    • Neerhalende skelterme wat verband hou met vroulike geslagsdele.
Afknouery en teistering deur bladsye, groepe, geleenthede en boodskappe
  • Die beskerming van Vlakke 1 tot 4 word ook op bladsye, groepe, geleenthede en boodskappe gehandhaaf.
Vir die volgende Gemeenskapstandaarde vereis ons bykomende inligting en/of konteks om dit af te dwing:
Moenie die volgende doen nie:
  • Inhoud plaas wat privaat individue deur ongewenste bladsye, groepe en geleenthede teiken. Ons verwyder hierdie inhoud wanneer dit deur die teiken of ’n gemagtigde verteenwoordiger van die teiken gerapporteer word.
  • Inhoud plaas wat hier bo beskryf word wat andersins sou vereis dat die teiken die inhoud rapporteer of waar die inhoud aandui dat die plaser die teiken direk teiken (byvoorbeeld: die teiken is in die plasing of opmerking gemerk). Ons sal hierdie inhoud verwyder as ons bevestiging van die teiken of ’n gemagtigde verteenwoordiger van die teiken (lewendig of afgestorwe) het dat die inhoud ongewens is.
  • Inhoud plaas wat aandring op, of ’n voorneme noem om deel te neem aan gedrag wat ingevolge ons beleide as afknouery en teistering sal kwalifiseer. Ons sal hierdie inhoud verwyder wanneer ons bevestiging van die teiken of ’n gemagtigde verteenwoordiger van die teiken het dat die inhoud ongewens is.
  • Inhoud plaas wat ’n openbare figuur seksualiseer. Ons sal hierdie inhoud verwyder wanneer ons bevestiging van die teiken of ’n gemagtigde verteenwoordiger van die teiken het dat die inhoud ongewens is.
  • Kontak inisieer wat die ontvanger seksueel teister nie. Ons sal enige inhoud verwyder wat in ’n ongewenste konteks gedeel word wanneer ons bevestiging van die ontvanger, of die gemagtigde verteenwoordiger van die ontvanger, kry dat die kontak ongewens is.
  • Verwyder geteikende massateistering, wanneer:
    • ‘Individue met ’n verhoogde risiko van vanlyn leed’ in enige ruimte geteiken word; sulke individue word omskryf as:
      • Beskermers van menseregte
      • Minderjariges
      • Slagoffers van gewelddadige voorvalle/tragedies
      • Opposisiefigure in risikolande tydens verkiesingstydperke
      • Verkiesingsbeamptes
      • Regeringsdissidente wat as gevolg van hulle dissedentstatus geteiken word
      • Etniese en godsdienstige minderhede in konfliksones
      • Lid van ’n aangewese en herkenbare hoërisikogroep
    • Enige individu in persoonlike ruimtes, soos inkassies of profiele met die volgende teiken:
      • Inhoud wat die beleide vir privaat individue oor afknouery en teistering oortree, of
      • Aanstootlike inhoud wat op ’n beskermde eienskap gegrond is
  • Deaktiveer rekeninge wat deelneem aan massateistering as deel van:
    • Die staat of staatsgeaffilieerde netwerke wat enige individu in enige ruimte teiken.
    • Vyandige netwerke wat enige individu in enige ruimte met die volgende teiken:
      • Inhoud wat die beleide vir privaat individue oor afknouery en teistering oortree, of
      • Inhoud wat hulle op grond van ’n beskermde eienskap teiken, of
      • Inhoud of gedrag wat andersins in plaaslike konteks as bedenklik beskou word
Gebruikerservarings
Sien ’n paar voorbeelde van hoe handhawing vir mense op Facebook lyk, soos hoe dit lyk om iets te rapporteer wat jy dink nie op Facebook moet wees nie, om ingelig te word dat jy ons Gemeenskapstandaarde oortree het, en om ’n waarskuwingskerm bo-oor sekere inhoud te sien.
Neem kennis: Ons is voortdurend besig om te verbeter; dus kan wat jy hier sien, ietwat verouderd wees in vergelyking met wat ons tans gebruik.
GEBRUIKERSERVARING
Rapportering
GEBRUIKERSERVARING
Nárapporteringskommunikasie
GEBRUIKERSERVARING
Verwyderingservaring
GEBRUIKERSERVARING
Waarskuwingskerms
Data
Bekyk die jongste verslag oor die toepassing van gemeenskapstandaarde
Handhawing
Ons het wêreldwyd dieselfde beleide vir almal op Facebook.
Kontroleringspanne
Ons wêreldwye span van meer as 15 000 kontroleerders werk elke dag om mense op Facebook veilig te hou.
Betrokkenheid van belanghebbendes
Kundiges van buite, akademici, NRO’s en beleidmakers help om die Facebook Gemeenskapstandaarde vas te stel.
Kry hulp met afknouery en teistering
Vind uit wat jy kan doen indien jy iets op Facebook sien wat strydig met ons Gemeenskapstandaarde is.
Besoek ons Hulpsentrum